സർപ്രൈസുകൾ നിറഞ്ഞ കിംഗ് ഓഫ് കൊത്ത; പാൻ ഇന്ത്യൻ സൂപ്പർസ്റ്റാറിന്റെ ചിത്രത്തിൽ അതിഥി വേഷത്തിൽ തമിഴ് സൂപ്പർ താരവും; വിവരങ്ങളിതാ.

നാളെയാണ് മലയാളത്തിന്റെ പാൻ ഇന്ത്യൻ സൂപ്പർസ്റ്റാർ ദുൽഖർ സൽമാൻ നായകനായി എത്തുന്ന കിംഗ് ഓഫ് കൊത്ത ആഗോള റിലീസായി പ്രേക്ഷകരുടെ മുന്നിലെത്തുക. ദുൽഖറിന്റെ കരിയറിലെ തന്നെ ഏറ്റവും വലിയ ചിത്രമായി എത്തുന്ന ഈ ചിത്രം, വമ്പൻ ഹൈപ്പ് ആണ് സൃഷ്ടിച്ചിരിക്കുന്നത്. കേരളത്തിലെ അഡ്വാൻസ് ബുക്കിങ് സ്റ്റാറ്റസ് തന്നെ രണ്ടര കോടിയും കടന്ന് മുന്നേറുന്നത് തന്നെ ആ ഹൈപ്പിനു തെളിവാണ്. ഇതിന്റെ ട്രൈലെർ, ഗാനങ്ങൾ എന്നിവ സൂപ്പർ ഹിറ്റായതും ചിത്രത്തിന് പിന്നിലുള്ള ഹൈപ്പിന് കാരണമായിട്ടുണ്ട്. ഇപ്പോഴിതാ ആരാധകർക്ക് ആവേശം കൂട്ടുന്ന മറ്റൊരു വാർത്ത കൂടി സോഷ്യൽ മീഡിയയിൽ പ്രചരിക്കുകയാണ്‌. വമ്പൻ താരനിര അണിനിരക്കുന്ന ഈ ചിത്രത്തിൽ തമിഴിലെ ഒരു പ്രശസ്ത യുവതാരം അതിഥി വേഷത്തിൽ എത്തുന്നുണ്ടെന്ന റിപ്പോർട്ടുകളാണ് വരുന്നത്.

ചെറുതാണെങ്കിലും വളരെ ശ്കതമായ ഒരതിഥി വേഷമാണ് ആ താരം ചെയ്യുന്നതെന്നും, കിംഗ് ഓഫ് കൊത്തക്ക് ഒരു രണ്ടാം ഭാഗം ഉണ്ടാവാനുള്ള സാദ്ധ്യതകൾ തുറന്നിടുന്ന അതിഥി വേഷം കൂടിയാണ് അതെന്നുമാണ് സൂചന. തമിഴ് സൂപ്പർ താരം ചിയാൻ വിക്രമിന്റെ മകനും തമിഴിലെ യുവതാരവുമായ ധ്രുവ് വിക്രമാണ് ആ അതിഥി വേഷം ചെയ്യുന്നതെന്നാണ് സ്ഥിതീകരിക്കാത്ത റിപ്പോർട്ടുകൾ പറയുന്നത്. ദുൽഖർ സൽമാനും സീ സ്റ്റുഡിയോസും ചേർന്ന് നിർമ്മിച്ച ഈ പാൻ ഇന്ത്യൻ ആക്ഷൻ ഡ്രാമ സംവിധാനം ചെയ്തത് നവാഗതനായ അഭിലാഷ് ജോഷിയും, രചിച്ചത് അഭിലാഷ് എൻ ചന്ദ്രനുമാണ്. മലയാളം കൂടാതെ തമിഴ്, തെലുങ്ക്, ഹിന്ദി ഭാഷകളിലും കിംഗ് ഓഫ് കൊത്ത റിലീസ് ചെയ്യുന്നുണ്ട്