വിക്രത്തെ കണ്ട ആരാധകർ ഞെട്ടി…സാമിയുടെ ചിത്രീകരണത്തിനായി തിരുവനന്തപുരത്ത് എത്തി വിക്രം.. ചിത്രങ്ങൾ കാണാം..

വിക്രത്തിന്റെ വലിയ തിരിച്ചുവരവ് കാത്തിരിക്കുന്ന ആരാധകർ ഏറെ പ്രതീക്ഷയോടുകൂടി നോക്കിക്കാണുന്ന ചിത്രമാണ് സാമി സ്‌ക്വയർ. സിംഗം ഉൾപ്പെടെയുള്ള സൂപ്പർ ഹിറ്റ് തട്ടുപൊളിപ്പൻ ചിത്രങ്ങളുടെ സംവിധായകനായ ഹരി ഒരുക്കുന്ന ചിത്രം 2003ൽ പുറത്തിറങ്ങി സൂപ്പർഹിറ്റായ സാമിയുടെ രണ്ടാം ഭാഗമാണ്. 15 വർഷങ്ങൾക്ക് ശേഷം സാമി തിരിച്ചെത്തുമ്പോൾ ആദ്യ ഭാഗത്തിലും കൂടുതൽ മാസ്സ് ആക്ഷൻ രംഗങ്ങൾക്ക് നൽകി ഇരട്ടി തിളക്കം നൽകാനാണ് അണിയറപ്രവർത്തകർ ഒരുങ്ങുന്നത്. തൃഷയോടൊപ്പം മലയാളി താരമായ കീർത്തി സുരേഷും ചിത്രത്തിൽ നായികയായി എത്തുന്നു. ഇവരെ കൂടാതെ പ്രഭു, ബോബി സിംഹ, ഐശ്വര്യ തുടങ്ങിയവർ ചിത്രത്തിൽ മറ്റ് വേഷങ്ങളിൽ എത്തുന്നു. ചിത്രത്തിന്റെ മോഷൻ പോസ്റ്റർ കഴിഞ്ഞ ദിവസം പുറത്തിറങ്ങിയിരുന്നു. മോഷൻ പോസ്റ്റർ ചുരുങ്ങിയ സമയം കൊണ്ടു തന്നെ വലിയ തരംഗമായി മാറുകയും ചെയ്തിരുന്നു. ചിത്രത്തിന്റെ ഷൂട്ടിംഗ് നടപടികൾ പുരോഗമിക്കെയാണ് അപ്രതീക്ഷിതമായി ആരാധകരെ ഞെട്ടിച്ച് ഷൂട്ടിങ്ങിനായി വിക്രം തിരുവനന്തപുരത്ത് എത്തിയത്.

ഇന്നലെയായിരുന്നു വിക്രം സംഘവും ചിത്രത്തിന്റെ ഷൂട്ടിങ്ങിനായി തിരുവനന്തപുരം അന്താരാഷ്ട്ര വിമാനത്താവളത്തിൽ എത്തിച്ചേർന്നത്. വിക്രത്തിനെ അപ്രതീക്ഷിതമായി കണ്ട് ആരാധകർ ഒന്ന് അമ്പരന്നെങ്കിലും ചിത്രീകരണത്തിനാണ് എത്തിയതെന്ന് അറിഞ്ഞതോടെ ആരാധകർ ചിത്രീകരണത്തിനായി വഴിയൊരുക്കി നൽകി. കോവളം ഹൈവേയിലും പിന്നീട് ചിത്രത്തിന്റെ മറ്റ് ഷൂട്ടിങ് നടപടികൾ നടന്നു. ബോബി സിൻഹയും വിക്രത്തിനോടൊപ്പം ഷൂട്ടിങ്ങിനായി എത്തിയിരുന്നു. ഷൂട്ടിങ്ങിനു ശേഷം സംഘം തിരുനെൽവേലിയിലേക്ക് തിരിച്ചു. ഇനിയും ഷൂട്ടിംഗ് നടപടികൾ ബാക്കിയുണ്ടെന്ന് അണിയറപ്രവർത്തകർ കഴിഞ്ഞ ദിവസം മാധ്യമപ്രവർത്തകരോട് അറിയിച്ചു. റിലീസ് പൂർത്തിയാക്കി ചിത്രം ഒക്ടോബറിൽ തീയറ്ററുകളിലേക്ക് എത്തും.