ഈ റെക്കോർഡ് നേട്ടം കൈവരിക്കുന്ന ആദ്യ സൗത്ത് ഇന്ത്യൻ താരമായി അല്ലു അർജുൻ..!

തെലുങ്ക് സിനിമയിലെ സ്റ്റൈലിഷ് സ്റ്റാർ ആയ അല്ലു അർജുൻ ഇപ്പോൾ തന്റെ ഏറ്റവും പുതിയ ചിത്രമായ പുഷ്പ നേടിയ വമ്പൻ വിജയത്തിന്റെ സന്തോഷത്തിലാണ്. സുകുമാർ ഒരുക്കിയ ഈ ചിത്രം ആഗോള കളക്ഷൻ ആയി നേടിയെടുത്തത് മുന്നൂറു കോടിയാണ്. ആദ്യമായാണ് അല്ലു അർജുൻ നായകനായ ഒരു ചിത്രം മുന്നൂറു കോടി കളക്ഷൻ നേടുന്നത്. രണ്ടു ഭാഗങ്ങൾ ആയി ഒരുക്കുന്ന പുഷ്പയുടെ ആദ്യ ഭാഗമാണ് ഇപ്പോൾ റിലീസ് ചെയ്തത്. ഈ ചിത്രത്തിലെ പുഷ്പരാജ് എന്ന അല്ലു അർജുൻ കഥാപാത്രവും ഇതിൽ അദ്ദേഹത്തിന്റെ പഞ്ച് ഡയലോഗുകളും ലോകം മുഴുവൻ ഹിറ്റായി മാറി എന്ന് വേണം പറയാൻ. ദേശീയ- അന്തർദേശീയ ക്രിക്കറ്റ് താരങ്ങൾ വരെ അല്ലു അർജുന്റെ ഡയലോഗുകൾ പറഞ്ഞു കൊണ്ടുള്ള വീഡിയോ ചെയ്യാൻ തുടങ്ങി. ഇപ്പോഴിതാ ഇൻസ്റാഗ്രാമിലും ഒരു വമ്പൻ നേട്ടം സ്വന്തമാക്കിയിരിക്കുകയാണ് ഈ സൂപ്പർ താരം.

ഇൻസ്റ്റാഗ്രാമിൽ 15 മില്യൺ ഫോളോവേഴ്സ് എന്ന നേട്ടമാണ് അല്ലു അർജുൻ നേടിയിരിക്കുന്നത്. ഈ നേട്ടം സ്വന്തമാക്കുന്ന ആദ്യ സൗത്ത് ഇന്ത്യൻ താരമാണ് അല്ലു അർജുൻ. മറ്റൊരു തെലുങ്കു നടനായ ജയ് ദേവരകൊണ്ട മാത്രമാണ്, സൗത്ത് ഇന്ത്യൻ താരങ്ങളിൽ ഇന്‍സ്റ്റഗ്രാമില്‍ അല്ലുവിന് തൊട്ടടുത്തുള്ളത്. 14.2 മില്യണ്‍ ഫോളോവേഴ്സാണ് വിജയ് ദേവരകൊണ്ടയ്ക്കുള്ളത്. മലയാളത്തിൽ നിന്നും ദുൽകർ സൽമാൻ ആണ് ഈ ലിസ്റ്റിൽ മുകളിൽ ഉള്ളത്. 9 മില്യണിൽ അധികമാണ് ഇൻസ്റ്റയിൽ ദുല്കറിനുള്ള ഫോളോവെർസ്. രാം ചരണ്‍ (5), ജൂനിയര്‍ എന്‍.ടി.ആര്‍ (3.5), പ്രഭാസ് (7.7), മഹേഷ് ബാബു (7.6) എന്നിങ്ങനെയാണ് മറ്റ് തെലുങ്കു താരങ്ങളുടെ ഇൻസ്റ്റാഗ്രാം ഫോളോവെഴ്സിന്റെ എണ്ണം.