മലയാളത്തിന്റെ താര ചക്രവർത്തി മോഹൻലാലിനും മെഗാ സ്റ്റാർ മമ്മൂട്ടിക്കും തുടങ്ങി യുവ താരങ്ങൾക്കുവരേയും തമിഴ് സൂപ്പർ താരങ്ങൾക്കും ഇവിടെ കട്ട് ഔട്ടുകൾ ഉയരുന്നത് നമ്മൾ കണ്ടിട്ടുണ്ട്. ഇപ്പോഴിതാ സൂപ്പർ താരമോ സിനിമയിലെ സ്ഥിരം നായകനോ അല്ലാത്ത ഒരാൾക്ക് വേണ്ടിയും കേരളത്തിൽ കട്ട് ഔട്ട് ഉയർന്നു കഴിഞ്ഞു. മേരാ നാം ഷാജി എന്ന നാദിർഷ ചിത്രത്തിലെ മൂന്നു നായകന്മാരിൽ ഒരാളായി എത്തുന്ന പ്രശസ്ത നടൻ ബൈജു സന്തോഷിനു വേണ്ടിയാണു കട്ട് ഔട്ട് ഉയർന്നിരിക്കുന്നത്. കോഴിക്കോട്, കൊച്ചി, ട്രിവാൻഡ്രം എന്നിവിടങ്ങളിലെ മൂന്നു ഷാജിമാരുടെ കഥ പറയുന്ന ഈ ചിത്രത്തിൽ ട്രിവാൻഡ്രം ഷാജി ആയാണ് ബൈജു സന്തോഷ് അഭിനയിക്കുന്നത്. തൊണ്ണൂറുകളിലെ മൾട്ടിസ്റ്റാർ ഹാസ്യ ചിത്രങ്ങളിൽ നായക തുല്യമായ വേഷങ്ങൾ അവതരിപ്പിച്ചു കയ്യടി നേടിയിട്ടുള്ള ബൈജു ഒരിടവേളക്ക് ശേഷമാണു വീണ്ടും നായക തുല്യമായ വേഷത്തിൽ എത്തുന്നത്.
ബിജു മേനോൻ കോഴിക്കോട് ഷാജി ആയും ആസിഫ് അലി കൊച്ചീ ഷാജി ആയും എത്തുന്ന ഈ ചിത്രം നാളെ റിലീസ് ചെയ്യും. ദിലീപ് പൊന്നൻ തിരക്കഥ രചിച്ചിരിക്കുന്ന ഈ ചിത്രത്തിൽ നിഖില വിമൽ, സുരഭി ലക്ഷ്മി, ധർമജൻ ബോൾഗാട്ടി, ശ്രീനിവാസൻ എന്നിവരും അഭിനയിച്ചിട്ടുണ്ട്. വിനോദ് ഇല്ലംപിള്ളി ദൃശ്യങ്ങൾ ഒരുക്കിയിരിക്കുന്ന ഈ ചിത്രം ബി രാകേഷ് ആണ് നിർമ്മിച്ചിരിക്കുന്നത്. ഇതിന്റെ ടീസറും ഇതിലെ ഗാനങ്ങളും എല്ലാം ഏറെ പ്രേക്ഷക ശ്രദ്ധ നേടിയെടുത്തിരുന്നു. എമിൽ മുഹമ്മദ് ആണ് ഇതിലെ ഗാനങ്ങൾ ഒരുക്കിയിരിക്കുന്നത്. നാദിർഷയും ഈ ചിത്രത്തിന് വേണ്ടി ഗാനം ഒരുക്കിയിട്ടുണ്ട്.
പ്രശസ്ത രചയിതാവ് രഘുനാഥ് പലേരിയുടെ തിരക്കഥയിൽ ഷാനവാസ് കെ ബാവക്കുട്ടി സംവിധാനം ചെയ്ത ' ഒരു കട്ടിൽ ഒരു മുറി'…
100 കോടി പിന്നിട്ടിട്ടും A.R.M ൻ്റെ ബോക്സ് ഓഫീസ് കുതിപ്പ് തുടർന്നുകൊണ്ടിരിക്കുകയാണ്. കഴിഞ്ഞ ആഴ്ചകളിലായി കേരളത്തിലെ തിയറ്ററുകളിൽ നിന്ന് എല്ലാ…
കൺവിൻസിങ് സ്റ്റാർ എന്ന പേരിൽ സമൂഹ മാധ്യമങ്ങളിൽ ഇപ്പോൾ നിറഞ്ഞു നിൽക്കുകയാണ് പ്രശസ്ത മലയാള താരം സുരേഷ് കൃഷ്ണ. അതീവ…
'തല്ലുമാല'ക്ക് ശേഷം ഖാലിദ് റഹ്മാൻ സംവിധാനം ചെയ്യുന്ന പുതിയ ചിത്രത്തിന്റെ ടൈറ്റിൽ പുറത്ത്. സ്പോർട്സ് കോമഡി വിഭാഗത്തിൽ ഒരുങ്ങുന്ന ചിത്രത്തിൽ…
നസ്ലൻ, കല്യാണി പ്രിയദർശൻ എന്നിവരെ പ്രധാന കഥാപാത്രങ്ങളാക്കി അരുൺ ഡൊമിനിക് രചിച്ചു സംവിധാനം ചെയ്യുന്ന ചിത്രത്തിന്റെ ഷൂട്ടിംഗ് ഇപ്പോൾ പുരോഗമിക്കുകയാണ്.…
മലയാള സിനിമയിലെ മികച്ച എഴുത്തുകാരുടെ നിരയിൽ മുൻപന്തിയിൽ സ്ഥാനം പിടിച്ചയാളാണ് രഘുനാഥ് പലേരി. മലയാള സിനിമയിലെ ക്ലാസ്സിക്കുകൾ പലതും പിറന്ന…
This website uses cookies.