എന്നെയും ഒരു കൂട്ടുകാരനായി കണ്ടാൽ മതി; ദളപതി വിജയ്‌യുടെ വാക്കുകൾ തുറന്നു പറഞ്ഞു ബാലതാരം..!

ബിഗിൽ എന്ന ചിത്രം നേടിയ ബ്ലോക്ക്ബസ്റ്റർ വിജയത്തിന്റെ തിളക്കത്തിൽ ആണിപ്പോൾ തമിഴകത്തിന്റെ ദളപതി വിജയ്. ആറ്റ്‌ലി ഒരുക്കിയ ഈ ചിത്രം മുന്നൂറു കോടിയുടെ ആഗോള കളക്ഷൻ മാർക്കും പിന്നിട്ടു വിജയ്‌യുടെ കരിയറിലെ തന്നെ ഏറ്റവും വലിയ വിജയം ആയി മാറിക്കഴിഞ്ഞു. അതിനു ശേഷം ഇപ്പോൾ ലോകേഷ് കനകരാജ് ഒരുക്കുന്ന പുതിയ ചിത്രത്തിൽ അഭിനയിച്ചു കൊണ്ടിരിക്കുകയാണ് വിജയ്. വനിതാ ഫുട്‌ബോൾ ടീമിന്റെ പശ്ചാത്തലത്തിൽ കഥ പറഞ്ഞ ബിഗിൽ എന്ന ചിത്രത്തിൽ വിജയ്ക്ക് ഒപ്പം തുല്യ പ്രാധാന്യം ഉള്ള കഥാപാത്രങ്ങളെ ആണ് വനിതാ ഫുട്‌ബോൾ താരങ്ങൾ ആയി അഭിനയിച്ച പെൺകുട്ടികളും അവതരിപ്പിച്ചത്. ദളപതി വിജയ്ക്ക് ഒപ്പമുള്ള ഷൂട്ടിംഗ് അനുഭവം ഒരിക്കലും മറക്കാൻ പറ്റില്ല എന്നും അവർ പറയുന്നു.

അവർ ഓരോരുത്തരും പങ്കു വെച്ച അവരുടെ അനുഭവങ്ങൾ സോഷ്യൽ മീഡിയയിൽ ഏറെ വൈറൽ ആയിരുന്നു. സഹതാരങ്ങളോട് ഏറ്റവും കൂളായി പെരുമാറുന്ന സൂപ്പർ താരങ്ങളിൽ ഒരാളാണ് ദളപതി വിജയ്. ഇപ്പോഴിതാ അതൊരിക്കൽ കൂടി വെളിപ്പെടുത്തിക്കൊണ്ട് എത്തിയിരിക്കുന്നത് ഒരു കുട്ടിത്താരം ആണ്. സെറ്റിൽ വെച്ചു വിജയ് സർ എന്നു അദ്ദേഹത്തെ വിളിച്ചപ്പോൾ അങ്ങനെ വിളിക്കേണ്ട എന്നും പകരം വിജയ് എന്നു വിളിച്ചോളാനും ആണ് അദ്ദേഹം പറഞ്ഞത് എന്നു വെളിപ്പെടുത്തുന്നു ഈ ബാലതാരം. കുട്ടിയുടെ സ്വന്തം കൂട്ടുകാരൻ ആയി തന്നെ കണ്ടാൽ മതിയെന്നും ഒരു കൂട്ടുകാരനോട് എന്നത് പോലെ തന്നോട് പെരുമാറിയാൽ മതി എന്നും വിജയ് പറഞ്ഞതായി ആ കുട്ടി പറയുന്നു. ഏതായാലും ഈ ബാലതാരം ഇത് പറയുന്ന വീഡിയോ സോഷ്യൽ മീഡിയകളിൽ വിജയ് ആരാധകർ ആഘോഷിക്കുകയാണ്.

https://www.instagram.com/p/B5Ap1gUDLvx/?fbclid=IwAR0_5nf8dRX5HbnoR3ZYqCU6im5jQEYnrZCci_xLuW_xRWMG-EW6fay5l5o