ഉർവ്വശി കേന്ദ്ര കഥാപാത്രമാകുന്ന ‘ചാൾസ് എന്റർപ്രൈസസ്’ മെയ് 19 തിയേറ്ററുകളിലേക്ക്

നവാഗതനായ സുഭാഷ് ലളിത സുബ്രഹ്മണ്യൻ തിരക്കഥയെഴുതി സംവിധാനം ചെയ്തിരിക്കുന്ന ‘ചാൾസ് എന്റെർപ്രൈസസ് ‘ മെയ് 19ന് വേൾഡ് വൈഡ് തിയേറ്ററിൽ എത്തുകയാണ്. ചിത്രം ജോയ് മൂവീസും റിലയൻസ് എന്റർടൈൻമെന്റും എപി ഇന്റർനാഷണലും ചേർന്നൊരുക്കുന്ന ചിത്രം കുടുംബബന്ധങ്ങളുടെയും സൗഹൃദത്തിന്റെയും കഥയാണ് പറയുന്നത്. കൊച്ചിയുടെ ഇതുവരെ കാണാത്ത കഥാപരിസരങ്ങളിലൂടെയാണ് സിനിമ ചിത്രീകരിച്ചിരിക്കുന്നത്. ജോയ് മൂവി പ്രൊഡക്ഷൻസിന്റെ ബാനറിൽ ഡോ. അജിത് ജോയ്, അച്ചു വിജയൻ എന്നിവർ ചേർന്നാണ് ചിത്രം നിർമ്മിക്കുന്നത്.

നർമ്മത്തിൽ ചാലിച്ച ഫാമിലി മിസ്റ്ററിൽ ഡ്രാമയായാണ് ചിത്രം ഒരുക്കുന്നത്. ഉർവശി പ്രധാന കഥാപാത്രത്തിൽ എത്തുന്ന ചിത്രത്തിൽ ഉർവശിയുടെ മകൻറെ വേഷം കൈകാര്യം ചെയ്യുന്നത് ബാലു വർഗീസ് ആണ്. ഗുരു സോമസുന്ദരം, അഭിജശിവകല, മണികണ്ഠൻ ആചാരി, വിനീത് തട്ടിൽ, മാസ്റ്റർ വസിഷ്ട്ട്, ഭാനു, മൃദുന, ഗീതി സംഗീതി, സിജി പ്രദീപ്, അജിഷ, ആനന്ദ്ബാൽ,സുജിത് ശങ്കർ, അൻസൽ പള്ളുരുത്തി, സുധീർ പറവൂർ, തുടങ്ങിയവരാണ് ചിത്രത്തിൽ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.

സോഷ്യൽ മീഡിയയിലൂടെ പുറത്തുവിട്ട ചിത്രത്തിലെ ഗാനങ്ങളെല്ലാം ഇതിനോടകം പ്രേക്ഷകശ്രദ്ധ ആകർഷിച്ചിട്ടുണ്ട്. ചിത്രത്തിലെ മൂന്ന് ഗാനങ്ങളും ശ്രദ്ധ നേടിയിരുന്നു. തമിഴ് ഫോക് ശൈലിയിലുള്ള ആദ്യ ഗാനം ‘ തങ്കമയിലേ ‘ യൂട്യൂബിൽ ട്രെൻഡിംഗ് ആണ്.പിന്നീട് പുറത്തുവന്ന ‘കാലമേ ലോകമേ’യും ‘കാലം പാഞ്ഞേ’ യും ശ്രദ്ധ നേടി ജോയ് മ്യൂസിക് യൂട്യുബ് ചാനൽ വഴിയാണ് ഗാനങ്ങൾ പുറത്തുവിട്ടത്. പാ.രഞ്ജിത്ത് ചിത്രങ്ങളിലൂടെ ശ്രദ്ധേയനായ കലൈയരസൻ ആദ്യമായി അഭിനയിക്കുന്ന മലയാള ചിത്രം കൂടിയാണിത്.

സ്വരൂപ് ഫിലിപ്പ് ആണ് ചിത്രത്തിന് ക്യാമറ കൈകാര്യം ചെയ്തത്.എഡിറ്റിംഗ് നിർവഹിക്കുന്നത് അച്ചു വിജയനാണ്. അൻവർ അലി, ഇമ്പാച്ചി, നാച്ചി, സംഗീത ചേനംപുല്ലി, സുഭാഷ് ലളിതസുബ്രഹ്മണ്യൻ എന്നിവരുടെ വരികൾക്ക് സുബ്രഹ്മണ്യൻ കെ വിയാണ് സംഗീതം പകരുന്നത്. അശോക് പൊന്നപ്പനാണ് ചിത്രത്തിൻറെ പശ്ചാത്തല സംഗീതം. കലാസംവിധാനം ഒരുക്കുന്നത് മനു ജഗദ് തുടങ്ങിയവരാണ്.