കംപ്ലീറ്റ് ആക്ടർ മോഹൻലാൽ ആദ്യമായി സംവിധാനം ചെയ്യാൻ പോകുന്ന ബറോസ്- നിധി കാക്കും ഭൂതം എന്ന ബിഗ് ബജറ്റ് ചിത്രത്തിന്റെ ഷൂട്ടിംഗ് ഇന്ന് മുതൽ ഫോർട്ട് കൊച്ചിയിൽ ആരംഭിക്കും. വലിയ കാൻവാസിൽ ഒരുങ്ങുന്ന ഈ ഫാന്റസി ചിത്രം ത്രീഡി ഫോർമാറ്റിൽ ആണ് ഒരുക്കുന്നത്. ജിജോ പുന്നൂസ് തിരക്കഥ രചിച്ച ഈ ചിത്രത്തിലെ നായക വേഷം ചെയ്യുന്നതും മോഹൻലാൽ ആണ്. യുവ സൂപ്പർ താരം പൃഥ്വിരാജ് സുകുമാരനും ഒരു പ്രധാന വേഷം ചെയ്യുന്ന ഈ ചിത്രത്തിലെ കൂടുതൽ അഭിനേതാക്കളും വിദേശികളാണ്. സ്പെയിൻ, പോർട്ടുഗൽ, അമേരിക്ക, ഘാന തുടങ്ങിയ രാജ്യങ്ങളിൽ നിന്നുള അഭിനേതാക്കളാണ് ഈ ചിത്രത്തിൽ കൂടുതലും ജോലി ചെയ്യുക. ഈ ചിത്രത്തിന് വേണ്ടി സംഘട്ടനം ഒരുക്കാൻ എത്തുന്നതും ഹോളിവുഡിൽ നിന്നുള്ള സാങ്കേതിക പ്രവർത്തകരാണ്. ദി മെഗ്, ബ്രോൾ, സോയ് ഡോഗ്സ് ഓഫ് ബാങ്കോക്ക് എന്നീ ചിത്രങ്ങളിൽ ജോലി ചെയ്തിട്ടുള്ള നടനും സംഘട്ടന സംവിധായകനുമായ ജക്രിറ്റ് കാനോക്കിപോഡ്ജനനോൻ ആണ് ബറോസിന് വേണ്ടി സംഘട്ടന രംഗങ്ങൾ രൂപീകരിക്കുന്നത്. അദ്ദേഹത്തിനൊപ്പം ഇന്ത്യൻ സിനിമയിലെ തന്നെ ഏറ്റവും പരിചയ സമ്പന്നനായ സംഘട്ടന സംവിധായകൻ എ വിജയ്യും ബറോസിന്റെ സംഘട്ടന വിഭാഗത്തിൽ ജോലി ചെയ്യും.
സന്തോഷ് ശിവൻ ക്യാമറ ചലിപ്പിക്കുന്ന ഈ ചിത്രം എഡിറ്റ് ചെയ്യുന്നത് ദേശീയ പുരസ്കാരങ്ങൾ ഒന്നിലധികം തവണ നേടിയിട്ടുള്ള, ഇന്ത്യൻ സിനിമയിലെ ഏറ്റവും തിരക്കുള്ള എഡിറ്റർമാരിലൊരാളായ ശ്രീകർ പ്രസാദാണ്. ലിഡിയൻ നാദസ്വരം സംഗീതമൊരുക്കുന്ന ഈ ചിത്രത്തിൽ വി എഫ് എക്സ് ജോലികൾക്കും വളരെ വലിയ പ്രാധാന്യമാണ് ഉള്ളത്. മോഹൻലാലിനൊപ്പം ഷൈല എന്ന് പേരുള്ള ഒരു അമേരിക്കൻ പെൺകുട്ടിയാണ് ഈ ചിത്രത്തിലെ പ്രധാന കഥാപാത്രമാകുന്നത്. ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിക്കുന്ന ഈ ചിത്രം ബഹുഭാഷാ ചിത്രമായി ഈ വർഷം ഡിസംബറിൽ റിലീസ് ചെയ്യാനുള്ള പ്ലാനിലാണ് അണിയറ പ്രവർത്തകർ.
മലയാളത്തിന്റെ യുവസൂപ്പർതാരം ദുൽഖർ സൽമാൻ നായകനായി എത്തുന്ന ഏറ്റവും പുതിയ ചിത്രമായ ലക്കി ഭാസ്കർ ഒക്ടോബർ മുപ്പത്തിയൊന്നിന് ആഗോള റിലീസായി…
ഇന്റർനെറ്റ് മൂവി ഡാറ്റ ബേസ് എന്ന ലോകത്തെ ഏറ്റവും വലിയ മൂവി ഡാറ്റ ബേസ് ഇന്ത്യന് സിനിമയില് ഏറ്റവും മികച്ച…
വ്യത്യസ്ത രൂപത്തിലും ഭാവത്തിലുമുള്ള കഥാപാത്രങ്ങൾ കൊണ്ട് ഇപ്പോൾ തന്റെ കരിയറിലെ ഒരു ഗംഭീരമായ ഘട്ടത്തിലൂടെ കടന്നു പോവുകയാണ് നടൻ ജഗദീഷ്.…
യുവതാരം ആന്റണി വര്ഗീസ് പെപ്പെ നായകനായി എത്തുന്ന ഏറ്റവും പുതിയ ചിത്രം ദാവീദിന്റെ ഫസ്റ്റ് ലുക്ക് പുറത്ത്. ആന്റണി വർഗീസിന്റെ…
ദേശീയ പുരസ്കാരം നേടിയ ആവാസവ്യൂഹം, ശേഷം വന്ന പുരുഷ പ്രേതം എന്നീ ചിത്രങ്ങളിലൂടെ വലിയ പ്രേക്ഷക- നിരൂപക പ്രശംസ നേടിയ…
പ്രേക്ഷകപ്രശംസയും നിരൂപക പ്രശംസയും ഒരുപോലെ ഏറ്റുവാങ്ങികൊണ്ടിരിക്കുന്ന ഷാനവാസ് കെ ബാവക്കുട്ടി ചിത്രം ഒരു കട്ടിൽ ഒരു മുറി സ്ത്രീകൾക്കായി പ്രത്യേക…
This website uses cookies.