തെലുങ്കിലെ സൂപ്പർ താരങ്ങളിൽ ഒരാളാണ് നന്ദമുരി ബാലകൃഷ്ണ. ആരാധകരും സഹപ്രവർത്തകരും ബാലയ്യ എന്നു വിളിക്കുന്ന ഈ സീനിയർ താരം തന്റെ മുൻകോപത്തിനു കുപ്രസിദ്ധനുമാണ്. ഒരുപാട് തവണ പൊതു വേദികളിലടക്കം കോപത്തോടെ മറ്റുള്ളവരോട് പെരുമാറുന്ന ബാലയ്യയുടെ വീഡിയോകൾ സോഷ്യൽ മീഡിയയിൽ വൈറലായിട്ടുണ്ട്. ഒരിക്കൽ ബാലകൃഷ്ണ തന്റെ ജോലിക്കാരിൽ ഒരാളെ പബ്ലിക് ആയി തല്ലുന്ന വീഡിയോയും വലിയ വിവാദം സൃഷ്ടിച്ചിരുന്നു. ഇപ്പോഴിതാ വീണ്ടും തന്റെ രോഷ പ്രകടനത്തിലൂടെ സോഷ്യൽ മീഡിയയിൽ നിറയുകയാണ് ഈ താരം. ഇത്തവണ ഒരു യുവ നടന് നേരെയായിരുന്നു ബാലയ്യയുടെ രോഷ പ്രകടനം. ഹർഷ്, സിമ്രാൻ ചൗദരി എന്നിവരെ പ്രധാന കഥാപാത്രങ്ങളാക്കി ഗംഗാ സാഗർ സംവിധാനം ചെയ്യുന്ന സേഹരി എന്ന ചിത്രത്തിന്റെ പോസ്റ്റർ ലോഞ്ചിനിടെയാണ് സംഭവം നടക്കുന്നത്.
ചടങ്ങിനിടെ ചിത്രത്തിലെ യുവ നടൻ നന്ദമുരി ബാലകൃഷ്ണയെ അങ്കിൾ എന്നുവിളിച്ച് അഭിസംബോധന ചെയ്തതാണ് പ്രശ്നങ്ങൾക്കു കാരണമായത്. അങ്കിൾ എന്നു കേട്ടപാടെ ബാലകൃഷ്ണയുടെ മുഖഭാവം മാറുകയും ഇത് കണ്ട യുവ നടൻ ഉടൻ തന്നെ സോറി പറയുകയും ചെയ്തു. എന്നാൽ പിന്നീട് ചടങ്ങിലുടനീളം ബാലകൃഷ്ണ അസ്വസ്ഥനായി നിൽക്കുന്നത് വീഡിയോയിൽ കാണാൻ സാധിക്കും. പോസ്റ്റർ ലോഞ്ചിന് മുമ്പായി തനിക്ക് വന്ന ഫോൺ കോൾ എടുക്കാതെ ഫോൺ അസിസ്റ്റന്റിന് നേരെ വലിച്ചെറിയുന്നതും, അതുപോലെ പോസ്റ്റർ റിലീസ് ചെയ്യുന്നതിനിടെ തനിക്കരികിൽ നിന്ന യുവ നടന്റെ കൈ തട്ടിമാറ്റുന്നതും പോസ്റ്റർ പൊതിഞ്ഞ കവർ വലിച്ചു കീറിയെടുക്കുന്നതും ആ വീഡിയോയിൽ വ്യക്തമായി കാണാൻ സാധിക്കും. കോവിഡ് പ്രോട്ടോകോളിന്റെ ഭാഗമായി വീട്ടിൽ തന്നെയായിരുന്ന അദ്ദേഹം 8 മാസങ്ങൾക്ക് ശേഷമാണ് പൊതു വേദിയിൽ പ്രത്യക്ഷപ്പെടുന്നത്.
മാളികപ്പുറം,2018 എന്നി ചിത്രങ്ങളുടെ വൻ വിജയത്തിന് ശേഷം കാവ്യ ഫിലിം കമ്പനിയും ആൻ മെഗാ മീഡിയയും ചേർന്നു പ്രേക്ഷകർക്ക് മുന്നിലെത്തിക്കുന്ന…
മലയാളത്തിൻ്റെ യുവതാരം ദുൽഖർ സൽമാൻ നായകനായി എത്തുന്ന ഏറ്റവും പുതിയ റിലീസാണ് പാൻ ഇന്ത്യൻ തെലുങ്ക് ചിത്രമായ ലക്കി ഭാസ്കർ.…
ധ്യാൻ ശ്രീനിവാസൻ, സണ്ണി വെയ്ൻ, അജു വർഗീസ്, നിരഞ്ജ് മണിയൻപിള്ള രാജു എന്നിവർ പ്രധാന കഥാപാത്രങ്ങളായെത്തുന്ന 'ത്രയം' ഒക്ടോബര് 25-ന്…
സൗബിൻ ഷാഹിർ, ബേസിൽ ജോസഫ്, ചെമ്പൻ വിനോദ് എന്നിവരെ പ്രധാന കഥാപാത്രങ്ങളാക്കി നവാഗതനായ ശ്രീരാജ് ശ്രീനിവാസൻ സംവിധാനം ചെയ്യുന്ന 'പ്രാവിൻ…
മലയാളത്തിന്റെ യുവസൂപ്പർതാരം ദുൽഖർ സൽമാൻ നായകനായി എത്തുന്ന ഏറ്റവും പുതിയ ചിത്രമായ ലക്കി ഭാസ്കർ ഒക്ടോബർ മുപ്പത്തിയൊന്നിന് ആഗോള റിലീസായി…
ഇന്റർനെറ്റ് മൂവി ഡാറ്റ ബേസ് എന്ന ലോകത്തെ ഏറ്റവും വലിയ മൂവി ഡാറ്റ ബേസ് ഇന്ത്യന് സിനിമയില് ഏറ്റവും മികച്ച…
This website uses cookies.