കാപ്പാനിൽ മോഹൻലാൽ എത്തിയത് അമിതാബ് ബച്ചന് പകരം; വെളിപ്പെടുത്തി കെ വി ആനന്ദ്..!

ഈ വർഷം തെന്നിന്ത്യൻ സിനിമാ പ്രേമികൾ ഏറ്റവും കൂടുതൽ കാത്തിരിക്കുന്ന ചിത്രങ്ങളിൽ ഒന്നാണ് മോഹൻലാൽ-സൂര്യ ടീം ആദ്യമായി ഒന്നിക്കുന്ന കാപ്പാൻ. കെ വി ആനന്ദ് സംവിധാനം ചെയ്ത ഈ ബിഗ് ബഡ്ജറ്റ് ചിത്രത്തിൽ മോഹൻലാൽ ഇന്ത്യൻ പ്രധാനമന്ത്രി ആയാണ് അഭിനയിക്കുന്നത്. പ്രധാന മന്ത്രിയുടെ അംഗ രക്ഷകൻ ആയ എൻ എസ് ജി കമാൻഡോ ആയാണ് സൂര്യ ഈ ചിത്രത്തിൽ അഭിനയിക്കുന്നത്. മോഹൻലാൽ ചെയ്ത വേഷം ചെയ്യാൻ ഈ ചിത്രത്തിന്റെ അണിയറ പ്രവർത്തകർ ആദ്യം സമീപിച്ചത് ബോളിവുഡ് ഇതിഹാസം അമിതാബ് ബച്ചനെ ആയിരുന്നു. എന്നാൽ ഡേറ്റ് പ്രോബ്ലെം കാരണം അദ്ദേഹത്തിന് ആ വേഷം ചെയ്യാൻ സാധിക്കാതെ വന്നപ്പോൾ ആണ് മോഹൻലാലിനെ ആ വേഷം ചെയ്യാൻ സമീപിച്ചത് എന്നു കെ വി ആനന്ദ് പറയുന്നു.

മോഹൻലാൽ ഈ വേഷം മനോഹരമായി അവതരിപ്പിച്ചു എന്നും അദ്ദേഹം പറയുന്നു. മോഹൻലാലിന് ഒപ്പം സൂര്യയും തന്റെ ബെസ്റ്റ് ആണ് കാപ്പാന് വേണ്ടി നൽകിയത് എന്നും കെ വി ആനന്ദ് പറയുന്നു. ആര്യ, ബൊമൻ ഇറാനി, സായ്‌യേഷ, സമുദ്രക്കനി എന്നിവരും ഈ ചിത്രത്തിന്റെ താര നിരയിൽ ഉണ്ട്. ലൈക്ക പ്രൊഡക്ഷൻസ് നിർമ്മിച്ചിരിക്കുന്ന ഈ ചിത്രം ആഗസ്റ്റ് 30 ന് ആണ് റീലീസ് ചെയ്യുക. ഇതിന്റെ ടീസർ, സോങ് ലിറിക് വീഡിയോ എന്നിവയെല്ലാം ഇപ്പോൾ തന്നെ സോഷ്യൽ മീഡിയയിൽ വമ്പൻ ഹിറ്റ് ആണ്. അയൻ, മാട്രാൻ എന്നീ ചിത്രങ്ങൾക്ക് ശേഷം സൂര്യ- കെ വി ആനന്ദ് ടീം ഒന്നിച്ച ചിത്രമാണ് കാപ്പാൻ.