“എന്തിനാ ചേട്ടാ വായിൽ തോന്നിയത് പറഞ്ഞോണ്ടിരിക്കുന്നത്?” മാധ്യമ പ്രവർത്തകരോട് പ്രതികരിച്ച് ദിലീപ്

കൊച്ചിയിൽ യുവനടിയെ ആക്രമിച്ച കേസിൽ പോലീസ് തെളിവ് എടുപ്പ് തുടങ്ങി. തെളിവെടുപ്പിനായി കേസിൽ പ്രതിയായി അറസ്റ്റ് ചെയ്ത നടൻ ദിലീപിനെ കൊച്ചിയിലെ അബാദ് പ്ലാസയിൽ എത്തിച്ചിരിക്കുകയാണ്. വളരെ ശാന്തനായി മുഖത്തൊരു പുഞ്ചിരിയുമായാണ് ദിലീപ് എത്തിയത്.

മാധ്യമ പ്രവർത്തകർക്കിടയിലൂടെ റൂമിലേക്ക് കയറുന്നതിനിടയിൽ തനിക്ക് ഇഷ്ടമില്ലാത്ത രീതിയിൽ റിപ്പോർട്ടിങ് ചെയ്തു കൊണ്ടിരുന്ന മാധ്യമ പ്രവർത്തകനെ നോക്കി പുഞ്ചിരി മായാതെ തന്നെ “എന്തിനാ ചേട്ടാ വായിൽ തോന്നിയത് പറഞ്ഞോണ്ടിരിക്കുന്നത്?” എന്ന് മാത്രം ദിലീപ് പറഞ്ഞു.

കൂടുതൽ സംസാരിക്കാൻ ഇടം നൽകാതെ പോലീസ് ദിലീപിനെ അകത്തേക്ക് കൊണ്ട് പോകുകയും ചെയ്തു. ദിലീപിനെ ‘ജോർജേട്ടൻസ് പൂര’ത്തിന്റെ ഷൂട്ടിങ് നടന്ന തൊടുപുഴ ശാന്തിഗിരി കോളേജിലെത്തിച്ചും പോലീസ് തെളിവ് എടുത്തിട്ടുണ്ട്.