ആറ്റ്ലിയുടെ സംവിധാനത്തിൽ ദളപതി വിജയ് അഭിനയിച്ച മൂന്നാമത്തെ ചിത്രമായ ബിഗിൽ ഈ കൂട്ടുകെട്ടിന്റെ പതിവ് തെറ്റിക്കാതെ തന്നെ ബ്ലോക്ക്ബസ്റ്റർ ചിത്രമായി മാറി കഴിഞ്ഞു. തെരി, മെർസൽ എന്നീ ബ്ലോക്ക്ബസ്റ്ററുകൾ ഒരുക്കിയ ആറ്റ്ലി- വിജയ് ടീം അതിനേക്കാൾ എല്ലാം വലിയ വിജയം ആണ് തങ്ങളുടെ മൂന്നാമത്തെ ചിത്രം കൊണ്ട് നേടിയെടുക്കുന്നത്. ആദ്യ ഏഴു ദിവസം കൊണ്ട് തമിഴ്നാട്ടിൽ നിന്ന് മാത്രം നൂറു കോടി രൂപ വാരിയ ബിഗിൽ വേൾഡ് വൈഡ് കളക്ഷൻ ആയി ഇതിനോടകം സ്വന്തമാക്കിയത് ഇരുനൂറു കോടിക്ക് മുകളിൽ ആണ്. വിദേശത്തു പ്രഭാസ് നായകനായ സാഹോ കഴിഞ്ഞാൽ ഇതുവരെ ഈ വർഷം ഏറ്റവും കൂടുതൽ പണം വാരിയ ഇന്ത്യൻ ചിത്രമെന്ന നേട്ടത്തിലേക്കും കുതിക്കുകയാണ് ഈ ദളപതി ചിത്രം.
രജനികാന്ത് നായകനായ കാർത്തിക് സുബ്ബരാജ് ചിത്രം പേട്ട ആയിരുന്നു ഇതുവരെയുള്ള ഈ വർഷത്തെ ഏറ്റവും വലിയ തമിഴ് വേൾഡ് വൈഡ് ഗ്രോസ്സർ. ഇപ്പോൾ പേട്ടയെ മറികടന്നു ഈ വർഷത്തെ ഏറ്റവും വലിയ തമിഴ് ഹിറ്റായി ദളപതിയുടെ ബിഗിൽ മാറി കഴിഞ്ഞു എന്നാണ് റിപ്പോർട്ടുകൾ സൂചിപ്പിക്കുന്നത്. കേരളത്തിലും മികച്ച പ്രകടനം കാഴ്ച വെക്കുന്ന ഈ ചിത്രം ഇവിടെയും വലിയ ലാഭമാണ് വിതരണക്കാർക്ക് നേടിക്കൊടുത്തത്. എല്ലായിടത്തും വമ്പൻ കളക്ഷൻ നേടുന്ന ഈ ചിത്രം ദളപതിയുടെ കരിയറിലെ തന്നെ ഏറ്റവും വലിയ വിജയങ്ങളിൽ ഒന്നാണ്. ആറ്റ്ലിയും രമണ ഗിരിവാസനും ചേർന്ന് തിർക്കഥ രചിച്ച ഈ ചിത്രത്തിൽ ഇരട്ട വേഷത്തിൽ എത്തിയ വിജയ് ഗംഭീര പ്രകടനമാണ് കാഴ്ച വെച്ചിരിക്കുന്നത്.
കലപതി എസ് അഘോരം, കലപതി എസ് ഗണേഷ്, കലപതി എസ് സുരേഷ് എന്നിവർ ചേർന്ന് എ ജി എസ് എന്റർടൈൻമെൻറ്സിന്റെ ബാനറിൽ നിർമ്മിച്ചിരിക്കുന്ന ഈ ചിത്രത്തിൽ നയൻതാര, ജാക്കി ഷറോഫ്, വിവേക്, കതിർ, ഡാനിയൽ ബാലാജി, ആനന്ദ് രാജ്, രാജ്കുമാർ, ദേവദർശിനി, യോഗി ബാബു, സൗന്ദര്യ രാജ, ഐ എം വിജയൻ, ഇന്ദുജ രവിചന്ദ്രൻ, റീബ മോനിക്കാ ജോൺ, വർഷ ബൊല്ലമ്മ, അമൃത അയ്യർ, ഇന്ദ്രാജാ, ഗായത്രി റെഡ്ഢി എന്നിവരും അഭിനയിച്ചിരിക്കുന്നു.
രഘുനാഥ് പലേരിയുടെ രചനയിൽ ഷാനവാസ് ബാവക്കുട്ടി സംവിധാനം ചെയ്ത ഒരു കട്ടിൽ ഒരു മുറി കഴിഞ്ഞ ദിവസമാണ് പ്രേക്ഷകരുടെ മുന്നിലെത്തിയത്.…
മലയാളത്തിന്റെ മഹാനടൻ മോഹൻലാലിനെ നായകനാക്കി L360 എന്ന് താത്കാലികമായി പേര് നൽകിയിരിക്കുന്ന ചിത്രം ഒരുക്കുകയാണ് പ്രശസ്ത സംവിധായകൻ തരുൺ മൂർത്തി.…
സെക്കന്റ് ഷോ, കൂതറ, ബ്ലോക്ക്ബസ്റ്റർ ദുൽഖർ സൽമാൻ ചിത്രമായ കുറുപ്പ് എന്നിവക്ക് ശേഷം ശ്രീനാഥ് രാജേന്ദ്രൻ ഒരുക്കാൻ പോകുന്ന പുതിയ…
ദളപതി വിജയ് നായകനായെത്തുന്ന അവസാന ചിത്രമാണ് ദളപതി 69 . എച്ച് വിനോദ് ഒരുക്കുന്ന ഈ ചിത്രത്തിന്റെ പൂജ ഒക്ടോബർ…
2019 ൽ പുറത്തിറങ്ങി സൂപ്പർ വിജയം നേടിയ ചിത്രമാണ് കുമ്പളങ്ങി നൈറ്റ്സ്. കേരളത്തിന് അകത്തും പുറത്തും പ്രേക്ഷക- നിരൂപക പ്രശംസ…
കഴിഞ്ഞ വർഷം പ്രഖ്യാപിക്കപ്പെട്ട ഒരു വമ്പൻ തമിഴ് ചിത്രമാണ് സുധ കൊങ്കര- സൂര്യ എന്നിവര് ഒന്നിക്കുന്ന രണ്ടാമത്തെ ചിത്രമായ ‘പുറനാനൂറ്'.…
This website uses cookies.