മാജിക്കിന്റെ രാജാവ് എന്നറിയപ്പെടുന്ന ലോക പ്രശസ്ത മജീഷ്യനാണ് ഹാരി ഹൗഡിനി. അദ്ദേഹത്തിന്റെ അത്ഭുതപ്പെടുത്തുന്ന മായാജാല കഥകൾ കേൾക്കാത്തവർ വളരെ വിരളം. ഇപ്പോഴിതാ ഹൗഡിനി എന്ന പേരിൽ ഒരു പുതിയ ചിത്രവുമായി വരികയാണ് മലയാളത്തിന്റെ യുവതാരമായ ആസിഫ് അലി. കിംഗ് ഓഫ് മാജിക് എന്ന് തന്നെയാണ് ഈ ചിത്രത്തിന്റെ പേരിന് നൽകിയിരിക്കുന്ന ടാഗ് ലൈൻ എന്നതും ശ്രദ്ധേയമാണ്. അത്കൊണ്ട് തന്നെ ഒരു മജീഷ്യനായാണ് ആസിഫ് അലി ഈ ചിത്രത്തിലെത്തുന്നതെന്ന സൂചനയാണ് ലഭിക്കുന്നത്. ക്യാപ്റ്റൻ, മേരി ആവാസ് സുനോ, വെള്ളം എന്നീ പ്രേക്ഷക- നിരൂപക പ്രശംസ നേടിയ ചിത്രങ്ങളിലൂടെ പ്രശസ്തനായ പ്രജേഷ് സെൻ ആണ് ഹൗഡിനി രചിച്ചു സംവിധാനം ചെയ്യുന്നത്. ചിത്രീകരണം ആരംഭിച്ച ഈ ചിത്രത്തിന്റെ ടൈറ്റിൽ പോസ്റ്ററും ആസിഫ് അലി പുറത്ത് വിട്ടിട്ടുണ്ട്.
ആനന്ദ് എൽ റായ്, കളർ യെല്ലോ പ്രൊഡക്ഷൻസ്, കർമ്മ മീഡിയ ആൻഡ് എന്റെർറ്റൈന്മെന്റ്സ് എന്നിവർ ചേർന്നാണ് ഈ ചിത്രം നിർമ്മിക്കുന്നത്. ശൈലേഷ് ആർ സിങ് നിർമ്മാതാവായി എത്തുമ്പോൾ, പ്രജേഷ് സെൻ മൂവി ക്ലബ് ആണ് ഹൗഡിനിയുടെ എക്സികുട്ടീവ് പ്രൊഡ്യൂസർ. കോഴിക്കോടും ഉദയപ്പൂരുമായി ചിത്രീകരിക്കുന്ന ഈ ചിത്രത്തിന്റെ താരനിരയിൽ ഗുരു സോമസുന്ദരം, ശ്രീകാന്ത് മുരളി, നിഖില വിമൽ, വിവിയ ശാന്ത്, ദേവി പ്രകാശ് നായർ എന്നിവരുമുണ്ട്. മാജിക്കിന് ഏറെ പ്രാധാന്യമുള്ള ഈ ചിത്രത്തിന് ഛായാഗ്രഹണം നിർവഹിക്കുന്നത് നൗഷാദ് ഷെരീഫ്, സംഗീതമൊരുക്കുന്നത് ബിജിബാൽ എന്നിവരാണ്. മൃദുൽ നായർ ഒരുക്കിയ കാസർഗോൾഡ് ആണ് ആസിഫ് അലിയുടെ അടുത്ത റിലീസ്. ഇത് കൂടാതെ റസൂൽ പൂക്കുട്ടി ഒരുക്കിയ ഒറ്റ എന്ന ചിത്രവും അടുത്ത് തന്നെ റിലീസ് ചെയ്യാൻ പോകുന്ന ആസിഫ് ചിത്രമാണ്. എ രഞ്ജിത് സിനിമ, കിഷ്കിന്ധ കാണ്ഡം, അടവ് എന്നീ ചിത്രങ്ങളും ആസിഫ് അലി നായകനായി പ്രഖ്യാപിച്ചിട്ടുള്ള ചിത്രങ്ങളാണ്.
പ്രശസ്ത മലയാളി സംവിധായകൻ ലിജോ ജോസ് പെല്ലിശ്ശേരിയുടെ അടുത്ത ചിത്രം ഹിന്ദിയിൽ. ഒരു റൊമാന്റിക് കോമഡി പടം ആയിരിക്കും ലിജോ…
ദുൽഖർ സൽമാനെ നായകനാക്കി സെൽവമണി സെൽവരാജ് ഒരുക്കുന്ന തമിഴ് ചിത്രം 'കാന്ത' നവംബർ 14 ന് ആഗോള റിലീസായെത്തും. ചിത്രം…
കുപ്രസിദ്ധ കൊളംബിയൻ ഡ്രഗ് ലോർഡ് ആയിരുന്ന പാബ്ലോ എസ്കോബാറിൻ്റെ കഥയുടെ ഇന്ത്യൻ പതിപ്പ് ഒരുങ്ങുന്നു എന്ന് സൂചന. അതിൽ നിന്ന്…
മലയാളത്തിലെ ഇൻഡസ്ട്രി ഹിറ്റായി മാറിയ "തുടരും" എന്ന ചിത്രത്തിന് ശേഷം മോഹൻലാൽ - തരുൺ മൂർത്തി ടീം വീണ്ടും ഒന്നിക്കുന്നു.…
മമ്മൂട്ടി, വിനായകൻ എന്നിവരെ കേന്ദ്ര കഥാപാത്രങ്ങളാക്കി നവാഗതനായ ജിതിൻ കെ. ജോസ് സംവിധാനം നിർവഹിച്ച "കളങ്കാവൽ" സെൻസറിങ് പൂർത്തിയാക്കി. നവംബർ…
രഞ്ജിത്ത് സംവിധാനം ചെയ്യുന്ന പുതിയ ചിത്രത്തിൽ മമ്മൂട്ടി നായകൻ എന്ന് വാർത്തകൾ. മമ്മൂട്ടി കമ്പനിയുടെ ബാനറിൽ മമ്മൂട്ടി തന്നെയാണ് ചിത്രത്തിന്റെ…
This website uses cookies.