മേക്കപ്പ്‌ ആർട്ടിസ്റ്റിനെ ഹോസ്പിറ്റലിൽ ശുശ്രൂഷിച്ച് സിനിമ താരം; അനുശ്രീയോട് നന്ദി പറഞ്ഞ് പിങ്കി വിശാൽ

മലയാള സിനിമയിൽ ചുരുങ്ങിയ കാലങ്ങൾകൊണ്ട് പ്രേക്ഷക മനസ്സ് കീഴടക്കിയ നടിയാണ് അനുശ്രീ. ഒരു നടി എന്നതിലുപരി സാമൂഹിക പ്രതിബദ്ധതയുള്ള നടി കൂടിയാണ് അനുശ്രീ. നടിയുടെ ഒരു പ്രവർത്തിയാണ് ഇപ്പോൾ സമൂഹ മാധ്യമങ്ങളിൽ ഏറെ ശ്രദ്ധ നേടുന്നത്. വർഷങ്ങളായി അനുശ്രീയുടെ മേക്കപ്പ് ആർട്ടിസ്റ്റായി പ്രവർത്തിക്കുന്ന വ്യക്തിയാണ് പിങ്കി വിശാൽ. പിങ്കി വിശാലിന്റെ ജീവിതത്തിലെ ഏറ്റവും വലിയ ആഗ്രഹം അടുത്തിടെ സംഭവിക്കുകയായിരുന്നു. പിങ്കി വിശാൽ പൂർണമായി ഒരു സ്ത്രീയായി മാറിയിരിക്കുകയാണ്. സർജറി കഴിഞ്ഞു 8 ദിവസം ഒരു കൂടപ്പിറപ്പിനെ പോലെ രാത്രിയും പകലും തന്നെ നോക്കിയിരുന്നത് അനുശ്രീ ആണെന്ന് പിങ്കി വിശാൽ വെളിപ്പെടുത്തിയിരിക്കുകയാണ്.

പിങ്കി വിശാലിന്റെ കുറിപ്പിന്റെ പൂർണരൂപം : –

എൻ്റെ ജീവിതത്തിലെ ഏറ്റവും വലിയ ആഗ്രഹം മാർച്ച് 9 ന് സാധിച്ചു. ഞാൻ പൂർണ്ണമായി സ്ത്രീയായി മാറി. എനിക്ക് ആദ്യമായും അവസാനമായും നന്ദിയോട് കൂടി ഓർക്കുന്ന മുഖം നിങ്ങളുടെയൊക്കെ അനുശ്രീ ആയ എൻ്റെ അനുകുട്ടി. എന്നെ മാർച്ച് 8 ന് Renai medcity Hospital Admit ചെയ്യുമ്പോൾ മുതൽ എൻ്റെയൊപ്പം കൂടെ അനുകുട്ടി ഉണ്ടായി.സർജ്ജറി കഴിഞ്ഞു 8 ദിവസം ഒരു കൂടപ്പിറപ്പിനെ നോക്കുന്നതുപോലെ എന്നെ നോക്കി രാത്രിയും പകലും. എനിക്ക് വേണ്ടി പത്തനാപുരത്ത് നിന്ന് 8 ദിവസം കൊച്ചിയിൽ Hospitalil വന്നു നിന്നു. ഹോസ്പിറ്റലിലെ Doctors നും Nurse മാർക്കും എല്ലാവർക്കും അതിശയം ആയിരുന്നു ഇത്ര വലിയ ആർട്ടിസ്റ്റ് വന്ന് മേയ്ക്കപ്പ് ആർട്ടിസ്റ്റ് നോക്കുന്നത്. എനിക്ക് തോന്നുന്നു ഈ ലോകത്ത് വലിയ ഭാഗ്യമാണ് എനിക്ക് കിട്ടിയത് അനുകുട്ടിയെ.തീർത്താൽ തീരാത്ത കടപ്പാടും സ്നേഹവും എനിക്ക് അനുകുട്ടിയോട് ഉള്ളത്. അത് വാക്കുകളിൽ ഒരുങ്ങുന്നതല്ല എങ്കിലും പറയാതെ വയ്യ ഒരു പാട് സ്നേഹും നന്ദിയും പ്രാർത്ഥനയും ഉണ്ടാവും.