തോക്കുമായി ചേച്ചിയെ സംരക്ഷിക്കാൻ എത്തിയ കുഞ്ഞനിയത്തി; ലോക്ക് ഡൗണിലിരിക്കെ പഴയകാല ചിത്രം പങ്കു വെച്ചു പ്രശസ്ത നടി

കോവിഡ് 19 ഭീഷണി മൂലം രാജ്യം മുഴുവൻ ലോക്ക്ഡൗണ്‍ ആയതിനാല്‍ പ്രിയപ്പെട്ടവരെയും കുടുംബങ്ങളെയും കാണാന്‍ സാധിക്കാതെ കഴിയുന്ന ആളുകൾ ഒരുപാടുണ്ട്. നമ്മുടെ പല പ്രീയപ്പെട്ട സിനിമാ താരങ്ങളും ആ കൂട്ടത്തിലുണ്ട്. ഇപ്പോഴിതാ ഈ അവസ്ഥയിൽ തന്റെ അനുജത്തിയെ പിരിഞ്ഞിരിക്കുകയാണ് പ്രശസ്ത ബോളിവുഡ് താരം യാമി ഗൗതം. അങ്ങനെയിരിക്കെയാണ് അനുജത്തിയുടെ ജന്മദിനവും എത്തിയത്. ഇപ്പോൾ അനുജത്തിക്കു ജന്മദിന ആശംസകൾ നേർന്നു കൊണ്ട് യാമി ഗൗതം തന്റെ ഇൻസ്റ്റാഗ്രാമിൽ ഇട്ട തങ്ങളുടെ ഒരു പഴയകാല ചിത്രം സോഷ്യൽ മീഡിയയിൽ വൈറലാവുകയാണ്. തന്റെയും അനുജത്തിയുടേയും കുട്ടിക്കാലത്തെ ഒരു ചിത്രമാണ് യാമി പോസ്റ്റ് ചെയ്തിരിക്കുന്നത്. ചിത്രത്തില്‍ തോക്കും പിടിച്ചു നില്‍ക്കുന്നതാണ്‌ യാമി ഗൗതമിന്റെ സഹോദരി.

തന്നെ സംരക്ഷിക്കാന്‍ പണ്ടേ എന്ന വാക്കുകളോടെയാണ് യാമി സഹോദരിക്കൊപ്പമുള്ള ചിത്രം പങ്കു വെക്കുകയും ജന്മദിനാശംസ നേരുകയും ചെയ്തത്. ചേച്ചിയെ മിസ് ചെയ്യുന്നുവെന്ന് പറഞ്ഞു യാമിയുടെ സഹോദരിയും കഴിഞ്ഞ ദിവസം ഒരു സോഷ്യൽ മീഡിയ പോസ്റ്റ് ഇട്ടിരുന്നു. യാമിയോടൊപ്പമുള്ള ചിത്രവും ആ പോസ്റ്റിൽ സഹോദരി പങ്കു വച്ചിരുന്നു. ബോളിവുഡിൽ മാത്രമല്ല തമിഴ്, തെലുങ്ക്, കന്നഡ, പഞ്ചാബി ഭാഷകളിലും അഭിനയിച്ചിട്ടുള്ള യാമി മലയാളത്തിൽ പൃഥ്വിരാജ് സുകുമാരനൊപ്പം ഹീറോ എന്ന ചിത്രത്തിലും വേഷമിട്ടിട്ടുണ്ട്. കഴിഞ്ഞ വർഷത്തെ 2 വമ്പൻ ബോളിവുഡ് ഹിറ്റുകളായ ഉറി, ബാല എന്നിവയിൽ നായികയായി യാമി ഗൗതം വലിയ പ്രേക്ഷക- നിരൂപക പ്രശംസയും നേടിയെടുത്തിരുന്നു. ആയുഷ്മാൻ ഖുറാനയുടെ നായികയായി വിക്കി ഡോണർ എന്ന ചിത്രത്തിലൂടെ ബോളിവുഡ് അരങ്ങേറ്റം കുറിച്ച യാമി ഗൗതമിന്റെ കരിയറിലെ ആദ്യ ചിത്രം കന്നഡയിൽ ആയിരുന്നു.