ഭീഷ്മ പർവത്തിനു മികച്ച പ്രതികരണം; മെഗാ സ്റ്റാർ തകർത്തെന്നും ആരാധകർ..!

മമ്മൂട്ടി ആരാധകർ ഏറെ ആവേശത്തോടെ കാത്തിരുന്ന ഭീഷ്മ പർവ്വം എന്ന ചിത്രം ഇന്നലെയാണ് റിലീസ് ചെയ്തത്. ഒരു ക്ലാസ് ആക്ഷൻ ഡ്രാമ ആയി ഒരുക്കിയ ഈ ചിത്രം മികച്ച പ്രതികരണമാണ് നേടുന്നത്. മെഗാ സ്റ്റാർ മമ്മൂട്ടി മികച്ച പ്രകടനമാണ് ഇതിൽ കാഴ്ചവെച്ചിരിക്കുന്നത് എന്നാണ് ആരാധകർ വിലയിരുത്തുന്നത്. യുവ പ്രേക്ഷകരെ കൂടുതലായി ആകർഷിക്കുന്ന തരത്തിലാണ് ഈ ചിത്രം ഒരുക്കിയിരിക്കുന്നത്. സ്റ്റൈലിഷ് മേക്കിങ്ങും, വലിയ താരനിരയും, അഭിനേതാക്കളുടെ മികച്ച പ്രകടനവുമാണ് ഈ ചിത്രത്തിന്റെ ഹൈലൈറ്റ് എന്ന് പറയാം. അമൽ നീരദ് നിർമ്മാണം നിർവഹിക്കുകയും സംവിധാനം ചെയ്യുകയും ചെയ്ത ഈ മാസ്സ് ആക്ഷൻ ഡ്രാമ രചിച്ചിരിക്കുന്നത് അദ്ദേഹവും നവാഗതനായ ദേവദത് ഷാജിയും ചേർന്നാണ്.

ശ്രീനാഥ് ഭാസി, സൗബിൻ ഷാഹിർ, ഷൈൻ ടോം ചാക്കോ, സുദേവ് നായർ, ഹാരിഷ് ഉത്തമൻ, അബു സലിം, അനഘ, അനസൂയ ഭരദ്വാജ്, വീണ നന്ദകുമാർ, ശ്രിന്ദ, ലെന, നദിയ മൊയ്‌ദു, കെ പി എ സി ലളിത, ജിനു ജോസഫ്, നെടുമുടി വേണു, ദിലീഷ് പോത്തൻ, ഫർഹാൻ ഫാസിൽ, നിസ്താർ സേട്ട്, മാല പാർവതി, കോട്ടയം രമേശ്, പോളി വത്സൻ, ധന്യ അനന്യ, റംസാൻ, ഷെബിൻ ബെൻസൺ എന്നിവരും അഭിനയിച്ചിരിക്കുന്ന ഈ ചിത്രത്തിലെ സൂപ്പർ ഹിറ്റ് ഗാനങ്ങൾ ഒരുക്കിയത് സുഷിൻ ശ്യാം ആണ്. സുഷിൻ ഒരുക്കിയ പശ്‌ചാത്തല സംഗീതവും കയ്യടി നേടുന്നുണ്ട്. ആനന്ദ് സി ചന്ദ്രൻ ആണ് ഈ ചിത്രത്തിന് കാമറ ചലിപ്പിച്ചത് എങ്കിൽ, ഈ ചിത്രം എഡിറ്റ് ചെയ്തത് വിവേക് ഹർഷൻ ആണ്. മൈക്കിൾ എന്നാണ് ഇതിൽ മമ്മൂട്ടി അവതരിപ്പിക്കുന്ന കഥാപാത്രത്തിന്റെ പേര്.