തെന്നിന്ത്യൻ ലേഡി സൂപ്പർസ്റ്റാർ നയൻതാര പ്രധാന വേഷത്തിലെത്തുന്ന തമിഴ് ചിത്രം ’അറം’ പ്രേക്ഷകശ്രദ്ധ നേടി പ്രദർശനം തുടരുകയാണ്. ചിത്രം പുറത്തിറങ്ങിയതോടുകൂടി തലൈവിയെന്നാണ് നയന്സിനെ ആരാധകര് വിശേഷിപ്പിക്കുന്നത്. ‘അറം’ കണ്ടതിന് ശേഷം താരത്തിനെ അഭിനന്ദിച്ച് നടി അമല പോൾ രംഗത്തെത്തിയിരിക്കുകയാണ്. യാഥാർഥ്യബോധം ഉൾക്കൊള്ളുന്ന ഇത്തരം സിനിമകൾ തമിഴ് സിനിമയ്ക്ക് ആശ്വാസമാണ്. ’അറം’ പോലുള്ള സിനിമകളാണ് വേണ്ടത്. നല്ല സിനിമയെ പ്രേക്ഷകര് സ്വീകരിക്കുമെന്നതിനുള്ള ഉത്തമോദാഹരണം കൂടിയാണ് ‘അറം’.
സൂപ്പര് സ്റ്റാറുകള് കേന്ദ്ര കഥാപാത്രമായെത്തുന്ന സിനിമകള് മാത്രമല്ല വിജയിക്കുന്നതെന്നും ഈ ചിത്രം കാണിച്ച് തന്നു. സൂപ്പര്താര ഫോര്മുലകള് തെറ്റാണെന്ന് തെളിയിച്ച താരത്തിനും സംവിധായകനായ ഗോപി നൈനാരിനും എല്ലാ ആശംസകളും നേരുന്നതായും അമല വ്യക്തമാക്കി.
മധിവദനി എന്ന കലക്ടറുടെ വേഷത്തിൽ നയൻതാര എത്തുന്ന ചിത്രം സൂപ്പര്താരനിരയോ മസാലരംഗങ്ങളോ ഒന്നുമില്ലാതെയാണ് മികച്ച പ്രതികരണത്തോടെ മുന്നേറുന്നത്. മുന്ചിത്രങ്ങളില് നിന്നും വ്യത്യസ്തമായ മേക്കോവറുമായാണ് നയന്താര ഈ സിനിമയില് പ്രത്യക്ഷപ്പെടുന്നത്.
നിര്മ്മാതാവിനെ കിട്ടാത്തതിനാല് പ്രതിസന്ധിയിൽ നിൽക്കുമ്പോഴാണ് നയൻതാരയുമായി കൂടിക്കാഴ്ച ഉണ്ടായതെന്നും കഥ കേട്ട താരം നിർമ്മാണത്തിൽ പങ്കാളിയാകാനും അഭിനയിക്കാനും സമ്മതിക്കുകയായിരുന്നുവെന്നും സംവിധായകനായ ഗോപി നൈനാർ വ്യക്തമാക്കിയിരുന്നു. തന്റെ ആദ്യ ചിത്രത്തില് തന്നെ നയൻ താരയോടൊപ്പം പ്രവര്ത്തിക്കാന് കഴിഞ്ഞതിന്റെ സന്തോഷമുണ്ടെന്നും അദ്ദേഹം പറയുകയുണ്ടായി.
സത്യന് അന്തിക്കാട് സംവിധാനം ചെയ്ത മനസ്സിനക്കരെ എന്ന ചിത്രത്തിലൂടെയാണ് നയന്താര സിനിമാ ലോകത്ത് ചുവടുവെച്ചത്. തുടർന്ന് മറ്റ് ഭാഷകളിലേക്ക് ചേക്കേറിയെങ്കിലും മലയാളത്തിലും താരം അഭിനയിച്ചിരുന്നു. അടുത്തതായി ധ്യാന് ശ്രീനിവാസ് സംവിധാനം ചെയ്യുന്ന ലവ് ആക്ഷന് ഡ്രാമയില് നിവിന് പോളിയുടെ നായികയായെത്തുന്നത് നയന്താരയാണ്.
ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…
പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
വിജയ് ദേവരകൊണ്ട നായകനായ "കിങ്ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…
മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…
This website uses cookies.