[social] [social_icon link="http://facebook.com/themesphere" title="Facebook" type="facebook" /] [social_icon link="http://twitter.com/Theme_Sphere" title="Twitter" type="twitter" /] [social_icon link="#" title="Google+" type="google-plus" /] [social_icon link="#" title="LinkedIn" type="linkedin" /] [social_icon link="#" title="VK" type="vk" /] [/social]
Latest News

സാർ പൊളിച്ചുട്ടാ കർണ്ണനിൽ, അവസാനം ഞാൻ കരഞ്ഞു, കിക്കിടു ആക്ടിങ്; വൈറലായി അൽഫോൻസ് പുത്രന്റെ വാക്കുകൾ..!

മാരി സെൽവരാജ് സംവിധാനം ചെയ്ത ധനുഷ് ചിത്രമായ കർണ്ണൻ കഴിഞ്ഞ മാസമാണ് ആഗോള റിലീസ് ആയി എത്തിയത്. പ്രേക്ഷകരും നിരൂപകരും ഒരുപോലെ പ്രശംസ ചൊരിഞ്ഞ ഈ ചിത്രം ബോക്സ് ഓഫീസിലും വമ്പൻ വിജയമാണ് നേടിയത്. ധനുഷിന്റെ അഭിനയ മികവിനും വലിയ പ്രശംസ ലഭിച്ച ഈ ചിത്രത്തിലെ നായികാ വേഷം ചെയ്തത് മലയാളി താരമായ രെജിഷാ വിജയൻ ആയിരുന്നു. രെജിഷക്ക് പുറമെ മറ്റൊരു മലയാളി താരം കൂടി ഈ ചിത്രത്തിലെ ഗംഭീര പ്രകടനത്തിന് കയ്യടി നേടി. ധനുഷ് കഴിഞ്ഞാൽ ഈ ചിത്രത്തിലെ ഏറ്റവും പ്രധാനപ്പെട്ട ആ കഥാപാത്രത്തിന് ജീവൻ നൽകിയത് മലയാളികളുടെ സ്വന്തം ലാൽ ആയിരുന്നു. അതിഗംഭീര പെർഫോമൻസാണ് കർണ്ണനിൽ ലാൽ കാഴ്ച വെച്ചത്. ദിവസങ്ങൾക്കു മുൻപാണ് ഈ ചിത്രം ഡിജിറ്റൽ റിലീസായി ആമസോൺ പ്രൈമിൽ എത്തിയത്. അതിനു ശേഷം ലാലിന് പ്രേക്ഷകരിൽ നിന്നും പ്രശംസയുടെ പെരുമഴയാണ് ലഭിക്കുന്നത്. എന്നാൽ ഈ ചിത്രത്തിൽ തന്റെ കഥാപാത്രത്തിന് ശബ്ദം നൽകിയത് അദ്ദേഹമല്ല. അത് എന്തുകൊണ്ടാണെന്ന് പ്രേക്ഷകർ ചോദിക്കുകയും ചെയ്തു.

അതിനു മറുപടി പറഞ്ഞു ലാൽ ഇട്ട ഫേസ്ബുക് പോസ്റ്റിൽ, പ്രശസ്ത സംവിധായകൻ അൽഫോൻസ് പുത്രനിട്ട കമന്റാണ് ഇപ്പോൾ വൈറൽ ആവുന്നത്. ലാലിൻറെ പോസ്റ്റിൽ അൽഫോൻസ് പുത്രൻ പറഞ്ഞ വാക്കുകൾ ഇങ്ങനെ, സാർ പൊളിച്ചുട്ടാ കർണ്ണനിൽ, അവസാനം ഞാൻ കരഞ്ഞു, കിക്കിടു ആക്ടിങ്. ഈ ചിത്രത്തിലെ യെമ രാജ എന്ന കഥാപാത്രം ഉപയോഗിച്ചത് തിരുനെൽവേലി സ്ലാങ് ആണെന്നും, തനിക്കു ആ സ്ലാങ് പൂർണ്ണമായും വഴങ്ങാത്തതു കൊണ്ടാണ് മറ്റൊരാളെ കൊണ്ട് ശബ്ദം കൊടുപ്പിച്ചതെന്നും ലാൽ പറയുന്നു. ആ കഥാപാത്രത്തിന് പൂർണ്ണത കിട്ടണമെങ്കിൽ ആ സ്ലാങ് കൂടിയേ തീരു എന്നത് തിരിച്ചറിഞ്ഞത് കൊണ്ടാണ്, അങ്ങനെയൊരു തീരുമാനം എടുത്തതെന്നും ലാൽ വിശദീകരിച്ചു. ചിത്രത്തിലെ ഭൂരിഭാഗം കഥാപാത്രങ്ങൾ ചെയ്തവർക്കും ആ സ്ലാങ് നല്ലതു പോലെ അറിയാം എന്നത് കൊണ്ട്, താൻ ശബ്ദം കൊടുത്താൽ തന്റെ കഥാപാത്രത്തിന്റെ സ്ലാങ് മാത്രം ചിത്രത്തിന്റെ പശ്ചാത്തലത്തിൽ മുഴച്ചു നിൽക്കാതിരിക്കാൻ കൂടിയാണ് മറ്റൊരാളുടെ ശബ്ദം സ്വീകരിച്ചതെന്നും അദ്ദേഹം പറഞ്ഞു.

webdesk

Recent Posts

സിനിമാ വിതരണ രംഗത്ത് സെഞ്ച്വറി ഫിലിംസുമായി പനോരമ സ്റ്റുഡിയോസ് കൈകോർക്കുന്നു

പനോരമ സ്റ്റുഡിയോസ് തങ്ങളുടെ മലയാള സിനിമകളുടെ വിതരണത്തിനായി മലയാള സിനിമയിലെ പ്രശസ്ത ബാനറായ സെഞ്ചുറി ഫിലിംസുമായി ദീർഘകാല പങ്കാളിത്തം പ്രഖ്യാപിച്ചു.…

2 weeks ago

‘ആശാൻ’ വിതരണത്തിനെടുത്ത് ദുൽക്കർ സൽമാന്റെ വെഫയറർ ഫിലിംസ്

മലയാള സിനിമയിൽ ഇതിനോടകം തന്നെ വലിയ പ്രതീക്ഷകൾക്ക് വഴിതുറന്ന 'ആശാൻ' എന്ന ചിത്രം വിതരണത്തിനെടുത്ത് ദുൽക്കർ സൽമാന്റെ പ്രമുഖ നിർമ്മാണ-വിതരണ…

3 weeks ago

ഫീൽ ഗുഡ് നിവിൻ പോളിയെ കണ്ട് മനസ്സ് നിറഞ്ഞ് പ്രേക്ഷകർ, ‘സർവ്വം മായ’ എല്ലായിടത്തും ഹൗസ് ഫുൾ

പ്രേക്ഷകർ ഏറെ ആകാംഷയോടെ കാത്തിരുന്ന സിനിമയാണ്, അഖിൽ സത്യൻ- നിവിൻ പോളി കൂട്ടുകെട്ടിൽ ഒരുങ്ങിയ ഫാന്റസി ഹൊറർ കോമഡി ചിത്രം…

1 month ago

ദിലീപ് കുറ്റവിമുക്തൻ, നടിയെ ആക്രമിച്ച കേസിൽ ദിലീപിനെതിരെ തെളിവില്ലെന്ന് കോടതി

നടിയെ ആക്രമിച്ച കേസിൽ എട്ടു വർഷത്തിന് ശേഷം വിധി. കേസിലെ ഒന്ന് മുതൽ ആറ് വരെ പ്രതികളെ കുറ്റക്കാർ എന്ന്…

2 months ago

രാജേഷ് മാധവന്റെ സംവിധാനത്തിൽ ഒരുങ്ങിയ “പെണ്ണും പൊറാട്ടും” IFFIയിലും IFFKയിലും പ്രദർശിപ്പിക്കും.

പ്രശസ്ത നടൻ രാജേഷ് മാധവൻ ആദ്യമായി സംവിധാനം ചെയ്യുന്ന “പെണ്ണും പൊറാട്ടും” എന്ന ചിത്രം നവംബർ 26 തീയതി IFFI…

2 months ago

അഭിനയത്തികവിന്റെ മമ്മൂട്ടി മാജിക് വീണ്ടും; കളങ്കാവൽ ട്രെയ്‌ലർ പുറത്ത്, ചിത്രം നവംബർ 27 ന്

മമ്മൂട്ടി, വിനായകൻ എന്നിവരെ കേന്ദ്ര കഥാപാത്രങ്ങളാക്കി ജിതിൻ കെ. ജോസ് സംവിധാനം നിർവഹിച്ച കളങ്കാവലിന്റെ ട്രെയ്‌ലർ പുറത്ത്. നവംബർ 27…

3 months ago

This website uses cookies.