മലയാളത്തിന്റെ യുവ താരം ദുൽഖർ സൽമാൻ നായകനായി ഒരുങ്ങുന്ന ഏറ്റവും പുതിയ ചിത്രമാണ് കിംഗ് ഓഫ് കൊത്ത. വേഫെറർ ഫിലിംസിന്റെ ബാനറിൽ ദുൽഖർ സൽമാൻ തന്നെ നിർമ്മിക്കുന്ന ഈ ചിത്രം പ്രശസ്ത സംവിധായകൻ ജോഷിയുടെ മകനായ അഭിലാഷ് ജോഷിയുടെ ആദ്യ സംവിധാന സംരംഭമാണ്. അഭിലാഷ് എൻ ചന്ദ്രൻ തിരക്കഥ രചിക്കുന്ന ഈ ചിത്രം ഒരു മാസ്സ് ആക്ഷൻ ഡ്രാമയായാണ് ഒരുക്കുന്നത്. മധുരയിൽ ഷൂട്ടിംഗ് ആരംഭിച്ച കിംഗ് ഓഫ് കൊത്ത ഇപ്പോൾ രാമേശ്വരത്തു പുരോഗമിക്കുകയാണ്. അതിനിടയിൽ രണ്ട് ദിവസം മുൻപ് ദുൽഖർ പങ്ക് വെച്ച ഒരു സോഷ്യൽ മീഡിയ പോസ്റ്റ് ഏറെ ശ്രദ്ധ നേടിയിരുന്നു. “നിങ്ങളുടെ സീൻ നേരത്തെ പൂർത്തിയായാൽ സെറ്റിൽ നിർമ്മാതാവ് അഥവാ കുഴപ്പക്കാരനായി കറങ്ങി നടക്കാം” എന്ന ക്യാപ്ഷനോടെയാണ് ദുൽഖർ തന്റെ പുതിയ ചിത്രം പങ്ക് വെച്ചത്. അതിന് താഴെ പ്രശസ്ത സംവിധായിക അഞ്ജലി മേനോൻ ഇട്ട കമന്റാണ് ഇപ്പോൾ വൈറലായി മാറുന്നത്.
https://www.instagram.com/p/Cjh7uHbJn6c/
കുഴപ്പക്കാരൻ എന്ന വാക്ക് കൃത്യമാണെന്നും വാക്കി ടോക്കി അടിച്ചുമാറ്റി അണിയറ പ്രവർത്തകരെ ഇപ്പോഴും വഴിതെറ്റിക്കാറുണ്ടോ എന്നുമാണ് അഞ്ജലി മേനോൻ ചോദിക്കുന്നത്. അഞ്ജലി മേനോൻ സംവിധാനം ചെയ്ത ബാംഗ്ലൂർ ഡേയ്സ് എന്ന ചിത്രത്തിലെ നായകന്മാരിലൊരാളായിരുന്നു ദുൽഖർ സൽമാൻ. അഞ്ജലി തിരക്കഥ രചിച്ച ഉസ്താദ് ഹോട്ടലിലും ദുൽഖർ സൽമാനായിരുന്നു നായകനായി എത്തിയത്. വെഫെറർ ഫിലിംസും സീ സ്റ്റുഡിയോസും ചേർന്ന് നിർമ്മിക്കുന്ന കിംഗ് ഓഫ് കൊത്തയിൽ ഐശ്വര്യ ലക്ഷ്മി, ശാന്തി കൃഷ്ണ, ഗോകുൽ സുരേഷ്, ചെമ്പൻ വിനോദ്, നൈല ഉഷ എന്നിവരും വേഷമിടുന്നുണ്ട്. മലയാളം, തമിഴ്, തെലുങ്ക്, ഹിന്ദി, കന്നഡ ഭാഷകളിൽ പാൻ ഇന്ത്യൻ ചിത്രമായാണ് കിംഗ് ഓഫ് കൊത്ത റിലീസ് ചെയ്യാൻ പോകുന്നത്.
സോഷ്യൽ മീഡിയയിൽ തരംഗമായി മോഹൻലാൽ അഭിനയിച്ച പുതിയ പരസ്യം. ഇന്ത്യൻ പരസ്യ സംവിധാന രംഗത്തെ അതികായനും "തുടരും" സിനിമയിലെ ജോർജ്…
പ്രശസ്ത മലയാള നടി ശ്രിന്ദ സംവിധായികയായി അരങ്ങേറ്റം കുറിക്കുന്നു. സൗബിൻ ഷാഹിർ ആണ് ശ്രിന്ദ ഒരുക്കുന്ന ആദ്യ ചിത്രത്തിലെ നായകൻ…
രോമാഞ്ചം, ആവേശം എന്നീ ചിത്രങ്ങളിലൂടെ ശ്രദ്ധ നേടിയ ജിത്തു മാധവൻ, തമിഴിൽ സൂര്യ- മോഹൻലാൽ ടീമിനെ പ്രധാന വേഷങ്ങളിൽ അവതരിപ്പിക്കുന്ന ചിത്രം ഒരുക്കുന്നു…
കേരളത്തെ നടുക്കിയ 2024 ലെ ചൂരൽമല ഉരുൾപൊട്ടൽ ദുരന്തം ആസ്പദമാക്കി ഒരു സിനിമ ഒരുങ്ങുന്നു എന്ന് വാർത്തകൾ. ഈ ദുരന്തത്തിന്റെ പശ്ചാത്തലത്തിൽ കഥ…
ഇന്ത്യയിൽ നിന്നല്ല ആദ്യത്തെ ഫോർമുല വൺ റേസിങ്ങിൽ പങ്കെടുത്തു ശ്രദ്ധേയനായ നരെയ്ൻ കാർത്തികേയന്റെ ജീവിതം സിനിമയാകുന്നു എന്ന് വാർത്തകൾ. പ്രശസ്ത…
സൂപ്പർ ഹിറ്റായ മലയാളം വെബ് സീരിസ് 'ലവ് അണ്ടർ കൺസ്ട്രക്ഷൻ' ഒരുക്കിയ സംവിധായകൻ വിഷ്ണു ജി രാഘവ് ഇനി മോഹൻലാൽ…
This website uses cookies.