ഡബിള് ബാരൽ, ആമേൻ എന്നീ ചിത്രങ്ങൾക്ക് ശേഷം ലിജോ ജോസ് പെല്ലിശ്ശേരി സംവിധാനം ചെയ്ത ചിത്രമായിരുന്നു ‘ അങ്കമാലി ഡയറീസ്’. നടന് ചെമ്പന് വിനോദ് ജോസ് തിരക്കഥയെഴുതിയ ചിത്രത്തില് എണ്പത്തിയാറ് പുതുമുഖങ്ങളാണ് അണിനിരന്നത്. ആരാധകരെ തൃപ്തിപ്പെടുത്തി ഈ ചിത്രം ബോക്സ് ഓഫീസിലും നേട്ടമുണ്ടാക്കി.
സിനിമാമേഖലയിൽ നിന്ന് തന്നെ ഒട്ടേറെപ്പേർ ചിത്രത്തെക്കുറിച്ച് നല്ല അഭിപ്രായം രേഖപ്പെടുത്തിയിരുന്നു. ഇപ്പോൾ ചിത്രം റിലീസ് ചെയ്ത് അഞ്ച് മാസങ്ങള്ക്ക് ശേഷം മലയാളത്തിലെ പുതുനിര സംവിധായകരില് പ്രമുഖനായ അല്ഫോന്സ് പുത്രനും അങ്കമാലി ഡയറീസിനെ കുറിച്ച് അഭിപ്രായം രേഖപ്പെടുത്തിയിരിക്കുകയാണ്.
ഫേസ്ബുക്ക് പോസ്റ്റിലൂടെയാണ് അൽഫോൻസ് പുത്രൻ ചിത്രത്തെക്കുറിച്ച് പ്രശംസിച്ച് രംഗത്തെത്തിയിരിക്കുന്നത്. ഇപ്പോഴാണ് താൻ അങ്കമാലി ഡയറീസ് കണ്ടത്. ചിത്രം ഉശിരനാണ്. ‘പുതുമുഖഅഭിനേതാക്കളും ഗംഭീരം. സംഗീതം വേറെ ലെവല്. പടം എനിക്ക് നല്ല ഇഷ്ടമായി.’ സൂക്ഷ്മതയുള്ള തിരക്കഥയാണെന്ന് തിരക്കഥാകൃത്ത് ചെമ്പന് വിനോദ് ജോസിനെയും അൽഫോൻസ് അഭിനന്ദിക്കുന്നുണ്ട്.
അതേസമയം നേരം, പ്രേമം എന്നീ സൂപ്പർഹിറ്റ് ചിത്രങ്ങൾക്ക് ശേഷം അൽഫോൻസ് പുത്രൻ തന്റെ അടുത്ത ചിത്രം ഒരുക്കുന്നത് തമിഴിലാണ്. ‘പുതുമയേതും ഇല്ലാതെ മൂന്നാമത് തിറൈയ് പടം ആരംഭിക്ക പോരേന്’ ഇങ്ങനെയായിരുന്നു പുതിയ സിനിമയെപ്പറ്റി അൽഫോൻസ് കുറിച്ചത്. ഈ ചിത്രത്തിലും പുതുമുഖങ്ങൾക്ക് അവസരം ഒരുക്കിയിട്ടുണ്ട്. അഭിനയിക്കാനും പാട്ട് പാടാനും അറിയാവുന്ന നായികയെയും തന്റെ പുതിയ ചിത്രത്തിനായി അൽഫോൻസ് പുത്രൻ തേടുന്നുണ്ട്.
പ്രശസ്ത മലയാളി സംവിധായകൻ ലിജോ ജോസ് പെല്ലിശ്ശേരിയുടെ അടുത്ത ചിത്രം ഹിന്ദിയിൽ. ഒരു റൊമാന്റിക് കോമഡി പടം ആയിരിക്കും ലിജോ…
ദുൽഖർ സൽമാനെ നായകനാക്കി സെൽവമണി സെൽവരാജ് ഒരുക്കുന്ന തമിഴ് ചിത്രം 'കാന്ത' നവംബർ 14 ന് ആഗോള റിലീസായെത്തും. ചിത്രം…
കുപ്രസിദ്ധ കൊളംബിയൻ ഡ്രഗ് ലോർഡ് ആയിരുന്ന പാബ്ലോ എസ്കോബാറിൻ്റെ കഥയുടെ ഇന്ത്യൻ പതിപ്പ് ഒരുങ്ങുന്നു എന്ന് സൂചന. അതിൽ നിന്ന്…
മലയാളത്തിലെ ഇൻഡസ്ട്രി ഹിറ്റായി മാറിയ "തുടരും" എന്ന ചിത്രത്തിന് ശേഷം മോഹൻലാൽ - തരുൺ മൂർത്തി ടീം വീണ്ടും ഒന്നിക്കുന്നു.…
മമ്മൂട്ടി, വിനായകൻ എന്നിവരെ കേന്ദ്ര കഥാപാത്രങ്ങളാക്കി നവാഗതനായ ജിതിൻ കെ. ജോസ് സംവിധാനം നിർവഹിച്ച "കളങ്കാവൽ" സെൻസറിങ് പൂർത്തിയാക്കി. നവംബർ…
രഞ്ജിത്ത് സംവിധാനം ചെയ്യുന്ന പുതിയ ചിത്രത്തിൽ മമ്മൂട്ടി നായകൻ എന്ന് വാർത്തകൾ. മമ്മൂട്ടി കമ്പനിയുടെ ബാനറിൽ മമ്മൂട്ടി തന്നെയാണ് ചിത്രത്തിന്റെ…
This website uses cookies.