മലയാളത്തിലെ പ്രശസ്ത നടനായ അജു വർഗീസ് നായകനായി എത്തുന്ന ചിത്രമാണ് കമല. പ്രശസ്ത സംവിധായകൻ രഞ്ജിത്ത് ശങ്കർ രചിച്ചു സംവിധാനം ചെയ്തിരിക്കുന്ന ഈ ത്രില്ലർ വരുന്ന നവംബർ മാസത്തിൽ റിലീസ് ചെയ്യും. ഇതിന്റെ ട്രൈലെർ ഇപ്പോഴേ വലിയ പ്രേക്ഷക ശ്രദ്ധ നേടിയെടുത്തു കഴിഞ്ഞു. ഈ ചിത്രത്തിൽ അജു വർഗീസിന്റെ നായികാ വേഷത്തിൽ എത്തുന്നത് ബോളിവുഡിൽ നിന്നുള്ള ഒരു സുന്ദരി ആണ്. റൂഹാനി ശർമ്മ എന്ന് പേരുള്ള ഈ നടിയാണ് ഈ ചിത്രത്തിലെ ടൈറ്റിൽ കഥാപാത്രമായ കമലക്കു ജീവൻ നൽകുന്നത്. പഞ്ചാബി ചിത്രങ്ങളിലൂടെ അരങ്ങേറ്റം കുറിച്ച റൂഹാനി പിന്നീട് തെലുങ്കു സിനിമയിലും അഭിനയിച്ചു പ്രശസ്തി നേടി. ഇതിനൊപ്പം തമിഴ്, ഹിന്ദി സിനിമകളുടെയും ഭാഗമായിട്ടുണ്ട് ഈ നടി.
ഡ്രീംസ് ആൻഡ് ബിയോണ്ട് എന്ന ബാനറിൽ രഞ്ജിത്ത് ശങ്കർ തന്നെ നിർമ്മിച്ച ഈ ചിത്രത്തിൽ അനൂപ് മേനോനും ഒരു പ്രധാന വേഷം ചെയ്യുന്നുണ്ട്. തന്റെ ആദ്യ ചിത്രങ്ങൾ ആയ പാസഞ്ചർ, അർജുനൻ സാക്ഷി എന്നിവക്ക് ശേഷം രഞ്ജിത്ത് ശങ്കർ ഒരുക്കുന്ന ത്രില്ലർ ചിത്രമാണ് കമല. ആദ്യ രണ്ടു ചിത്രങ്ങൾക്ക് ശേഷം, കോമെടിക്ക് പ്രാധാന്യമുള്ള ചിത്രങ്ങൾ ആണ് രഞ്ജിത്ത് ശങ്കർ ഒരുക്കിയത്. മമ്മൂട്ടിയെ നായകനാക്കി ഒരുക്കിയ വർഷവും കുഞ്ചാക്കോ ബോബൻ നായകനായി എത്തിയ രാമന്റെ ഏദൻ തോട്ടവുമാണ് രഞ്ജിത്ത് ശങ്കർ ഒരുക്കിയ മറ്റു വ്യത്യസ്ത ചിത്രങ്ങൾ. ജയസൂര്യക്ക് ഒപ്പം പുണ്യാളൻ സീരിസ്, പ്രേതം സീരിസ്, എന്നിവ ഒരുക്കിയ രഞ്ജിത്ത് ശങ്കർ ജയസൂര്യയെ തന്നെ നായകനാക്കി സു സു സുധി വാത്മീകം, ഞാൻ മേരിക്കുട്ടി എന്നീ ചിത്രങ്ങളും ഒരുക്കിയിട്ടുണ്ട്.
ഹാസ്യ വേഷങ്ങളിലൂടെ ഏറെ തിളങ്ങിയിട്ടുള്ള അജു വർഗീസ് നായകനായി എത്തുന്ന ആദ്യ ചിത്രമാണ് ഇത്. ഇതിനു മുൻപ് മൾട്ടിസ്റ്റാർ ചിത്രങ്ങളിൽ അജു നായക തുല്യമായ വേഷങ്ങൾ ചെയ്തിട്ടുണ്ട്. ലവ് ആക്ഷൻ ഡ്രാമയിലൂടെ നിർമ്മാതാവും ആയ അജു ഇപ്പോൾ ഒരു ചിത്രം രചിക്കുകയും ചെയ്യുന്നുണ്ട്. ഏതായാലും ഒരു നടൻ എന്ന നിലയിൽ അജുവിന്റെ കരിയറിലെ ഒരു ടേണിങ് പോയിന്റ് ആയിരിക്കും കമല എന്നാണ് ഏവരും വിശ്വസിക്കുന്നത്.
രഘുനാഥ് പലേരിയുടെ രചനയിൽ ഷാനവാസ് ബാവക്കുട്ടി സംവിധാനം ചെയ്ത ഒരു കട്ടിൽ ഒരു മുറി കഴിഞ്ഞ ദിവസമാണ് പ്രേക്ഷകരുടെ മുന്നിലെത്തിയത്.…
മലയാളത്തിന്റെ മഹാനടൻ മോഹൻലാലിനെ നായകനാക്കി L360 എന്ന് താത്കാലികമായി പേര് നൽകിയിരിക്കുന്ന ചിത്രം ഒരുക്കുകയാണ് പ്രശസ്ത സംവിധായകൻ തരുൺ മൂർത്തി.…
സെക്കന്റ് ഷോ, കൂതറ, ബ്ലോക്ക്ബസ്റ്റർ ദുൽഖർ സൽമാൻ ചിത്രമായ കുറുപ്പ് എന്നിവക്ക് ശേഷം ശ്രീനാഥ് രാജേന്ദ്രൻ ഒരുക്കാൻ പോകുന്ന പുതിയ…
ദളപതി വിജയ് നായകനായെത്തുന്ന അവസാന ചിത്രമാണ് ദളപതി 69 . എച്ച് വിനോദ് ഒരുക്കുന്ന ഈ ചിത്രത്തിന്റെ പൂജ ഒക്ടോബർ…
2019 ൽ പുറത്തിറങ്ങി സൂപ്പർ വിജയം നേടിയ ചിത്രമാണ് കുമ്പളങ്ങി നൈറ്റ്സ്. കേരളത്തിന് അകത്തും പുറത്തും പ്രേക്ഷക- നിരൂപക പ്രശംസ…
കഴിഞ്ഞ വർഷം പ്രഖ്യാപിക്കപ്പെട്ട ഒരു വമ്പൻ തമിഴ് ചിത്രമാണ് സുധ കൊങ്കര- സൂര്യ എന്നിവര് ഒന്നിക്കുന്ന രണ്ടാമത്തെ ചിത്രമായ ‘പുറനാനൂറ്'.…
This website uses cookies.