ക്ലീൻ യു സർട്ടിഫിക്കറ്റുമായി ഇരുപത്തിയൊന്നാം നൂറ്റാണ്ട്; ട്രൈലെർ നാളെ..!

പ്രണവ് മോഹൻലാൽ നായകനായി എത്തുന്ന രണ്ടാമത്തെ ചിത്രമായ ഇരുപത്തിയൊന്നാം നൂറ്റാണ്ടിന്റെ സെൻസർ ഇന്ന് കഴിഞ്ഞു. ക്ലീൻ യു സർട്ടിഫിക്കറ്റ് ആണ് ഈ ചിത്രത്തിന് ലഭിച്ചിരിക്കുന്നത്. മാത്രമല്ല ഈ ചിത്രത്തിന്റെ ട്രൈലെർ നാളെ റിലീസ് ചെയ്യും എന്നും സംവിധായകൻ അരുൺ ഗോപി അറിയിച്ചിട്ടുണ്ട്. ബ്ലോക്ക്ബസ്റ്റർ ആയ ആദിക്ക് ശേഷം പ്രണവ് മോഹൻലാലും വമ്പൻ വിജയം നേടിയ രാമലീലക്ക് ശേഷം അരുൺ ഗോപിയും എത്തുന്നു എന്നതാണ് തന്നെയാണ് ഈ ചിത്രത്തിന്റെ ഏറ്റവും വലിയ ആകർഷണം. മുളകുപാടം ഫിലിമ്സിന്റെ ബാനറിൽ ടോമിച്ചൻ മുളകുപാടം നിർമ്മിച്ച ഈ ചിത്രം രചിച്ചിരിക്കുന്നതും അരുൺ ഗോപി തന്നെയാണ്. ഒരു പക്കാ ഫാമിലി എന്റെർറ്റൈനെർ ആയി തന്നെയാണ് ഈ ചിത്രം അദ്ദേഹം ഒരുക്കിയിരിക്കുന്നത് എന്നാണ് സൂചന.
ഒരു സൗർഫിങ് ഇൻസ്ട്രക്ടർ ആയ അപ്പു എന്ന കഥാപാത്രം ആയി പ്രണവ് എത്തുമ്പോൾ ഈ ചിത്രത്തിലെ നായികാ വേഷം അവതരിപ്പിക്കുന്നത് പുതുമുഖമായ സായ ഡേവിഡ് ആണ്. ഇവരോടൊപ്പം വലിയ താരനിര തന്നെയാണ് ഈ ചിത്രത്തിൽ അണിനിരക്കുന്നത്. മനോജ് കെ ജയൻ, കലാഭവൻ ഷാജോൺ, ധർമജൻ ബോൾഗാട്ടി, ജി സുരേഷ് കുമാർ , ബിജു കുട്ടൻ, ഇന്നസെന്റ്, ഷാജു, സിദ്ദിഖ്, ആന്റണി പെരുമ്പാവൂർ, ടിനി ടോം എന്നിവരാണ് അവർ. ഗോപി സുന്ദർ സംഗീതം ഒരുക്കിയ ഈ ചിത്രം എഡിറ്റ് ചെയ്തത് വിവേക് ഹർഷനും ഈ ചിത്രത്തിന് വേണ്ടി ദൃശ്യങ്ങൾ ഒരുക്കിയത് അഭിനന്ദം രാമാനുജനും ആണ്.  പീറ്റർ ഹെയ്‌ൻ, സുപ്രീം സുന്ദർ എന്നിവർ ചേർന്ന് ആണ് ഈ ചിത്രത്തിലെ സംഘട്ടന രംഗങ്ങൾ ഒരുക്കിയിരിക്കുന്നത്.