കഴിഞ്ഞ ദിവസം സമാപിച്ച ഇന്ത്യൻ ഇന്റർനാഷണൽ ഫിലിം ഫെസ്റ്റിവലിൽ ഏറെ പ്രശംസ നേടിയ ചിത്രമാണ് മമ്മൂട്ടി നായകനായി അഭിനയിച്ച തമിഴ് ചിത്രമായ പേരൻപ്. ദേശീയ അവാർഡ് ജേതാവായ റാം സംവിധാനം ചെയ്ത ഈ ചിത്രത്തിലെ ഗംഭീര പ്രകടനത്തിന് മമ്മൂട്ടിയും സാധന എന്ന നടിയും ഒരുപാട് അഭിനന്ദനങ്ങൾ നേടിയെടുത്തു. അച്ഛനും മകളുമായി ഇരുവരും മിന്നുന്ന പ്രകടനമാണ് കാഴ്ച വെച്ചത് എന്നാണ് ചിത്രം കണ്ട പ്രേക്ഷകരും നിരൂപകരും ഒരുപോലെ വിലയിരുത്തുന്നത്. ഇപ്പോഴിതാ പേരൻപ് കണ്ടു മമ്മൂട്ടിയേയും ചിത്രത്തെയും റാമിനെയും പ്രകീർത്തിച്ചു രംഗത്ത് വന്നിരിക്കുകയാണ് സുഡാനി ഫ്രം നൈജീരിയ എന്ന സൂപ്പർ ഹിറ്റ് ചിത്രം സംവിധാനം ചെയ്ത സക്കറിയയും അതുപോലെ പ്രശസ്ത സംവിധായകൻ ആയ സജിൻ ബാബുവും.
ഈ അടുത്ത ദശാബ്ദങ്ങളിൽ ഒന്നും മലയാള സിനിമയിൽ നമ്മൾ മമ്മൂട്ടിയെ ഇത്ര മികവാർന്ന രീതിയിൽ കണ്ടിട്ടില്ല എന്ന് സക്കറിയ പറയുന്നു. മമ്മൂട്ടിയുടെ വോയിസ് മോഡുലേഷനും ശരീര ഭാഷയുമെല്ലാം അതിഗംഭീരം ആയിരുന്നു എന്നും ചിത്രം കഴിഞ്ഞു പ്രേക്ഷകർ നൽകിയ മികച്ച പ്രതികരണം ഒരു മലയാളി എന്ന നിലയിലും അഭിമാനം ഉണ്ടാക്കുന്നത് ആണെന്നും സക്കറിയ പറയുന്നു. ഈ അടുത്തകാലത്ത് മലയാള സിനിമയ്ക്കു കഴിയാത്ത പൊട്ടെൻഷ്യലിൽ മമ്മൂട്ടിയെ ഉപയോഗിക്കാൻ പേരൻപിലൂടെ റാമിന് കഴിഞ്ഞു എന്ന് സംവിധായകൻ സജിൻ ബാബു പറയുന്നു. ചലച്ചിത്ര മേളയിലെ ഏറ്റവും മികച്ച ചിത്രങ്ങളിൽ ഒന്നായിരുന്നു പേരന്പ് എന്നും അദ്ദേഹം പറഞ്ഞു. മമ്മൂട്ടി എന്ന നടന്ൻറെ ഗംഭീര മികവ് ഉപയോഗിക്കാൻ ഒരു തമിഴ് സംവിധായകൻ വേണ്ടി വന്നു എന്ന് ഓർക്കുമ്പോൾ വിഷമം ഉണ്ടെന്നും സജിൻ ബാബു പറയുന്നു. ഈ കഥാപാത്രത്തിന് ഇതിനപ്പുറം ചേരുന്നൊരു നടൻ ഇല്ല എന്നും മമ്മൂട്ടിയുടെ അഭിനയ ജീവിതത്തിലെ ഒരു നാഴികക്കല്ലാവും ഈ ചിത്രമെന്നും അദ്ദേഹം പറയുന്നു.
ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…
പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
വിജയ് ദേവരകൊണ്ട നായകനായ "കിങ്ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…
മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…
This website uses cookies.