മലയാള സിനിമയിലെ ചുരുക്കം ചില സംവിധായികമാരിൽ ഒരാളാണ് അഞ്ജലി മേനോൻ, ഉസ്താദ് ഹോട്ടൽ, ബാഗ്ലൂർ ഡേയ്സ് എന്നീ ചിത്രങ്ങളിലൂടെ പ്രേക്ഷകരുടെ മനം കവർന്ന സംവിധായിക എന്ന് തന്നെ വിശേഷിപ്പിക്കാം. പൊതുവെ ഷൂട്ടിംഗ് പൂർത്തിയാക്കിയ ശേഷമാണ് സിനിമയുടെ ടൈറ്റിലിനെ കുറിച്ചു അഞ്ജലി മേനോൻ ചിന്തിക്കുകയുള്ളൂ. അഞ്ജലി മേനോൻ ചിത്രം ബാംഗ്ലൂർ ഡേയ്സ് ഷൂട്ടിംഗ് പൂർത്തിയാക്കി റീലീസിനോട് അടുത്തപ്പോൾ മാത്രമായിരുന്നു ടൈറ്റിൽ പുറത്തുവിട്ടത്, അതേ രീതി തന്നെയാണ് തന്റെ പുതിയ ചിത്രത്തിലും അഞ്ജലി മേനോൻ സ്വീകരിച്ചത്. പൃഥ്വിരാജ്, പാർവതി, നസ്രിയ തുടങ്ങിയവർ കേന്ദ്ര കഥാപാത്രങ്ങളായി എത്തുന്ന ചിത്രം മാസങ്ങളൾക്ക് മുമ്പ് ഷൂട്ടിംഗ് ആരംഭിച്ചതായിരുന്നു, ഷൂട്ടിംഗ് പൂർത്തിയായ വേളയിലാണ് ചിത്രത്തിന്റെ ടൈറ്റിൽ അനൗൻസ് ചെയ്യാൻ അഞ്ജലി മേനോൻ തീരുമാനിച്ചത്. ബന്ധങ്ങളുടെ കഥ പറയുന്ന ചിത്രത്തിന് ‘കൂടെ’ എന്നാണ് ടൈറ്റിൽ നൽകിയിരിക്കുന്നത്. ‘മൈ സ്റ്റോറി’ക്ക് ശേഷം പൃഥ്വിരാജ്- പാർവതി ഒന്നിക്കുന്ന ചിത്രം കൂടിയാണ് ‘കൂടെ’. അഞ്ജലി മേനോൻ സംവിധാനം ചെയ്യുന്ന ഈ ചിത്രം നിർമ്മിക്കുന്നത് ‘ടു കൻട്രിസ് നിർമ്മാതാവ് എം.രഞ്ജിത്താണ്.
മലയാള സിനിമയിൽ നസ്രിയയുടെ തിരിച്ചു വരവ് കൂടിയായിരിക്കും ഈ ചിത്രം. അഞ്ജലി മേനോൻ ചിത്രം തന്നെയായ ബാംഗ്ലൂർ ഡേയ്സിലാണ് താരം അവസാനമായി പ്രത്യക്ഷപ്പെട്ടത്. ഒരു കാലത്ത് മലയാളികളുടെ ഇഷ്ട നായികയായ നസ്രിയ വിവാഹ ശേഷം സിനിമയിൽ നിന്ന് ഒരു ഇടവേള എടുക്കുകയായിരുന്നു. ഷൂട്ടിംഗ് പൂർത്തിയാക്കിയ അഞ്ജലി മേനോൻ ചിത്രം ‘കൂടെ’ ജൂലൈയിൽ പ്രദർശനത്തിനെത്തും. പോസ്റ്ററിൽ ഒരു ഫ്രഷ്നെസ് ഫീൽ ചെയ്യുന്നുണ്ട്, ചിത്രത്തിൽ നസ്രിയ പൃഥ്വിരാജിന്റെ പെങ്ങളായിരിക്കും എന്നും സൂചനയുണ്ട്. പറവക്ക് വേണ്ടി ക്യാമറ ചലിപ്പിച്ച ലിറ്റിൽ സ്വയബാണ് ചിത്രത്തിന്റെ ഛായാഗ്രഹണം നിർവഹിച്ചിരിക്കുന്നത്. റഫീഖ് അഹമ്മദിന്റെ വരികൾക്ക് എം.ജയചന്ദ്രനാണ് സംഗീതം ഒരുക്കിയിരിക്കുന്നത്.എഡിറ്റിംഗ് വർക്കുകൾ കൈകാര്യം ചെയ്യുന്നത് പ്രവീൺ പ്രഭാകരാണ്. രജപുത്ര വിശ്വൽ മീഡിയയും ലിറ്റിൽ ഫിലിംസ് ഇന്ത്യയുടെയും ബാനറിലായിരിക്കും ചിത്രം അടുത്ത മാസം പ്രദർശനത്തിനെത്തുക്കുക.
പ്രശസ്ത മലയാളി സംവിധായകൻ ലിജോ ജോസ് പെല്ലിശ്ശേരിയുടെ അടുത്ത ചിത്രം ഹിന്ദിയിൽ. ഒരു റൊമാന്റിക് കോമഡി പടം ആയിരിക്കും ലിജോ…
ദുൽഖർ സൽമാനെ നായകനാക്കി സെൽവമണി സെൽവരാജ് ഒരുക്കുന്ന തമിഴ് ചിത്രം 'കാന്ത' നവംബർ 14 ന് ആഗോള റിലീസായെത്തും. ചിത്രം…
കുപ്രസിദ്ധ കൊളംബിയൻ ഡ്രഗ് ലോർഡ് ആയിരുന്ന പാബ്ലോ എസ്കോബാറിൻ്റെ കഥയുടെ ഇന്ത്യൻ പതിപ്പ് ഒരുങ്ങുന്നു എന്ന് സൂചന. അതിൽ നിന്ന്…
മലയാളത്തിലെ ഇൻഡസ്ട്രി ഹിറ്റായി മാറിയ "തുടരും" എന്ന ചിത്രത്തിന് ശേഷം മോഹൻലാൽ - തരുൺ മൂർത്തി ടീം വീണ്ടും ഒന്നിക്കുന്നു.…
മമ്മൂട്ടി, വിനായകൻ എന്നിവരെ കേന്ദ്ര കഥാപാത്രങ്ങളാക്കി നവാഗതനായ ജിതിൻ കെ. ജോസ് സംവിധാനം നിർവഹിച്ച "കളങ്കാവൽ" സെൻസറിങ് പൂർത്തിയാക്കി. നവംബർ…
രഞ്ജിത്ത് സംവിധാനം ചെയ്യുന്ന പുതിയ ചിത്രത്തിൽ മമ്മൂട്ടി നായകൻ എന്ന് വാർത്തകൾ. മമ്മൂട്ടി കമ്പനിയുടെ ബാനറിൽ മമ്മൂട്ടി തന്നെയാണ് ചിത്രത്തിന്റെ…
This website uses cookies.