മെഗാ വിജയമായി അരവിന്ദന്റെ അതിഥികൾ; നാല്പതാം ദിവസത്തോടു അടുക്കുമ്പോഴും മുന്നൂറോളം ഷോകൾ..!

ഈ വർഷത്തെ മലയാള സിനിമയിലെ ഏറ്റവും വലിയ വിജയങ്ങളിൽ ഒന്നായി മാറുകയാണ് വിനീത് ശ്രീനിവാസൻ നായകനായി എത്തിയ അരവിന്ദന്റെ അതിഥികൾ എന്ന ചിത്രം. ഈ ചിത്രം റിലീസ് ചെയ്തു ഒരു മാസം പിന്നിടുമ്പോഴും ദിവസേന മുന്നൂറോളം ഷോകൾ ആണ് അരവിന്ദന്റെ അതിഥികൾ കേരളത്തിൽ കളിക്കുന്നത്. അരവിന്ദന് ഒപ്പമെത്തിയ പല ചിത്രങ്ങളും ഏകദേശം പ്രദർശനം അവസാനിപ്പിച്ച മട്ടാണ്. അപ്പോഴും ഈ ചിത്രം തീയേറ്ററുകളിൽ നിറഞ്ഞ സദസ്സിലാണ് പ്രദർശിപ്പിക്കുന്നത് എന്നത് തന്നെയാണ് ഈ ചിത്രം നേടുന്ന വിജയത്തിന്റെ വ്യാപ്തി നമ്മുക്ക് മനസ്സിലാക്കി തരുന്നത്. കുടുംബ പ്രേക്ഷകരാണ് ഈ ചിത്രത്തെ വലിയ വിജയമാക്കി തീർത്തത് എന്ന് പറയാം. ഈ അടുത്തകാലത്ത് വിനീത് ശ്രീനിവാസൻ നായകനായ ഒരു ചിത്രത്തിന് കിട്ടിയ ഏറ്റവും വലിയ കളക്ഷൻ കൂടിയാണ് അരവിന്ദന്റെ അതിഥകൾ നേടിയെടുത്തത്.

എറണാകുളത്താണ് ഈ ചിത്രം ഇപ്പോൾ ഏറ്റവും കൂടുതൽ ഷോസ് കളിക്കുന്നത്. 69 ഷോകൾ ആണ് ഇപ്പോൾ ഈ ചിത്രത്തിന് എറണാകുളം ജില്ലയിൽ ഉള്ളത്. തൃശൂർ 38 , ആലപ്പുഴ, 31 , കണ്ണൂർ 22 , കാസർഗോഡ് 22 ,ട്രിവാൻഡ്രം 21 , പാലക്കാടു 20 , കൊല്ലം 18 , കോഴിക്കോട്. 12 , മലപ്പുറം 12 , ഇടുക്കി 10 , കോട്ടയം 8 , വയനാട്, 8 , പത്തനംതിട്ട 4 എന്നിങ്ങനെയാണ് ഈ ചിത്രത്തിന്റെ കേരളത്തിലെ വിവിധ ജില്ലകളിലെ ഇപ്പോഴത്തെ ഷോകളുടെ എണ്ണം. കഥ പറയുമ്പോൾ, മാണിക്യ കല്ല് തുടങ്ങിയ സൂപ്പർ ഹിറ്റ് ചിത്രങ്ങൾ സംവിധാനം ചെയ്ത എം മോഹനൻ ഒരുക്കിയ ചിത്രമാണ് ഇത്. രാജേഷ് രാഘവൻ ആണ് ഈ ഫാമിലി എന്റെർറ്റൈനെറിനു തിരക്കഥ ഒരുക്കിയിരിക്കുന്നത്. പതിയറ എന്റെർറ്റൈന്മെന്റ്സ്, ബിഗ് ബാംഗ് എന്റെർറ്റൈന്മെന്റ്സ് എന്നിവയുടെ ബാനറിൽ പ്രദീപ് കുമാർ പതിയറ, നോബിൾ ബാബു തോമസ് എന്നിവർ ചേർന്ന് നിർമ്മിച്ചിരിക്കുന്ന ഈ ചിത്രത്തിൽ നിഖില, ശ്രീനിവാസൻ, ശാന്തി കൃഷ്ണ, ഉർവശി, പ്രേം കുമാർ, ബിജു കുട്ടൻ, അജു വര്ഗീസ്, ബൈജു, കോട്ടയം നസീർ എന്നിവരും പ്രധാന കഥാപാത്രങ്ങളെ അവതരിപ്പിച്ചിരിക്കുന്നു.