ദളപതിയുടെ ബിഗിൽ കാണാൻ ജനപ്രിയ നായകനും.!

മലയാളത്തിന്റെ ജനപ്രിയ നായകൻ ദിലീപ് ഇന്ന് തന്റെ അന്പത്തിരണ്ടാം ജന്മദിനം ആഘോഷിക്കുകയാണ്. ആരാധകരും മലയാള സിനിമാ ലോകവും ദിലീപിന് പിറന്നാൾ ആശംസകൾ നേരുന്ന തിരക്കിലാണ്. ഇപ്പോഴിതാ തന്റെ പിറന്നാൾ ദിനത്തിൽ ദിലീപ് ദളപതി വിജയ്‌യുടെ പുതിയ ചിത്രമായ ബിഗിൽ കാണാൻ ആണ് തീരുമാനിച്ചത്. അദ്ദേഹം ബിഗിൽ കാണാൻ തീയേറ്ററിൽ എത്തിയ ചിത്രം സോഷ്യൽ മീഡിയയിൽ വിജയ് ആരാധകരുടെയും ദിലീപ് ആരാധകരുടെയും ഇടയിൽ പ്രചരിക്കുന്നുണ്ട്. ആറ്റ്ലി സംവിധാനം ചെയ്ത ഈ ചിത്രം വമ്പൻ പ്രേക്ഷക പ്രതികരണം ആണ് നേടിയെടുക്കുന്നത്.

ദിലീപ് അഭിനയിച്ച സിദ്ദിഖ് ചിത്രമായ ബോഡി ഗാർഡ് തമിഴിലേക്ക് റീമേക് ചെയ്തപ്പോൾ വിജയ് ആണ് നായകൻ ആയി എത്തിയത്. കാവലൻ എന്ന ആ ചിത്രം വിജയ്ക്ക് തുടർ പരാജയങ്ങളിൽ നിന്ന് ഒരു മോചനം സമ്മാനിച്ചിരുന്നു. എസ് എൽ പുരം ജയസൂര്യ സംവിധാനം ചെയ്ത ജാക്ക് ഡാനിയൽ ആണ് ദിലീപിന്റെ അടുത്ത റിലീസ്. ഈ വരുന്ന നവംബർ ഏഴിന് ജാക്ക് ഡാനിയൽ തീയേറ്ററുകളിൽ എത്തും. ഷിബു തമീൻസ് നിർമ്മിച്ച ജാക്ക് ഡാനിയലിൽ തമിഴ് സിനിമയുടെ ആക്ഷൻ കിംഗ് അർജുനും അഭിനയിക്കുന്നുണ്ട്. ഈ വർഷം ക്രിസ്മസിനും ദിലീപിന് റിലീസ് ഉണ്ട്. സുഗീത് ഒരുക്കുന്ന മൈ സാന്റാ എന്ന ചിത്രമാണ് അത്.

അതേ സമയം വിജയ് നായകനായ ബിഗിൽ ഇപ്പോൾ കളക്ഷൻ റെക്കോർഡുകൾ ഭേദിച്ച് കൊണ്ട് പ്രദർശനം തുടരുകയാണ്. ഈ ചിത്രത്തിന്റെ വിജയത്തിലൂടെ വിജയ്- ആറ്റ്ലി ടീം ഹാട്രിക്ക് വിജയമാണ് നേടിയെടുത്തിരിക്കുന്നതു. സൂപ്പർ ഹിറ്റുകൾ ആയ തെരി, മെർസൽ എന്നിവ ആയിരുന്നു ഇവരുടെ മുൻ ചിത്രങ്ങൾ. ഇപ്പോൾ ലോകേഷ് കനകരാജ് ഒരുക്കുന്ന ചിത്രത്തിൽ ആണ് വിജയ് അഭിനയിച്ചു കൊണ്ടിരിക്കുന്നത്.