അല്ലു അർജുൻ- ജയറാം ചിത്രത്തിന്റെ ദീപാവലി സ്പെഷ്യൽ പോസ്റ്റർ …

മലയാളത്തിന്റെ പ്രിയ താരം ജയറാം ഇപ്പോൾ തെലുങ്കിലെ ഒരു വമ്പൻ ചിത്രത്തിൽ അഭിനയിക്കുകയാണ്. തെലുങ്കിലെ സ്റ്റൈലിഷ് സ്റ്റാർ അല്ലു അർജുൻ നായകനായി എത്തുന്ന ഈ ചിത്രത്തിന്റെ പേര് അല വൈകുന്തപുറംലോ എന്നാണ്. പ്രശസ്ത സംവിധായകനായ ത്രിവിക്രം ശ്രീനിവാസ് രചനയും സംവിധാനവും നിർവഹിക്കുന്ന ഈ ചിത്രത്തിന്റെ പുതിയ പോസ്റ്റർ ഇന്ന് റിലീസ് ചെയ്തു. ദീപാവലി സ്പെഷ്യൽ ആയി റിലീസ് ചെയ്തിരിക്കുന്ന ഈ പോസ്റ്റർ വലിയ പ്രേക്ഷക ശ്രദ്ധയാണ് ആകർഷിക്കുന്നത്. അല്ലു അർജുന്റെ അച്ഛൻ ആയി ആണ് ജയറാം ഈ ചിത്രത്തിൽ അഭിനയിക്കുന്നത്. ഇതിനു വേണ്ടി ജയറാം നടത്തിയ ബോഡി മേക് ഓവർ വലിയ രീതിയിൽ ആണ് ശ്രദ്ധിക്കപ്പെട്ടത്.

അല്ലു അർജുൻ, ജയറാം എന്നിവർക്കൊപ്പം പൂജ ഹെഗ്‌ഡെ, തബു , നിവേദ , നവദീപ്, സുശാന്ത്, സത്യരാജ് , സമുദ്രക്കനി, സുനിൽ, രാജേന്ദ്ര പ്രസാദ്, ബ്രഹ്മാജി, ഹർഷ വർധന, സച്ചിൻ കടേക്കർ, നാസ്സർ, വെണ്ണല കിഷോർ എന്നിവരും ഉണ്ട്. ഒരു ഐറ്റം നമ്പറുമായി കാജൽ അഗർവാളും ഈ ചിത്രത്തിൽ പ്രത്യക്ഷപ്പെടും. എസ് തമൻ സംഗീതം ഒരുക്കുന്ന ഈ ചിത്രത്തിന് വേണ്ടി പി എസ് വിനോദ് ആണ് കാമറ ചലിപ്പിക്കുന്നത്. ഗീത ആർട്സ്, ഹാരിക ആൻഡ് ഹസ്സിന് ക്രീയേഷൻസ് എന്നിവയുടെ ബാനറിൽ അല്ലു അരവിന്ദ്, എസ് രാധാകൃഷ്ണ എന്നിവർ ചേർന്നാണ് ഈ ചിത്രം നിർമ്മിക്കുന്നത്. അടുത്ത വര്ഷം ജനുവരി പന്ത്രണ്ടിന് ഈ ചിത്രം റിലീസ് ചെയ്യും എന്നാണ് ഇപ്പോൾ തീരുമാനിച്ചിരിക്കുന്നത്. അല്ലു അർജുൻ- ത്രിവിക്രം ശ്രീനിവാസ് എന്നിവർ ഒരുമിക്കുന്ന മൂന്നാമത്തെ ചിത്രമാണ് ഇത്.