അനു സിതാരയുടെ വമ്പൻ മേക്ക് ഓവർ; ഉണ്ണി മുകുന്ദന് നന്ദി പറഞ്ഞു താരം..!

മലയാളത്തിലെ പ്രശസ്ത നടിമാരിൽ ഒരാളായ അനു സിതാരയുടെ ഏറ്റവും പുതിയ ചിത്രങ്ങൾ ഇപ്പോൾ സോഷ്യൽ മീഡിയയിൽ തരംഗമാവുകയാണ്. ശരീരഭാരം കുറച്ചു കിടിലൻ ലുക്കിലാണ് അനു സിതാര ഈ ചിത്രങ്ങളിൽ പ്രത്യക്ഷപ്പെട്ടിരിക്കുന്നത്. തന്റെ ഇൻസ്റ്റാഗ്രാം അക്കൗണ്ടിലൂടെ അനു സിതാര തന്നെയാണ് ഈ മേക് ഓവർ ചിത്രങ്ങൾ പങ്കു വെച്ചിരിക്കുന്നത്. തനിക്ക് ശരീര ഭാരം കുറക്കാൻ തോന്നിയപ്പോൾ, അതിനു പറ്റിയ ഒരു പരിശീലകനെ നിർദേശിക്കാൻ സഹായിക്കണമെന്ന് നടൻ ഉണ്ണി മുകുന്ദനോട് പറഞ്ഞിരുന്നു എന്നും അപ്പോൾ പരിശീലകൻ ഇല്ലാതെ തന്നെ, സ്ത്രീകൾക്ക് ശരീര ഭാരം കുറയ്ക്കാൻ സാധിക്കുന്ന ഒരു ഡയറ്റ് പ്ലാൻ ഉണ്ണി മുകുന്ദൻ നിർദേശിച്ചു എന്നുമാണ് അനു സിതാര പറയുന്നത്. ആ ഡയറ്റ് പിന്തുടർന്ന താൻ ഒരു മാസം കൊണ്ട് ആറു കിലോയാണ് കുറച്ചതെന്നും, ഈ മാറ്റത്തിന് നന്ദി പറയുന്നത് ഉണ്ണി മുകുന്ദനോടാണ് എന്നും അനു സിതാര തന്റെ പുതിയ ചിത്രങ്ങൾ പങ്കു വെച്ചു കൊണ്ട് കുറിച്ചു. താൻ ഈ ഡയറ്റ് പ്ലാൻ ഇനിയും തുടരും എന്നും നടി പറയുന്നു.

https://www.facebook.com/actressanusithara/posts/320245552797478

മലയാള സിനിമയിൽ ഏറ്റവും നന്നായി ശരീരവും ആരോഗ്യവും സംരക്ഷിക്കുന്ന ആളുകളിൽ ഒരാളാണ് ഉണ്ണി മുകുന്ദൻ. തന്റെ ഫിറ്റ്നസ് രഹസ്യങ്ങൾ ഏവരുമായും പങ്കു വെക്കുന്ന നടനുമാണ് ഉണ്ണി. ഏതായാലും ഉണ്ണി മുകുന്ദന്റെ സഹായത്തോടെ അനു സിതാര നടത്തിയ ഈ പുത്തൻ മേക് ഓവറിന് വലിയ പ്രേക്ഷക പിന്തുണയാണ് ലഭിക്കുന്നത്. മലയാള സിനിമയുടെ പുതു തലമുറയിലെ മികച്ച നടിമാരുടെ കൂട്ടത്തിലാണ് അനു സിതാരയുടെ സ്ഥാനം. ഒരുപിടി വലിയ ചിത്രങ്ങളുടെ ഭാഗമായി നമ്മുടെ മുന്നിലെത്തിയിട്ടുള്ള ഈ നടി മികച്ച നർത്തകി കൂടിയാണ്.