ഈ വർഷം ജനുവരി മാസം മുതൽ ആണ് അന്യ ഭാഷാ സിനിമകൾക്ക് കേരളത്തിൽ വൈഡ് റിലീസ് പാടില്ല എന്ന നിയമം കേരളത്തിലെ സിനിമാ സംഘടനകൾ കൊണ്ട് വന്നത്. നിർമ്മാതാക്കളും വിതരണക്കാരും തിയേറ്റർ ഉടമകളുടെ സംഘടനയും എല്ലാം ഒരുമിച്ചു എടുത്ത തീരുമാനം ആയിരുന്നു അത്. മലയാള സിനിമകളുടെ റിലീസുകളെ അന്യ ഭാഷാ റിലീസുകൾ ബാധിക്കുന്നതും അതുപോലെ വലിയ തുക മുടക്കി വിതരണാവകാശം എടുക്കുന്ന അന്യ ഭാഷാ റിലീസുകളിൽ ഭൂരിഭാഗവും വിതരണക്കാർക്ക് വലിയ നഷ്ടം വരുത്തി വെക്കാൻ തുടങ്ങിയതുമായിരുന്നു പ്രധാന കാരണങ്ങൾ. നേരത്തെ അനുമതി വാങ്ങുന്ന മലയാള സിനിമകൾക്ക് മാത്രമേ വൈഡ് റിലീസ് നല്കിയിരുന്നുള്ളു. അത് പ്രകാരം രജനികാന്ത് ചിത്രമായ പേട്ട, അജിത് ചിത്രമായ വിശ്വാസം, സൂര്യ- മോഹൻലാൽ ചിത്രമായ കാപ്പാൻ എന്നിവ വൈഡ് റിലീസ് ചെയ്തിരുന്നില്ല.
എന്നാൽ വിജയ് ചിത്രമായ ബിഗിൽ കേരളത്തിൽ വിതരണം ചെയ്ത ലിസ്റ്റിൻ സ്റ്റീഫന്റെ മാജിക് ഫ്രെയിംസ്, പൃഥ്വിരാജ് പ്രൊഡക്ഷൻസ് എന്നിവ ഈ വിലക്ക് മറികടന്നു ചിത്രം വൈഡ് റിലീസ് ചെയ്യുകയാണ് ഉണ്ടായത്. തിയേറ്റർ ലിസ്റ്റിൽ ഇരുന്നൂറിൽ താഴെ സ്ക്രീനുകൾ മാത്രം കൊടുത്തിട്ടു മൂന്നൂറിൽ പരം സ്‌ക്രീനുകളിൽ ആണ് അവർ ബിഗിൽ റിലീസ് ചെയ്തത്. ഇത് കണ്ടെത്തിയതോടെ നിയമം തെറ്റിച്ച ലിസ്റ്റിൻ സ്റ്റീഫന്റെ നിർമ്മാണ- വിതരണ കമ്പനിയായ മാജിക് ഫ്രെയിംസിനെ വിലക്കാൻ ഉള്ള തീരുമാനത്തിലാണ് തിയ്യേറ്റര്‍ ഉടമകളുടെ സംഘടന. തിയേറ്റര്‍ ഉടമകളുടെ സംഘടനയായ ഫിലിം എക്‌സിബിറ്റേഴ്‌സ് ഓര്‍ഗനൈസേഷന്‍ ആണ് ലിസ്റ്റിൻ സ്റ്റീഫന്റെ നിർമ്മാണ – വിതരണ കമ്പനിയെ വിലക്കിയത്.
ആശിര്‍വാദ് സിനിമാസ് ഉടമ ആന്റണി പെരുമ്പാവൂര്‍ ആണ് സംഘടനയുടെ പ്രസിഡന്റ്. സംഘടനയുടെ ജനറല്‍ സെക്രട്ടറി എംസി ബോബി ഒപ്പിട്ട സര്‍ക്കുലറാണ് സംഘടനയ്ക്ക് കീഴിലുള്ള കേരളത്തിലെ എല്ലാ പ്രധാന തിയറ്ററുകള്‍ക്കും അയച്ചിരിക്കുന്നത്. ലിസ്റ്റിൻ സ്റ്റീഫൻ നിർമ്മിച്ച് വിതരണം ചെയ്യുന്ന പൃഥ്വിരാജ് ചിത്രങ്ങൾ ആയ ഡ്രൈവിംഗ് ലൈസൻസ്, കടുവ എന്നിവയെ ഈ വിലക്ക് ബാധിക്കും എന്നാണ് സൂചന. പൃഥ്വിരാജ് കൂടി പ്രൊഡക്ഷൻ പങ്കാളി ആയി ഉണ്ടെങ്കിലും ചിത്രം വിതരണം ചെയ്യുന്നത് മാജിക് ഫ്രെയിംസ് ആയതു കൊണ്ട് തീയേറ്ററുകളിൽ നിന്ന് വിലക്ക് നേരിടേണ്ടി വരും.
ഫോട്ടോ കടപ്പാട്: Ajmal Photography
മമ്മൂട്ടി നായകനായെത്തിയ ‘കസബ’ വീണ്ടും തീയേറ്ററുകളിലെത്തുന്നു. ഒക്ടോബർ 30 വെള്ളിയാഴ്ചയാണ് ചിത്രത്തിന്റെ റീ റിലീസ്. നിർമ്മാതാവ് ജോബി ജോർജിന്റെ ഉടമസ്ഥതയിലുള്ള…
മമ്മൂട്ടി നായകനാകുന്ന അടൂർ ഗോപാലകൃഷ്ണൻ ചിത്രം ‘പദയാത്ര’ ഡിസംബർ നാലിന് ആഗോള റിലീസിന് ഒരുങ്ങുന്നതായി റിപ്പോർട്ടുകൾ. അതേസമയം, അമൽ നീരദ്…
ജിത്തു മാധവൻ ഒരുക്കുന്ന സൂര്യ ചിത്രത്തിൽ അതിഥി താരമായി സിമ്പു എത്തുമെന്ന വാർത്തകൾ തള്ളി താരത്തിന്റെ ടീം. സമൂഹമാധ്യമങ്ങളിൽ പ്രചരിക്കുന്ന…
സൂര്യ ചിത്രത്തിൽ സിമ്പു ഭാഗമല്ല എന്ന് സിമ്പുവിൻറെ ടീം പ്രചരിക്കുന്നത് വ്യാജമായ വാർത്തകൾ എന്നും താരത്തിൻ്റെ ടീം ജിത്തു മാധവൻ…
ജയിലർ- 2 ൻ്റെ ആദ്യ പ്രദർശനത്തോടെ ഡോൾബി അറ്റ്മോസ് സാങ്കേതിക മികവോടെ കേരളത്തിലെ ആദ്യ ഡോൾബി സിനിമ തിയ്യേറ്ററായ ഇ…
പോംപി എന്റർടൈൻമെന്റ്സ് & ഫ്ലൈയിങ് കളേഴ്സ് എന്റർടൈൻമെന്റ്സ് ചേർന്നൊരുക്കുന്ന ഏറ്റവും പുതിയ ചിത്രം ആരണ്യകാണ്ഡത്തിന്റെ പൂജ ഇന്ന് അഞ്ചുമന ക്ഷേത്രത്തിൽ…
This website uses cookies.