റെക്കോർഡ് തുകയ്ക്ക് തമിഴ് സാറ്റലൈറ്റ് വിറ്റ് ബിജു മേനോൻ ചിത്രം…..

നവാഗതനായ റഫീഖ് ഇബ്രാഹിം സംവിധാനം ചെയ്ത ബിജു മേനോൻ ചിത്രമായ പടയോട്ടം ഈ വരുന്ന വെള്ളിയാഴ്ച കേരളത്തിൽ പ്രദർശനം ആരംഭിക്കാൻ പോവുകയാണ്. റിലീസിന് മുൻപ് തന്നെ വമ്പൻ തുകയ്ക്ക് സൂര്യ ടിവി സാറ്റലൈറ്റ് അവകാശം മേടിച്ച ഈ ചിത്രത്തിന്റെ തമിഴ് റീമേക് റൈറ്റ്‌സും ഇപ്പോൾ റെക്കോർഡ് തുകയ്ക്കാണ് വിറ്റു പോയതെന്നാണ് റിപ്പോർട്ടുകൾ പറയുന്നത്. അമ്പതു കോടി ക്ലബിൽ കയറിയ മോഹൻലാൽ ചിത്രമായ മുന്തിരി വള്ളികൾ തളിർക്കുംബോളിനു ശേഷം വീക്കെൻഡ് ബ്ലോക്ക്ബസ്റ്റേഴ്സിന്റെ ബാനറിൽ സോഫിയ പോൾ നിർമ്മിച്ച ഈ ചിത്രം ഒരു കോമഡി ആക്ഷൻ എന്റെർറ്റൈനെർ ആണ്. അരുൺ എ ആർ, അജയ് രാഹുൽ എന്നിവർ ചേർന്നാണ്. ഈ ചിത്രം രചിച്ചിരിക്കുന്നത്.

സ്ഫടികം റഫറൻസ് ഉള്ള ഈ ചിത്രത്തിന്റെ ടീസറും പിന്നീട് വന്ന ട്രൈലറും ഗംഭീര പ്രതികരണം നേടിയെടുത്തപ്പോൾ ഇതിലെ ഗാനവും ശ്രദ്ധ നേടിയിരുന്നു. ജഗതി ചേട്ടന് ട്രിബ്യൂട്ട് ആയിട്ടാണ് ഇതിലെ ഒരു ഗാനം റിലീസ് ചെയ്തത്. സതീഷ് കുറുപ്പ് ദൃശ്യങ്ങൾ ഒരുക്കിയ ഈ ചിത്രത്തിന് സംഗീതം പകർന്നിരിക്കുന്നത് പ്രശാന്ത് പിള്ളൈ ആണ്. ബിജു മേനോനെ കൂടാതെ സൈജു കുറുപ്പ്, ദിലീഷ് പോത്തൻ, ലിജോ ജോസ് പെല്ലിശ്ശേരി, സുരേഷ് കൃഷ്ണ, അനു സിതാര, ഹാരിഷ് കണാരൻ, രവി സിംഗ് , സുധി കോപ്പ എന്നിവരും രവിശങ്കർ , ശരത്, വിഷ്ണുപ്രിയ, ലിയ, ആനന്ദ് രാധാകൃഷ്ണൻ, അരുൺ എ ആർ, രജിത് തുടങ്ങിയ പുതുമുഖങ്ങളും ഈ ചിത്രത്തിന്റെ താര നിരയുടെ ഭാഗമാണ്. ബിജു മേനോൻ ചെങ്കൽ രഘു എന്ന ഗുണ്ടയെ അവതരിപ്പിക്കുന്ന ഈ ചിത്രം ആക്ഷനും കോമെടിയും ത്രില്ലും ഇടകലർന്ന ഒരു കമ്പ്ലീറ്റ് എന്റെർറ്റൈനെർ ആയാണ് ഒരുക്കിയിരിക്കുന്നത് എന്നാണ് സൂചന.