നാദിർഷ എന്ന സംവിധായകൻ മലയാളത്തിൽ അരങ്ങേറ്റം കുറിച്ച ബ്ലോക്ക്ബസ്റ്റർ ചിത്രമായ അമർ അക്ബർ അന്തോണിക്ക് രണ്ടാം ഭാഗമൊരുങ്ങുന്നു. പൃഥ്വിരാജ്, ജയസൂര്യ, ഇന്ദ്രജിത് എന്നിവർ പ്രധാന വേഷങ്ങൾ ചെയ്ത അമർ അക്ബർ അന്തോണി രചിച്ചത് നവാഗതരായ വിഷ്ണു ഉണ്ണികൃഷ്ണൻ- ബിബിൻ ജോർജ് ടീം ആണ്. അമർ അക്ബർ അന്തോണിക്ക് ഒരു രണ്ടാം ഭാഗം ആലോചനയിൽ ഉണ്ടെന്നും അത് സംഭവിച്ചാൽ അതിന്റെ നായക നിരയിൽ പൃഥ്വിരാജ്, ഇന്ദ്രജിത്, ജയസൂര്യ എന്നിവർക്കൊപ്പം ആസിഫ് അലിയും ഉണ്ടാകുമെന്നും വെളിപ്പെടുത്തുകയാണിപ്പോൾ നാദിർഷ. തന്റെ ഏറ്റവും പുതിയ ചിത്രമായ വൺസ് അപ്പോൺ എ ടൈം ഇൻ കൊച്ചിയുടെ പ്രമോഷൻ അഭിമുഖത്തിൽ സംസാരിക്കുമ്പോഴാണ് നാദിർഷ ഈ വാർത്ത പുറത്ത് വിട്ടത്. ആസിഫ് താല്പര്യം കാണിച്ചാൽ തീർച്ചയായും ആസിഫ് ഈ രണ്ടാം ഭാഗത്തിലുണ്ടാകുമെന്നും നാദിർഷ പറഞ്ഞു.
ആദ്യം അമർ അക്ബർ അന്തോണിയിലെ ഒരു നായകനായി തീരുമാനിച്ചത് ആസിഫ് അലിയെ ആയിരുന്നുവെന്നും ആസിഫ് ആ വേഷം ചെയ്യാൻ സമ്മതിച്ചിരുന്നുവെന്നും നാദിർഷ വെളിപ്പെടുത്തി. പിന്നീട് പൃഥ്വിരാജ് സുകുമാരൻ ചിത്രത്തിലെത്തിയപ്പോൾ, അദ്ദേഹത്തിന്റെ നിർദേശ പ്രകാരമാണ് ഇതിലെ മൂന്ന് നായകന്മാരായി ക്ലാസ്സ്മേറ്റ്സിലെ ടീമായ ജയസൂര്യയും ഇന്ദ്രജിത്തും കൂടെ വന്നതെന്ന് നാദിർഷ പറഞ്ഞു. അത് താൻ ആസിഫിനോട് പറഞ്ഞപ്പോൾ ആസിഫ് സന്തോഷത്തോടെ പിന്മാറി എന്നും ഒപ്പം ചിത്രത്തിൽ ഒരതിഥി വേഷം ചെയ്യാൻ മടി കാണിക്കാതെ വന്നെന്നും നാദിർഷ കൂട്ടിച്ചേർത്തു. ആസിഫിന്റെ ആ നന്മ ഒരിക്കലും മറക്കാൻ കഴിയില്ല എന്നത് കൊണ്ട് തന്നെയാണ് അമർ അക്ബർ അന്തോണി 2 വരുമ്പോൾ അതിൽ ആസിഫും ഉണ്ടാവണം എന്നാഗ്രഹിക്കുന്നതെന്നും അദ്ദേഹം പറയുന്നു. അമർ അക്ബർ അന്തോണി, കട്ടപ്പനയിലെ ഹൃതിക് റോഷൻ, മേരാ നാം ഷാജി, ഈശോ, കേശു ഈ വീടിന്റെ നാഥൻ എന്നീ ചിത്രങ്ങൾക്ക് ശേഷം നാദിർഷ ഒരുക്കിയ വൺസ് അപ്പോൺ എ ടൈം ഇൻ കൊച്ചി ഉടൻ റിലീസ് ചെയ്യും.
ഉണ്ണി ശിവലിംഗം സംവിധാനം ചെയ്ത, ഷെയിൻ നിഗത്തിൻ്റെ ഇരുപത്തിയഞ്ചാമത് ചിത്രമായ 'ബൾട്ടി' നിറഞ്ഞ സദ്ദസുകളിൽ പ്രദർശനം തുടരുകയാണ്. സൈലൻ്റായി വന്ന്…
മലയാളത്തിൻ്റെ മഹാനടന്മാരായ മമ്മൂട്ടി, മോഹൻലാൽ എന്നിവരെ കേന്ദ്ര കഥാപാത്രങ്ങളാക്കി മഹേഷ് നാരായണൻ ഒരുക്കുന്ന മൾട്ടിസ്റ്റാർ ചിത്രത്തിന്റെ ടൈറ്റിൽ ടീസർ പുറത്ത്.…
സെന്ന ഹെഗ്ഡെയുടെ സംവിധാനത്തിൽ ഒരുങ്ങുന്ന ‘അവിഹിതം’ ചിത്രത്തിന്റെ സെൻസറിങ് പൂർത്തിയായി. ഒക്ടോബർ പത്തിന് പ്രദർശനത്തിനൊരുങ്ങുന്നു സിനിമയ്ക്ക് U/A സർട്ടിഫിക്കറ്റ് ആണ്…
പ്രേക്ഷകരെ ആകാംഷയുടെ മുൾമുനയിൽ നിർത്തിയ ബ്ലോക്ക് ബസ്റ്റർ ചിത്രം കിഷ്കിന്ധ കാണ്ഡത്തിനു ശേഷം തിരക്കഥാകൃത്ത് ബാഹുൽ രമേശും സംവിധായകൻ ദിൻജിത്…
മാത്യു തോമസിനെ നായകനാക്കി, പ്രശസ്ത എഡിറ്റർ നൗഫൽ അബ്ദുള്ള ആദ്യമായി സംവിധാനം ചെയ്ത 'നെല്ലിക്കാംപൊയിൽ നൈറ്റ് റൈഡേഴ്സ്' എന്ന റൊമാൻ്റിക്…
ഷറഫുദീൻ പ്രൊഡക്ഷൻസിന്റെ ബാനറിൽ ഷറഫുദീൻ നിർമ്മിക്കുന്ന ചിത്രം "പെറ്റ് ഡിറ്റക്ടീവ്" റിലീസിന് ഒരുങ്ങുകയാണ്. ഇപ്പോഴിതാ ചിത്രത്തിലെ "തരളിത യാമം"എന്ന പുതിയ…
This website uses cookies.