കഴിഞ്ഞ ദിവസം പ്രശസ്ത സംവിധായകൻ ഒമർ ലുലു തന്റെ ഫേസ്ബുക് പേജിൽ കുറിച്ച ഒരു ചോദ്യം സോഷ്യൽ മീഡിയയിൽ ചർച്ച ആവുകയാണ്. വളരെ രസകരമായ പല മറുപടികളും ആ ഫേസ്ബുക് പോസ്റ്റിൽ നമ്മുക്ക് കാണാൻ സാധിക്കുമെങ്കിലും, പ്രശസ്ത നടൻ ബാബു ആന്റണി നൽകിയ മറുപടി ഇപ്പോൾ ശ്രദ്ധേയമാവുകയാണ്. ഒമർ ലുലു കഴിഞ്ഞ ദിവസം കുറിച്ച ചോദ്യം ഇപ്രകാരം, രജനി, ചിരഞ്ജീവി, അല്ലൂ അർജ്ജുൻ, വിജയ്, ഇപ്പോ ബാഹുബലിയിലൂടെ പ്രഭാസും KGFലൂടെ യാഷും നേടിയ സ്റ്റാർഡം പോലെയോ മലയാളത്തിലെ ഏതെങ്കിലും ഒരു നടന് ഉണ്ടോ. ഒരു പോലെ കേരളത്തിന് അകത്തും പുറത്തും ഓളം ഉണ്ടാക്കാൻ കഴിയുന്ന ഒരു സ്റ്റാർ എന്തു കൊണ്ടാണ് ഇത്ര നാളായിട്ടും മലയാള സിനിമയിൽ വരാത്തത് ?. ഇത് ഫാൻ ഫൈറ്റിനു വേണ്ടിയല്ല, ഒരു ചർച്ചക്കായി ഇട്ടതാണ് എന്നും ഒമർ ലുലു പോസ്റ്റിനൊപ്പം ചേർത്ത് പറഞ്ഞിട്ടുണ്ട്.
ഈ ചോദ്യത്തിന് ഒരുപാട് സിനിമാ പ്രേമികൾ സീരിയസ് ആയും രസകരമായും കമന്റുകൾ ഇട്ടിട്ടുണ്ട്. ഏതായാലും ബാബു ആന്റണി അതിനു നൽകിയ മറുപടി, അതിനൊക്കെ ഇനിയും സമയം ഉണ്ടെന്നാണ്. ഇവിടെ കേരളത്തിൽ വിജയ് സിനിമക്ക് കിട്ടുന്ന ഇനീഷ്യൽ മാത്രം നോക്കിയാൽ മതി എന്നും അതിന്റെ പകുതി എങ്കിലും ഇനീഷ്യൽ നമ്മുടെ ഏതെങ്കിലും നടൻമാർക്ക് അന്യ സംസ്ഥാനത്ത് കിട്ടുമോ എന്നും ഒമർ ലുലു ചോദിക്കുന്നുണ്ട്. മാത്രമല്ല, അല്ലൂ അർജ്ജുൻ, രജനികാന്ത് എന്നിവർ സാർ സ്റ്റാർഡം നേടിയത് ബിഗ് ബഡ്ജറ്റ് ചിത്രങ്ങൾ മാത്രം ചെയ്തതല്ലെന്നും, അല്ലൂ അർജുൻ റൊമാന്റിക് കോമഡി ചിത്രങ്ങളിലൂടെയാണ് സ്റ്റാർ ആയതെന്നും ഒമർ ലുലു പറയുന്നു. ബാബു ആന്റണി നായകനായ മാസ്സ് ചിത്രമായ പവർ സ്റ്റാർ ആണ് ഒമർ ലുലു അടുത്തതായി ഒരുക്കുന്നത്. അതിലൂടെ ഒരു വമ്പൻ തിരിച്ചു വരവിനാണ് ഒരുകാലത്തെ മലയാളത്തിലെ ആക്ഷൻ ഹീറോ ആയിരുന്ന ബാബു ആന്റണി ശ്രമിക്കുന്നത്.
ഫഹദ് ഫാസിൽ, കുഞ്ചാക്കോ ബോബൻ എന്നിവരെ നായകന്മാരാക്കി അമൽ നീരദ് ഒരുക്കിയ ഏറ്റവും പുതിയ ചിത്രമാണ് ബൊഗൈൻവില്ല. ഒക്ടോബർ പത്തിന്…
യുവതാരം ആസിഫ് അലിയെ നായകനാക്കി രോഹിത് വി എസ് ഒരുക്കുന്ന ടിക്കി ടാക്ക എന്ന ചിത്രത്തിന്റെ ഷൂട്ടിംഗ് പുനരാരംഭിക്കുന്നു. കള,…
കഴിഞ്ഞ കുറച്ചു ദിവസങ്ങളായി സോഷ്യൽ മീഡിയയിൽ പ്രചരിക്കുന്ന ഒരു വാർത്തയാണ് മോഹൻലാലിനെ നായകനാക്കി പൃഥ്വിരാജ് സുകുമാരൻ ഒരുക്കുന്ന എമ്പുരാൻ എന്ന…
ഇത്തവണ ഓണം റിലീസായി 4 ചിത്രങ്ങളാണ് പ്രധാനമായും പ്രേക്ഷകരുടെ മുന്നിലെത്തിയത്. നവാഗതനായ ജിതിൻ ലാൽ ഒരുക്കിയ അജയന്റെ രണ്ടാം മോഷണം,…
പ്രശസ്ത സംവിധായകൻ മഹേഷ് നാരായണൻ ഒരുക്കാൻ പോകുന്ന ഏറ്റവും പുതിയ ബിഗ് ബഡ്ജറ്റ് ചിത്രത്തിന്റെ ചില അപ്ഡേറ്റുകളാണ് ഇപ്പോൾ സോഷ്യൽ…
ഉണ്ണി മുകുന്ദനെ നായകനാക്കി മേപ്പടിയാൻ എന്ന ചിത്രമൊരുക്കി അരങ്ങേറ്റം കുറിച്ച സംവിധായകനാണ് വിഷ്ണു മോഹൻ. പ്രേക്ഷക പ്രീതി നേടിയ ഈ…
This website uses cookies.