ആറ്റ്‌ലി ചിത്രത്തിൽ നായകനാവാൻ അല്ലു അർജുൻ; ലഭിക്കുന്നത് ഞെട്ടിക്കുന്ന പ്രതിഫലം..!

തെലുങ്ക് സിനിമയിലെ ഏറ്റവും വലിയ താരങ്ങളിൽ ഒരാൾ ആണ് സ്റ്റൈലിഷ് സ്റ്റാർ എന്നും ഐക്കൺ സ്റ്റാർ എന്നുമൊക്കെ അറിയപ്പെടുന്ന അല്ലു അർജുൻ. കഴിഞ്ഞ മാസം റിലീസ് ചെയ്ത അല്ലു അർജുൻ ചിത്രം പുഷ്പ ദി റൈസിങ്, 300 കോടി ക്ലബ്ബിൽ എത്തിയതോടെ അല്ലു അർജുന്റെ താരമൂല്യം വലിയ രീതിയിൽ ആണ് ഉയർന്നത്. ഇനി പുഷ്പയുടെ രണ്ടാം ഭാഗത്തിൽ ആണ് അല്ലു അർജുൻ അഭിനയിക്കുക. സുകുമാർ ഒരുക്കുന്ന പുഷ്പ സീരീസ് പൂർത്തിയാക്കിയ ശേഷം പ്രശസ്ത തമിഴ് സംവിധായകൻ ആറ്റ്‌ലി ഒരുക്കുന്ന ചിത്രത്തിൽ ആവും അല്ലു അർജുൻ അഭിനയിക്കുക എന്ന വാർത്തകൾ ആണ് വരുന്നത്. ഒരു പാൻ ഇന്ത്യൻ ചിത്രമായിരിക്കും ഇതെന്നും റിപ്പോർട്ടുകൾ പറയുന്നുണ്ട്.

ഈ ചിത്രത്തിന് വേണ്ടി നൂറു കോടി രൂപയാണ് അല്ലു അര്ജുന് ഓഫർ ചെയ്തിരിക്കുന്ന പ്രതിഫലം എന്നാണ് വാർത്തകൾ പറയുന്നത്. വമ്പൻ ചിത്രങ്ങൾ ഒരുക്കിയ ലൈക്ക പ്രൊഡക്ഷൻസ് ആണ് ഈ ചിത്രം നിർമ്മിക്കുന്നത് എന്നാണ് സൂചന. രാജ റാണി, തെറി, മേർസൽ, ബിഗിൽ എന്നീ വമ്പൻ ഹിറ്റുകൾ ഒരുക്കിയ ആറ്റ്‌ലി ഇപ്പോൾ ബോളിവുഡ് കിങ് ഖാൻ ആയ ഷാരൂഖ് ഖാൻ നായകനാവുന്ന ചിത്രം ഒരുക്കുന്ന തിരക്കിൽ ആണ്. ലയൺ എന്നാണ് ഈ ചിത്രത്തിന്റെ പേര് എന്ന് അനൗദ്യോഗിക റിപ്പോർട്ടുകൾ വരുന്നുണ്ട്. ഏതായാലും പുഷ്പ നേടിയ മഹാവിജയം അല്ലു അർജുന്റെ പ്രശസ്തി വലിയ രീതിയിൽ തന്നെ വർധിപ്പിച്ചിട്ടുണ്ട്. തെലുങ്ക് കൂടാതെ തമിഴ്, ഹിന്ദി, മലയാളം ഭാഷകളിലൊക്കെ റിലീസ് ചെയ്ത ചിത്രമാണ് പുഷ്പ. മലയാളി താരം ഫഹദ് ഫാസിൽ ആണ് ഈ ചിത്രത്തിലെ വില്ലൻ വേഷം ചെയ്തത്.