വിവാഹം കഴിഞ്ഞും സിനിമയിൽ തുടരും : ഭാവന

വിവാഹം കഴിഞ്ഞും സിനിമയിൽ തുടരുമെന്ന് ഭാവന. സ്ത്രീകളെ ബഹുമാനിക്കുകയും അവസരം നൽകുകയും ചെയ്യുന്ന ആളാണ് തന്റെ ഭർത്താവ് എന്നും ഇനിയും സിനിമകളിൽ അഭിനയിക്കുമെന്നും ഭാവന വ്യക്തമാക്കി.

ഈ അടുത്ത് നടന്ന ഒരു അഭിമുഖത്തിൽ ആണ് ഇക്കാര്യം ഭാവന മാധ്യമങ്ങളോട് തുറന്നുപറഞ്ഞത്. മലയാള സിനിമയിൽ പുരുഷാധിപത്യം നിലനിൽക്കുന്നുണ്ടെന്നും നടൻ പൃഥ്വിരാജിനോട് ബഹുമാനം ഉണ്ടെന്നും ഭാവന കൂട്ടിച്ചേർത്തു.

സിനിമകള്‍ തിരഞ്ഞെടുക്കുന്നതില്‍ സ്ത്രീകള്‍ക്ക് സ്വാതന്ത്ര്യക്കുറവുണ്ടെന്നും നായകന്മാര്‍ക്കുള്ള സാറ്റലൈറ്റ് സ്വീകാര്യതയും നായികമാര്‍ക്കില്ലെന്നും ഭാവന പ്രതികരിച്ചു. നായികയുടെ സ്ഥാനം രണ്ടാമതാണെന്നും നായിക അത്യാവശ്യമല്ലെന്നതാണ് പരമാര്‍ഥമെന്നും ഭാവന പറഞ്ഞു. ഒരു സിനിമയുടെ വിജയം കൊണ്ട് എനിക്കാരും ശമ്പളം കൂട്ടിത്തന്നിട്ടില്ലെന്നു ഭാവന മനസ്സുതുറന്നു. മലയാളസിനിമ ഒന്നുകൂടെ റിയലസ്റ്റിക് ആവുന്നുണ്ടെന്നും ഭാവന അഭിപ്രായപ്പെട്ടു.

ഓണചിത്രമായി തിയേറ്ററുകളിൽ എത്തിയ പൃഥ്വിരാജ് ചിത്രം ആദം ജോണ് ആണ് ഭാവന അഭിനയിച്ച അവസാന ചിത്രം .