നവാഗതനായ കാർത്തിക് രാമകൃഷ്ണൻ നായകനായി എത്തിയ ഷിബു എന്ന ചിത്രം മികച്ച പ്രേക്ഷക പ്രതികരണം നേടി മുന്നേറുകയാണ്. ഇപ്പോഴിതാ ഈ ചിത്രത്തിന് പ്രശംസയും ആയി എത്തിയിരിക്കുകയാണ് പ്രശസ്ത നടനും രചയിതാവും ആയ ബിബിൻ ജോർജ്. ഷിബു എന്ന ചിത്രം താൻ കണ്ടു എന്നും തനിക്കു ഈ ചിത്രം ഒരുപാട് ഇഷ്ടമായി എന്നും ബിബിൻ പറയുന്നു. മാത്രമല്ല കാർത്തിക് രാമകൃഷ്ണൻ എന്ന പുതുമുഖം ഗംഭീര പ്രകടനം ആണ് ഈ ചിത്രത്തിൽ കാഴ്ച വെച്ചിരിക്കുന്നത് എന്നും ബിബിൻ ജോർജ് പറഞ്ഞു. ഈ മികച്ച ചിത്രത്തിനും ഇതിലെ അഭിനേതാക്കളുടെ മികച്ച പ്രകടനത്തിനും പ്രേക്ഷകരുടെ പിന്തുണ ഉണ്ടാകണം എന്നു അഭ്യർത്ഥിച്ച ബിബിൻ കാർത്തിക്കിനെ തന്റെ അഭിനന്ദനങ്ങളും അറിയിച്ചു. ഒരു വീഡിയോ വഴിയാണ് ഷിബുവിനേയും കാർത്തിക് രാമകൃഷ്ണൻ എന്ന അഭിനേതാവിനേയും കുറിച്ചുള്ള തന്റെ അഭിപ്രായം ബിബിൻ പങ്കു വെച്ചത്.
അർജുൻ പ്രഭാകരൻ- ഗോകുൽ രാമകൃഷ്ണൻ എന്നിവർ ചേർന്നു സംവിധാനം ചെയ്ത ഷിബു കാർഗോ സിനിമാസ് ആണ് നിർമ്മിച്ചിരിക്കുന്നത്. ഈ ചിത്രത്തിലെ നായികാ വേഷം അവതരിപ്പിച്ചിരിക്കുന്നത് പ്രശസ്ത നടി അഞ്ജു കുര്യൻ ആണ്. ഐശ്വര്യ, സലിം കുമാർ, ബിജു കുട്ടൻ, നസീർ സംക്രാന്തി, ലുക്മൻ, വിനോദ് കോവൂർ, സ്നേഹ എന്നിവരും ഈ ചിത്രത്തിന്റെ താര നിരയിൽ ഉണ്ട്. സച്ചിൻ വാര്യർ, വിഘ്നേശ് ഭാസ്കരൻ എന്നിവർ ഒരുക്കിയ ഇതിലെ ഗാനങ്ങൾ സൂപ്പർ ഹിറ്റായപ്പോൾ ഷബീർ അഹമ്മദ് ഒരുക്കിയ ദൃശ്യങ്ങളും മികച്ചു നിന്നു. കോമെഡിയും, ത്രില്ലും, പ്രണയവും വൈകാരിക മുഹൂർത്തങ്ങളുമെല്ലാം നിറഞ്ഞ, ഒരു അടിപൊളി എന്റെർറ്റൈനെർ ആണ് ഷിബു എന്നാണ് പ്രേക്ഷകാഭിപ്രായം.
ഷറഫുദീൻ പ്രൊഡക്ഷൻസിന്റെ ബാനറിൽ ഷറഫുദീൻ നിർമ്മിക്കുന്ന ചിത്രം "പെറ്റ് ഡിറ്റക്ടീവ്" റിലീസിന് ഒരുങ്ങുകയാണ്. ഇപ്പോഴിതാ ചിത്രത്തിൻ്റെ തീം സോങ് പുറത്ത്…
ദേശീയ, സംസ്ഥാന പുരസ്കാരജേതാവായ സെന്ന ഹെഗ്ഡെയുടെ ഏറ്റവും പുതിയ ചിത്രത്തിന്റെ ട്രെയിലർ പുറത്തിറങ്ങി. ‘അവിഹിതം’ എന്ന പേരിൽ പുറത്തിറങ്ങുന്ന ചിത്രത്തിന്റെ…
ദേശീയ പുരസ്കാര ജേതാവായ സംവിധായകൻ സജിൻ ബാബുവിന്റെ പുതിയ ചിത്രം, 'തീയേറ്റർ: ദ മിത്ത് ഓഫ് റിയാലിറ്റി' റഷ്യയിലെ കാസാനിൽ…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ടീസർ പുറത്ത്.…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ടീസർ നാളെ…
കേരള - തമിഴ്നാട് അതിർത്തിയിലെ വേലംപാളയം എന്ന സ്ഥലത്തെ എന്തിനും ഏതിനും പോന്ന നാല് കൂട്ടുകാരുടെ കഥയുമായി തിയേറ്ററുകള് കീഴടക്കാൻ…
This website uses cookies.