ഇത്തരം രംഗങ്ങള്‍ക്ക് ഭർത്താവ് ഓക്കെ ആണോ?; രോഷം നിറഞ്ഞ മറുപടിയുമായി ദീപിക പദുക്കോൺ..!

ബോളിവുഡിലെ നായികാ സൂപ്പർ താരമായ ദീപിക പദുക്കോൺ നായികാ വേഷത്തിൽ എത്തുന്ന ഏറ്റവും പുതിയ ചിത്രമാണ് ഗെഹരിയാന്‍. ദീപിക പദുകോണും സിദ്ധാന്ത് ചതുര്‍വേദിയും നായികാ നായകന്മാരായി എത്തുന്ന ഈ ചിത്രം, നേരിട്ടുള്ള ഒടിടി റിലീസ് ആയി നാളെ മുതൽ ആമസോൺ പ്രൈം വഴി സ്ട്രീം ചെയ്തു തുടങ്ങും. ഇതിന്റെ ട്രൈലെർ, ഇതിലെ ഗാനങ്ങളുടെ വീഡിയോ എന്നിവ നേരത്തെ തന്നെ റിലീസ് ചെയ്യുകയും മികച്ച പ്രേക്ഷക ശ്രദ്ധ നേടുകയും ചെയ്തിരുന്നു. വളരെ ശ്കതമായ ഒരു സ്ത്രീ കഥാപാത്രമാണ് ദീപിക ഈ ചിത്രത്തിൽ ചെയ്യുന്നത് എന്നാണ് ട്രൈലെർ നൽകുന്ന സൂചന. അതോടൊപ്പം തന്നെ, ഈ ചിത്രത്തിലെ ചില രംഗങ്ങൾ ഇപ്പോൾ സിനിമാ ലോകത്തെ ചൂടൻ ചർച്ചകൾക്ക് തന്നെ കാരണമായിരിക്കുകയാണ്. ദീപികയും സിദ്ധാന്തും തമ്മിലുള്ള പ്രണയരംഗങ്ങൾ ആണ് ഇപ്പോൾ ചർച്ചാ വിഷയമായിരിക്കുന്നതു. സിദ്ധാന്തുമായുള്ള ചുംബന രംഗങ്ങളിലടക്കം അഭിനയിക്കുന്നതിൽ ഭർത്താവ് രൺവീർ സിങ്ങിന് കുഴപ്പമൊന്നുമില്ലായിരുന്നോ എന്നുള്ള കമന്റുകൾക്ക് ഉള്ള മറുപടിയാണ് അടുത്തിടെ ദീപിക പങ്കു വെച്ചത്.

ആ ചോദ്യത്തിന് രോഷം നിറഞ്ഞ മറുപടിയാണ് ദീപിക നൽകിയത്. അതിനോട് പ്രതികരിക്കുന്നത് പോലും മണ്ടത്തരമാണ് എന്നും താൻ കമന്റുകൾ വായിക്കാറില്ല എന്നും ദീപിക പറയുന്നു. രൺവീറും വായിക്കുന്നുണ്ടാവില്ല എന്നും തങ്ങൾക്കു ഇതല്ല ഏറ്റവും പ്രധാനപ്പെട്ട കാര്യം എന്നും ദീപിക പറയുന്നു. ഇത് ചോദിക്കുന്നത് തന്നെ വളരെ മണ്ടത്തരമാണ് എന്ന് പറയുന്ന ദീപിക, ഈ സിനിമയെ കുറിച്ചും തന്റെ കഥാപാത്രത്തേയും പ്രകടനത്തേയും കുറിച്ചും രൺവീർ ഏറെ അഭിമാനിക്കുന്നു എന്നാണ് താൻ കരുതുന്നത് എന്നും പറഞ്ഞു. ശകുൻ ബത്ര ആണ് ഈ ചിത്രം രചിച്ചു സംവിധാനം ചെയ്തിരിക്കുന്നത്.