പ്രേമം ടീമുമായി യുണൈറ്റഡ്‌ കിങ്‌ഡം ഓഫ് കേരള; ഒപ്പം അൽഫോൻസ് പുത്രനും

ഉപചാരപൂർവം ഗുണ്ട ജയൻ എന്ന ചിത്രത്തിന് ശേഷം അരുൺ വൈഗ സംവിധാനം ചെയ്ത യുണൈറ്റഡ്‌ കിങ്‌ഡം ഓഫ് കേരള മെയ് 23 നു പ്രേക്ഷകരുടെ മുന്നിലെത്തുകയാണ്. രഞ്ജിത്ത് സജീവ് നായകനായി എത്തുന്ന ചിത്രത്തിലെ നായികാ വേഷം ചെയ്യുന്നത് സാരംഗി ശ്യാം ആണ്. ഇതിനോടകം പ്രേക്ഷക ശ്രദ്ധ നേടിയ ഗാനങ്ങളും ട്രെയിലറും വലിയ പ്രതീക്ഷയാണ് ചിത്രത്തെ കുറിച്ച് ഉണ്ടാക്കിയിരിക്കുന്നത്.

ഇതിനൊപ്പം മറ്റൊരു സവിശേഷത ബ്ലോക്ബസ്റ്റർ മലയാളം ഹിറ്റായ പ്രേമത്തിൻ്റെ ടീമും ഈ ചിത്രത്തിന് വേണ്ടി ഒന്നിക്കുന്നു എന്നതാണ്. ചിത്രത്തിന് സംഗീതം പകർന്നത് പ്രേമം സംഗീത സംവിധായകൻ രാജേഷ് മുരുകേശൻ ആണെങ്കിൽ, ഗാനങ്ങൾക്ക് വരികൾ രചിച്ചത് പ്രേമത്തിലെ അഭിനേതാവും ഗാനരചയിതാവും കൂടിയായ ശബരീഷ് വർമ്മ ആണ്. ഇത് കൂടാതെ പ്രേമത്തിൻ്റെ സംവിധായകൻ അൽഫോൺസ് പുത്രൻ ഇതിൽ അതിഥി താരമായും എത്തുന്നുണ്ട്.

ജോണി ആന്റണി, ഇന്ദ്രൻസ്, മനോജ് കെ ജയൻ, മനോജ് കെ യു, ഡോ. റോണി, സംഗീത, മീര വാസുദേവ്, മഞ്ജു പിള്ള തുടങ്ങിയവരും ചിത്രത്തിലെ പ്രധാന വേഷങ്ങളിൽ അഭിനയിക്കുന്നു. ഫ്രാഗ്രന്റ് നേച്ചർ ഫിലിം ക്രിയേഷൻസ്, പൂയപ്പള്ളി ഫിലിംസ് എന്നിവയുടെ ബാനറിൽ ആൻ സജീവ്, സജീവ് പി കെ, അലക്സാണ്ടർ മാത്യു എന്നിവർ ചേർന്നാണ് ചിത്രം നിർമ്മിച്ചിരിക്കുന്നത്. ഛായാഗ്രഹണം സിനോജ് പി അയ്യപ്പൻ, സംഗീതം രാജേഷ് മുരുകേശൻ, ഗാനരചന ശബരീഷ് വർമ്മ, സൗണ്ട് മിക്സിംഗ് വിഷ്ണു ഗോവിന്ദ്, കോറിയോഗ്രഫി സുമേഷ് & ജിഷ്ണു, ആക്ഷൻ ഫിനിക്സ് പ്രഭു, മേക്കപ്പ് ഹസൻ വണ്ടൂർ, വസ്ത്രലങ്കാരം മെൽവി ജെ, എഡിറ്റർ അരുൺ വൈഗ, കലാസംവിധാനം സുനിൽ കുമാരൻ, എക്സിക്യൂട്ടീവ് പ്രൊഡ്യൂസർ ഹാരിസ് ദേശം, പ്രൊഡക്ഷൻ കൺട്രോളർ റിന്നി ദിവാകർ.