പ്രമുഖ ഗായകനായ ഭവ്നിന്ദര് സിങ്ങിനെതിരെ നിയമനടപടിക്കൊരുങ്ങി മുന്നോട്ടു വന്നിരിക്കുകയാണ് തെന്നിന്ത്യൻ നടിയായ അമല പോൾ. ഫോട്ടോ ഷൂട്ടിനായി പകർത്തിയ ചിത്രം ദുരുപയോഗം ചെയ്തെന്ന് ചൂണ്ടിക്കാട്ടിയാണ് അമല പോൾ ഭവ്നിന്ദര് സിങ്ങിനെതിരെ മുന്നോട്ടു വന്നിരിക്കുന്നത്. കുറച്ചു നാളുകൾക്ക് മുൻപ് ഭവ്നിന്ദര് സിംഗ് സമൂഹ മാധ്യമങ്ങളിൽ പങ്കുവച്ച ചിത്രമാണ് ഇപ്പോൾ വിവാദത്തിനു കാരണമായി മാറിയിരിക്കുന്നത്. പരമ്പരാഗത രാജസ്ഥാനി വധൂവരന്മാരുടെ വേഷത്തിൽ ഇരുവരും നിൽക്കുന്ന ചിത്രം ഈ ഗായകൻ സോഷ്യൽ മീഡിയയിൽ പങ്കു വെക്കുകയും ആ ചിത്രം ഇരുവരുടേയും വിവാഹ ചിത്രമാണെന്ന് തെറ്റിദ്ധരിക്കപ്പെടുകയും സോഷ്യൽ മീഡിയയിൽ ചർച്ചയാവുകയും ചെയ്തു. എന്നാൽ അന്ന് ഈ വാർത്തയെ നിഷേധിക്കാനോ എന്തെങ്കിലും അഭിപ്രായം പറയാനോ അമല പോൾ തയ്യാറായിരുന്നില്ല എങ്കിലും ഇപ്പോൾ അമല പോൾ പറയുന്നത് തന്റെ അനുമതി ഇല്ലാതെയാണ് ഭവ്നിന്ദര് ചിത്രങ്ങള് സോഷ്യൽ മീഡിയയിൽ പങ്കു വെച്ചിരിക്കുന്നത് എന്നാണ്.
സോഷ്യൽ മീഡിയയിൽ പങ്കു വെച്ച് കഴിഞ്ഞു അൽപ സമയത്തിന് ശേഷം ഈ ഗായകൻ ആ ചിത്രങ്ങൾ പിൻവലിക്കുകയും ചെയ്തു. എന്നാൽ അമല പോൾ ഭവ്നിന്ദര് സിങ്ങിനെതിരെ അപകീർത്തി കേസ് ഫയൽ ചെയ്യുകയും ആ മാനനഷ്ട കേസിന് മദ്രാസ് ഹൈക്കോടതി അനുമതി നൽകുകയും ചെയ്തിട്ടുണ്ട്. വർഷങ്ങൾക്കു മുൻപ് പ്രശസ്ത സംവിധായകൻ എ എൽ വിജയ്യെ പ്രണയിച്ചു വിവാഹം കഴിച്ച അമല പോൾ, കുറച്ചു നാളിനു ശേഷം ബന്ധം വേർപ്പെടുത്തിയിരുന്നു. അതിനു ശേഷം എ എൽ വിജയ് വേറെ വിവാഹം കഴിച്ചു. ഈ അടുത്തിടെ ആടൈ എന്ന തമിഴ് സിനിമയുടെ പ്രമോഷൻ സമയത്ത് താൻ വീണ്ടും പ്രണയത്തിലാണെന്ന് അമല പോൾ വെളിപ്പെടുത്തിയിരുന്നു. എന്നാൽ താൻ പ്രണയിക്കുന്ന ആളുടെ കൂടുതൽ വിവരങ്ങൾ വെളിപ്പെടുത്താൻ അന്ന് അമല പോൾ തയ്യാറായില്ല.
ഫോട്ടോ കടപ്പാട്: ഇൻസ്റ്റാഗ്രാം
ഉണ്ണി മുകുന്ദനെ നായകനാക്കി ഹനീഫ് അദനി ഒരുക്കുന്ന ആക്ഷൻ ചിത്രം മാർക്കോയുടെ ഏറ്റവും പുതിയ പോസ്റ്റർ സോഷ്യൽ മീഡിയയിൽ വൈറലാവുന്നു.…
മലയാളത്തിന്റെ യുവതാരം ദുൽഖർ സൽമാൻ നായകനായി ഒരു മലയാള ചിത്രം പ്രേക്ഷകരുടെ മുന്നിലെത്തിയത് കഴിഞ്ഞ വർഷം ഓണത്തിനാണ്. അഭിലാഷ് ജോഷിയുടെ…
സൈജു കുറുപ്പ്, വിൻസി അലോഷ്യസ് എന്നിവരെ പ്രധാന കഥാപാത്രങ്ങളാക്കി ഒരുക്കുന്ന 'ഓകെ ഡിയർ' എന്ന ചിത്രത്തിന്റെ മോഷൻ പോസ്റ്റർ പുറത്ത്.…
മലയാളത്തിന്റെ മഹാനടൻ മോഹൻലാലും, മലയാള സിനിമയിൽ വ്യത്യസ്ത ശൈലിയിലൂടെ കഥ പറഞ്ഞ് കൊണ്ട് ലോക ശ്രദ്ധയാകർഷിച്ച സംവിധായകൻ ലിജോ ജോസ്…
മലയാളത്തിന്റെ മെഗാസ്റ്റാർ മമ്മൂട്ടി വീണ്ടും വില്ലനായി എത്തുന്നു എന്ന് വാർത്തകൾ. ഈ വർഷം പുറത്ത് വന്ന ഭ്രമയുഗം എന്ന പീരീഡ്…
മലയാള സിനിമയുടെ 'അമ്മ മുഖം എന്നറിയപ്പെടുന്ന കവിയൂർ പൊന്നമ്മ കാലയവനികക്കുള്ളിൽ മറഞ്ഞു. മലയാളി പ്രേക്ഷകരുടെ മനസ്സിൽ ''അമ്മ" എന്ന് കേൾക്കുമ്പോൾ…
This website uses cookies.