സൂപ്പർ ഹിറ്റ് സംവിധായകൻ എസ് എസ് രാജമൗലി ഒരുക്കിയ ആർ ആർ ആർ എന്ന ബ്രഹ്മാണ്ഡ ചിത്രം ബ്ലോക്ക്ബസ്റ്റർ വിജയമാണ് നേടുന്നത്. മാർച്ച് 25 നു അഞ്ചിലധികം ഭാഷകളിൽ റിലീസ് ചെയ്ത ഈ ചിത്രം ഇതിനോടകം എഴുനൂറ് കോടിക്ക് മുകളിൽ ആഗോള കളക്ഷൻ നേടിക്കഴിഞ്ഞു. ജൂനിയർ എൻ ടി ആർ, റാം ചരൺ എന്നിവർ നായകന്മാരായി എത്തിയ ഈ ചിത്രത്തിലെ നായികമാരായി എത്തിയത് ഒളിവിയ മോറിസ്, ആലിയ ഭട്ട് എന്നിവരാണ്. കെ വി വിജയേന്ദ്ര പ്രസാദ് രചിച്ച കഥയെ ആസ്പദമാക്കി എസ് എസ് രാജമൗലി തന്നെ തിരക്കഥ രചിച്ച ഈ ചിത്രം നിർമ്മിച്ചത് ഡിവിവി എന്റെർറ്റൈന്മെന്റ്സ് ആണ്. അഞ്ഞൂറ് കോടിക്ക് മുകളിൽ മുതൽ മുടക്കിയാണ് അവർ ഈ ചിത്രം ഒരുക്കിയത്. എന്നാൽ ചിത്രത്തിന്റെ റിലീസിന് ശേഷം ഇതിലെ ബോളിവുഡ് നായിക ആലിയ ഭട്ട് രാജമൗലിയുമായി വഴക്കിട്ടു എന്ന വാർത്തയും സോഷ്യൽ മീഡിയയിൽ പ്രചരിച്ചു. ഈയടുത്തായി ഈ സിനിമയുമായി ബന്ധപ്പെട്ട ചില പോസ്റ്റുകൾ ആലിയ ഇന്സ്റ്റഗ്രാമില്നിന്ന് നീക്കം ചെയ്തതോടെ ആണ് വാർത്തകൾ പ്രചരിച്ചത്.
ആലിയയുടെ കഥാപാത്രത്തിന്റെ ഏതാനും രംഗങ്ങള് ഈ ചിതത്തിൽനിന്നു നീക്കം ചെയ്തുവെന്നും അതില് നടി അസംതൃപ്തി പ്രകടിപ്പിച്ചു എന്നും രാജമൗലിയുമായി ഇക്കാര്യം പറഞ്ഞ് ആലിയ വഴക്കിട്ടെന്നും ആണ് വാർത്തകൾ വന്നത്. എന്നാലിപ്പോൾ അതിനെ കുറിച്ച് വിശദീകരണം നൽകി മുന്നോട്ടു വന്നിരിക്കുകയാണ് ആലിയ. പ്രചരിക്കുന്ന വാർത്തകളിൽ സത്യമില്ലെന്നും തന്റെ ഇൻസ്റ്റഗ്രാം പോസ്റ്റുകൾ ഇടയ്ക്കിടെ നീക്കം ചെയ്യാറുള്ളതാെണന്നും ആലിയ സമൂഹമാധ്യമത്തിലൂടെ തുറന്നു പറഞ്ഞു. ഇൻസ്റ്റഗ്രാം പോലെ ഉറപ്പില്ലാത്ത മീഡിയകളിലെ പോസ്റ്റുകൾ അടിസ്ഥാനമാക്കി അനുമാനങ്ങളിൽ എത്തുന്നത് ഒട്ടും ശരിയായ രീതിയില്ല എന്ന് കുറിച്ച ആലിയ, ആർ ആർ ആറിന്റെ ഭാഗമാകാൻ കഴിഞ്ഞത് ഭാഗ്യം ആണെന്നും, രാജമൗലി, ചരൺ, താരക് എന്നിവരോടൊപ്പം പ്രവർത്തിക്കാൻ കഴിഞ്ഞതിൽ ഏറെ നന്ദി ഉണ്ടെന്നും കുറിച്ചു. രാജമൗലി സാറിന്റെയും അദ്ദേഹത്തിന്റെ ടീമിന്റെയും വർഷങ്ങളായുള്ള തീവ്ര പരിശ്രമത്താൽ ഉണ്ടാക്കിയെടുത്ത ഈ മനോഹര ചിത്രത്തെ കുറിച്ചു തെറ്റായ വിവരങ്ങളും ഊഹാപോഹങ്ങളും പ്രചരിക്കുന്നത് കാണാൻ ഒട്ടും താല്പര്യം ഇല്ലാത്തതു കൊണ്ടാണ് ഇപ്പോൾ ഇങ്ങനെ ഒരു വിശദീകരണം താൻ നടത്തുന്നത് എന്നും ആലിയ പറയുന്നു.
ദളപതി വിജയ് നായകനായെത്തുന്ന അവസാന ചിത്രമാണ് ദളപതി 69 . എച്ച് വിനോദ് ഒരുക്കുന്ന ഈ ചിത്രത്തിന്റെ പൂജ ഒക്ടോബർ…
2019 ൽ പുറത്തിറങ്ങി സൂപ്പർ വിജയം നേടിയ ചിത്രമാണ് കുമ്പളങ്ങി നൈറ്റ്സ്. കേരളത്തിന് അകത്തും പുറത്തും പ്രേക്ഷക- നിരൂപക പ്രശംസ…
കഴിഞ്ഞ വർഷം പ്രഖ്യാപിക്കപ്പെട്ട ഒരു വമ്പൻ തമിഴ് ചിത്രമാണ് സുധ കൊങ്കര- സൂര്യ എന്നിവര് ഒന്നിക്കുന്ന രണ്ടാമത്തെ ചിത്രമായ ‘പുറനാനൂറ്'.…
നിവിൻ പോളിയെ നായകനാക്കി ഞണ്ടുകളുടെ നാട്ടിൽ ഒരിടവേള എന്ന സൂപ്പർ ഹിറ്റ് ചിത്രം സംവിധാനം ചെയ്ത അൽത്താഫ് സലിം ഒരുക്കുന്ന…
ശ്രീനിവാസൻ സംവിധാനം ചെയ്ത ചിന്താവിഷ്ടയായ ശ്യാമള എന്ന ചിത്രത്തിലൂടെ മലയാള സിനിമ പ്രേക്ഷകരുടെ മനസ്സിലിടം പിടിച്ച നായികയാണ് സംഗീത. ഇപ്പോഴിതാ…
കിസ്മത്, തൊട്ടപ്പൻ എന്നീ ചിത്രങ്ങൾ ഒരുക്കി പ്രശസ്തനായ ഷാനവാസ് ബാവക്കുട്ടി സംവിധാനം ചെയ്ത്, ഇന്ന് പ്രേക്ഷകർക്ക് മുന്നിലെത്തിയ ചിത്രമാണ് ഒരു…
This website uses cookies.