ആരാധകരെ ആവേശത്തിലാഴ്ത്തി പത്താന്റെ പുതിയ വിവരം പുറത്ത് വിട്ട് അണിയറ പ്രവർത്തകർ

ബോളിവുഡ് കിംഗ്‌ ഖാൻ ഷാരൂഖ് ഖാൻ നായകനായി എത്തുന്ന ഏറ്റവും പുതിയ ചിത്രമാണ് പത്താൻ. വാർ എന്ന സൂപ്പർ മെഗാഹിറ്റ് ഹൃത്വിക് റോഷൻ- ടൈഗർ ഷെറോഫ് ചിത്രത്തിന് ശേഷം സിദ്ധാർഥ് ആനന്ദ് ഒരുക്കുന്ന ഈ മെഗാ മാസ്സ് ആക്ഷൻ ത്രില്ലർ ചിത്രം നിർമ്മിക്കുന്നത് യാഷ് രാജ് ഫിലിംസ് ആണ്. യാഷ് രാജ് ഫിലിംസിന്റെ 50 ആം ചിത്രമാണ് പത്താൻ എന്ന പ്രത്യേകതയും ഉണ്ട്. 2023 ജനുവരി 25 ന് റീലീസ് ചെയ്യാൻ പോകുന്ന ഈ ചിത്രത്തിന്റെ ടീസർ കഴിഞ്ഞ മാസം റിലീസ് ചെയ്യുകയും സൂപ്പർ ഹിറ്റായി മാറുകയും ചെയ്തിരുന്നു. ഇപ്പോഴിതാ ഈ ചിത്രത്തിലെ ഒരു ഗാനം പുറത്ത് വരികയാണ് എന്ന വിവരമാണ് അണിയറ പ്രവർത്തകർ പുറത്ത് വിട്ടിരിക്കുന്നത്. ബേഷരം രംഗ് എന്ന ഈ ഗാനം ഡിസംബർ 12 ന് രാവിലെ 11 മണിക്കാണ് റീലീസ് ചെയ്യുക.

ഇതിലെ നായികാ വേഷം ചെയ്യുന്ന ദീപിക പദുക്കോണിന്റെ ഗ്ലാമർ പ്രദർശനം നിറഞ്ഞ ഗാനമായിരിക്കും ഇതെന്നാണ് സൂചന. വിശാൽ ദഡ്ലാനി, ശേഖർ റവ്ജിയാണി, സഞ്ചിത് ബൽഹാര എന്നിവരാണ് ഈ ചിത്രത്തിന്റെ സംഗീത വിഭാഗം കൈകാര്യം ചെയ്തിരിക്കുന്നത്. സൂപ്പർ താരം ജോണ് അബ്രഹാം ആണ് ഈ ചിത്രത്തിലെ വില്ലൻ വേഷം ചെയ്തിരിക്കുന്നത്. ഷാരൂഖ് ഖാൻ ടൈറ്റിൽ വേഷം ചെയ്തിരിക്കുന്ന ഈ ചിത്രത്തിൽ, തന്റെ സൂപ്പർഹിറ്റ് സ്പൈ കഥാപാത്രമായ ടൈഗർ ആയി മെഗാസ്റ്റാർ സൽമാൻ ഖാൻ അതിഥി വേഷത്തിലും എത്തുന്നുണ്ട്. ഹിന്ദി കൂടാതെ, തമിഴ്, തെലുങ്ക് ഭാഷകളിലും കൂടെ ചേർന്ന് പാൻ ഇന്ത്യൻ ചിത്രമായി ആണ് പത്താൻ എത്തുന്നത്.