ദിലീപ് ശരിക്കും ഒരു അത്‌ലറ്റാണോ എന്ന് ആ ഒളിംപിക്‌സ് താരം ചോദിച്ചു: സ്പീഡ് സംവിധായകൻ ജയസൂര്യ

മലയാള സിനിമയിലെ എക്കാലത്തെയും മികച്ച സ്പോർട്സ് ചിത്രങ്ങളിൽ ഒന്നാണ് സ്പീഡ് ട്രാക്ക് ദിലീപിനെ നായകനാക്കി എസ്.എൽ പുരം ജയസൂര്യയാണ് ചിത്രം സംവിധാനം ചെയ്തിരിക്കുന്നത്. പ്രേക്ഷകനെ മുൾമുനയിൽ ഇരുത്തുന്ന ഒരുപാട് ത്രില്ലിംഗ് രംഗങ്ങളുള്ള ചിത്രം കൂടിയാണ് സ്പീഡ് ട്രാക്ക്. 2007 ലാണ് ചിത്രം കേരളത്തിൽ പ്രദർശനത്തിന് എത്തിയത്. താൻ ഏറ്റവും കൂടുതൽ ഹാർഡ് വർക്ക് ചെയ്ത ചിത്രങ്ങളിൽ ഒന്നാണ് സ്പീഡെന്ന് ദിലീപ് ഒരു അഭിമുഖത്തിൽ സൂചിപ്പിച്ചിട്ടുണ്ട്. സ്പീഡിന്റെ സംവിധായകൻ അടുത്തിടെ ഒരു അഭിമുഖത്തിൽ സ്പീഡ് ട്രാക്കിനെയും ദിലീപിനെ കുറിച്ചും പരാമര്ശിക്കുകയുണ്ടായി.

സ്പീഡ് സിനിമ ഇന്ത്യയുടെ ലോങ് ജംപ് ചാമ്പ്യൻ അഞ്ചു ബോബി ജോർജ്ജ് കാണുവാൻ ഇടയാവുകയും ഒരു പരിചയവും ഇല്ലാത്ത തന്നെ അഭിനന്ദിക്കുവാൻ ഒരിക്കൽ വിളിച്ചിരുന്നു എന്ന് സംവിധായകൻ എസ്.എൽ പുരം ജയസൂര്യ ഒരു അഭിമുഖത്തിൽ പറയുകയുണ്ടായി. നടൻ ദീപിനെ കുറിച്ചു അഞ്ചു ബോബു ജോർജ്ജ് വാചാലയായിയെന്നും സൂചിപ്പിക്കുകയുണ്ടായി. ദിലീപ് യഥാർത്ഥത്തിൽ ഒരു അത്‌ലറ്റ് തന്നെയാണോ എന്ന് അഞ്ചു തന്നോട് ചോദിച്ചു എന്ന് എസ്.എൽ പുരം ജയസൂര്യ പറയുകയുണ്ടായി. ദിലീപ്- എസ്.എൽ പുരം ജയസൂര്യ കൂട്ടുകെട്ടിൽ കഴിഞ്ഞ വർഷം വന്ന ചിത്രമായിരുന്നു ജാക്ക് ഡാനിയൽ. പ്രതീക്ഷയുടെ അമിത ഭാരം മൂലം സമ്മിശ്ര പ്രതികരണമാണ് ചിത്രം നേടിയത്. ദിലീപിന്റെ സ്പീഡ് ട്രാക്ക് പോലെയുള്ള സ്പോർട്സ് ചിത്രങ്ങൾക്കായി സിനിമ പ്രേമികൾ ഇപ്പോളും കാത്തിരിക്കുകയാണ്.