അവൾ ആയത് കൊണ്ട് പെട്ടെന്ന് പരിപാടി കഴിഞ്ഞു; പുതിയ ചിത്രത്തിലെ കിടപ്പറ രംഗത്തെക്കുറിച്ച് ധ്യാൻ ശ്രീനിവാസൻ..!

മലയാളത്തിലെ യുവ താരങ്ങളിലൊരാളായ ധ്യാൻ ശ്രീനിവാസൻ ഇപ്പോൾ കൈ നിറയെ ചിത്രങ്ങളുമായി തിരക്കിലാണ്. ധ്യാൻ പ്രധാന വേഷങ്ങളിലൊന്ന് ചെയ്ത് റിലീസ് ചെയ്യാൻ പോകുന്ന പുതിയ ചിത്രമാണ് ഉടൽ. ഇതിന്റെ ടീസർ സോഷ്യൽ മീഡിയയിൽ തരംഗമായി മാറിയിരുന്നു. അതിൽ തന്നെ ധ്യാനും നായികാ വേഷം ചെയ്‌ത നടി ദുർഗാ കൃഷ്ണയും തമ്മിലുള്ള ഒരു കിടപ്പറ രംഗവും ശ്രദ്ധ നേടിയിരുന്നു, ഇപ്പോഴിതാ ആ ചിത്രത്തിന്റെ പ്രമോഷന്റെ ഭാഗമായി ബിഹൈൻഡ് വുഡ്സ് ഐസിന് നൽകിയ അഭിമുഖത്തിൽ ധ്യാൻ പറയുന്ന രസകരമായ വാക്കുകൾ സോഷ്യൽ മീഡിയയിൽ ട്രെന്റിങ്ങായി മാറുകയാണ്. ഈ ചിത്രത്തിലെ കിടപ്പറ രംഗമഭിനയിച്ചതിനെ കുറിച്ച് ചോദിച്ചപ്പോൾ ധ്യാൻ പറയുന്നതാണ് കൂടുതൽ വൈറലായി മാറിയത്.

അത്തരം ഒരു സീൻ ഉണ്ടെന്ന് നേരത്തെ തന്നെ അറിയാമായിരുന്നു എന്നത് കൊണ്ടും, ഒപ്പമഭിനയിച്ച നടി ദുർഗാ കൃഷ്ണയുമായി നല്ല സൗഹൃദമുള്ളത് കൊണ്ടും സഭാകമ്പമൊന്നുമില്ലാതെ ആ രംഗം ചെയ്യാൻ സാധിച്ചുവെന്നാണ് ധ്യാൻ പറയുന്നത്. ഒപ്പമവളായത് കൊണ്ട് പെട്ടെന്ന് പരിപാടി കഴിഞ്ഞെന്നും ധ്യാൻ രസകരമായി പറയുന്നു. പണ്ട് ഇത്തരം സീനുകൾ കാമറ ട്രിക്ക് ആണെന്നാണ് കരുതിയിരുന്നതെന്നും പിന്നീട് സംഭവം ഒറിജിനലായി ചെയ്യുന്നതാണെന്നു മനസ്സിലായപ്പോഴാണ് സിനിമയോട് തനിക്ക് കൂടുതൽ ഇഷ്ടവും ആഗ്രഹവും തോന്നിയതെന്ന് ധ്യാൻ രസകരമായി അവതരിപ്പിക്കുന്നതും സോഷ്യൽ മീഡിയ ഏറ്റെടുത്തിരിക്കുകയാണ്. രതീഷ് രഘുനന്ദന്‍ സംവിധാനം ചെയ്തിരിക്കുന്ന ഈ ചിത്രം നിർമ്മിച്ചിരിക്കുന്നത് ശ്രീ ഗോകുലം മൂവീസിന്റെ ബാനറില്‍ ഗോകുലം ഗോപാലനാണ്. ഇന്ദ്രൻസ് പ്രധാന വേഷം ചെയ്യുന്ന ഈ ചിത്രത്തിൽ ജൂഡ് ആന്റണി ജോസഫുമഭിനയിക്കുന്നുണ്ട്. മെയ് ഇരുപതിനാണ് ഉടൽ റിലീസ് ചെയ്യാൻ പോകുന്നത്.