5 പേരെ ഞാൻ മലയാള സിനിമയിലേക്ക് സംഭാവന ചെയ്‌തിട്ടുണ്ട്‌: ദിലീപ്

മലയാള സിനിമയുടെ ജനപ്രിയ നായകനാണ് ദിലീപ്. നടനായും നിർമ്മാതാവും ഒരുപിടി നല്ല ചിത്രങ്ങൾ സമ്മാനിച്ചിട്ടുള്ള വ്യക്തിയാണ് ദിലീപ്. മിമിക്രി രംഗത്തിൽ നിന്ന് സിനിമ മേഖലയ്ക്ക് അദ്ദേഹം കടന്ന് വരുകയായിരുന്നു. ഇപ്പോൾ മലയാള സിനിമയിലെ മുൻനിര നായകന്മാരിൽ ഒരാളാണ് ദിലീപ്. ഇപ്പോൾ സമൂഹ മാധ്യമങ്ങളിൽ ദിലീപിന്റെ പഴയൊരു വിഡിയോയാണ് ഏറെ ശ്രദ്ധ നേടുന്നത്. പുതുമുഖങ്ങളെ സിനിമയിൽ കൊണ്ടുവന്നു സൂപ്പർസ്റ്റാറുകൾ ആക്കുവാൻ ആഗ്രഹമില്ലേ എന്ന് ദിലീപിനോട് പൊതുവേദിയിൽ ചോദിക്കുകയുണ്ടായി. വളരെ രസകരമായ മറുപടിയാണ് നടൻ അവതാരികയ്ക്ക് നൽകിയത്.

തന്നെ മലയാള സിനിമയിലേക്ക് കൈപിടിച്ചു കൊണ്ടുവന്നത് ജയറാമേട്ടൻ ആണെന്നും അദ്ദേഹം മൂലം മലയാള സിനിമയ്ക്ക് ഒരു നായകനെ കിട്ടിയെന്ന് ദിലീപ് പറയുകയുണ്ടായി. ജയറാം ഒരാളെ സിനിമയ്ക്ക് നൽകിയപ്പോൾ താൻ അഞ്ച് പേരെ മലയാള സിനിമയ്ക്ക് നൽകിയിട്ടുണ്ടെന്ന് ദിലീപ് വ്യക്തമാക്കി. മലർവാടി ആർട്‌സ് ക്ലബ്ബ് എന്ന ചിത്രത്തിലൂടെ അജു വർഗ്ഗീസ്, നിവിൻ പോളി, ഭഗത് തുടങ്ങിയ താരങ്ങൾക്കാണ് ദിലീപ് കൈതാങ്ങായത്. ഇനിയും അത്തരത്തിലുള്ള ചിത്രങ്ങൾ വന്നാൽ പുതുമുഖങ്ങൾ പിന്തുണയ്ക്കുമെന്നും കാരണം ഒരു കാലത്ത് താനും ഒരു പുതുമുഖം ആയിരുന്നു എന്ന് ദിലീപ് സൂചിപ്പിക്കുകയുണ്ടായി. വിഷ്ണു ഉണ്ണികൃഷ്ണൻ നായകനായി അരങ്ങേറ്റം കുറിച്ച കട്ടപ്പനയിലെ ഋത്വിക് റോഷൻ എന്ന ചിത്രം നിർമ്മിച്ചതും ദിലീപ് തന്നെയായിരുന്നു. ഒരു നിർമ്മാതാവ് എന്ന നിലയിൽ ഒരുപാട് യുവതാരങ്ങളെ ദിലീപ് മലയാള സിനിമയ്ക്ക് സംഭാവന ചെയ്തിട്ടുണ്ട്.