യുവതാരങ്ങളുടെ കാപ്പുചീനോ ഈ മാസം തിയേറ്ററുകളിലേക്ക്

യുവതാരങ്ങളെ അണിനിരത്തി നൗഷാദ് സംവിധാനം ചെയ്യുന്ന കാപ്പുചീനോ ഈ മാസം 15 ന് തീയറ്ററുകളിലേക്ക്.

ധർമജൻ ബോൾഗാട്ടി, അൻവർ ശരീഫ് , അനീഷ് ജി മേനോൻ, സുനിൽ സുഗത തുടങ്ങിയവർ കേന്ദ്രകഥാപാത്രങ്ങൾ ആവുന്ന കാപ്പുച്ചിനോവിന്റെ ട്രൈലറും രണ്ട് പാട്ടുകളും ഇതിനോടകം അണിയറപ്രവർത്തകർ പുറത്തിറക്കിയിരുന്നു.

മികച്ച പ്രതികരണമാണ് ട്രൈലറിനും പാട്ടിനും ലഭിച്ചത്. കാപ്പുചീനോയുടെ ഓഡിയോ ലോഞ്ച് കഴിഞ്ഞ മാസം സിനിമാലോകത്തെ പ്രശസ്തരുടെ സാന്നിധ്യത്തിൽ നടത്തിയിരുന്നു.

പാനിങ് കാം ഫിലിംസിന്റെ ബാനറിൽ ചിത്രം നിർമിക്കുന്നത് ഡോക്ടർ സ്കോട്ട് ആണ്. നൗഷാദ് തന്നെ തിരക്കഥ എഴുതി സംവിധാനം ചെയ്ത കാപ്പുചീനോ ക്ക് സംഗീതം നൽകിയിരിക്കുന്നത് ഹിഷാം അബ്ദുൽ വഹാബ് ആണ്. നൂറുദ്ധീൻ ബാവ ആണ് ഛായാഗ്രാഹകൻ.