Varathan Movie
ഫഹദ് ഫാസിലിനെ നായകനാക്കി അമൽ നീരദ് സംവിധാനം ചെയ്യുന്ന ചിത്രമാണ് ‘വരത്തൻ’. ഫഹദിന്റെ കരിയറിലെ തന്നെ ഏറ്റവും മികച്ച ചിത്രങ്ങളിൽ ഒന്നായ ‘ഇയ്യോബിന്റെ പുസ്തകം’ സംവിധാനം ചെയ്തത് അമൽ നീരദായിരുന്നു. വീണ്ടും ഈ വിജയകൂട്ടുകെട്ട് വരത്തൻ എന്ന സിനിമയ്ക്ക് വേണ്ടി ഒന്നിക്കുന്നു എന്ന വാർത്തകൾ വന്നത് മുതൽ സിനിമ പ്രേമികൾ ഏറെ പ്രതീക്ഷയോടെയാണ് ഈ ചിത്രത്തെ നോക്കി കണ്ടത്. ചിത്രത്തിന്റെ ഫസ്റ്റ് ലുക്ക് പോസ്റ്റർ പ്രേക്ഷകരെ ആവേശത്തിലാഴ്ത്തിയിരുന്നു. ഫഹദിന്റെ കഥാപാത്രത്തെ കേന്ദ്രികരിച്ചുള്ള ടീസറും പ്രേക്ഷകർ ഇരുകൈയും നീട്ടി സ്വീകരിച്ചിരുന്നു. വരത്തനിലെ നായികയെ പരിയപ്പെടുത്തി പുതിയ പോസ്റ്റർ അണിയറ പ്രവർത്തകർ പുറത്തുവിട്ടിരിക്കുകയാണ്.
നിവിൻ പോളിയുടെ ‘ഞണ്ടുകളുടെ നാട്ടിൽ ഒരു ഇടവേള’ എന്ന ചിത്രത്തിലൂടെ മലയാള സിനിമയിൽ രംഗ പ്രവേശനം നടത്തിയ താരമാണ് ഐശ്വര്യ ലക്ഷ്മി. ടോവിനോ ചിത്രം ‘മായാനദി’യിലൂടെ പ്രേക്ഷകരുടെ ഇഷ്ടനായികയുമായി താരം മാറി. വരത്തനിൽ ഫഹദിന്റെ നായികയായി ഐശ്വര്യ ലക്ഷ്മിയാണ് വേഷമിടുന്നത്. പോസ്റ്ററിൽ സൂചിപ്പിക്കുന്നത് പോലെ പ്രിയ എന്ന കഥാപാത്രത്തെയാണ് താരം അവതരിപ്പിക്കുന്നത്. കഥാപാത്രത്തിന്റെ മറ്റ് സവിശേഷതകൾ ഒന്നും തന്നെ പുറത്തുവിട്ടിട്ടില്ല. വരത്തനിൽ ഫഹദ് രണ്ട് ലുക്കിലായിരിക്കും പ്രത്യക്ഷപ്പെടുക, ഒന്ന് താടിയുള്ളതും മറ്റേത് ഗോട്ടി ലുക്കിലുമായിരിക്കും. വാഗമണിലാണ് ചിത്രം കൂടുതലായും ചിത്രീകരിച്ചിരിക്കുന്നത്. അവസാന ഷെഡ്യുൾ ദുബൈയിലായിരുന്നു. ചിത്രീകരണം പൂർത്തിയാക്കിയ സിനിമയുടെ പോസ്റ്റ് പ്രൊഡക്ഷൻ വർക്കുകൾ നടന്നു കൊണ്ടിരിക്കുകയാണ്. ആഗസ്റ്റ് 23ന് ഫഹദിന്റെ ഏറ്റവും വലിയ റിലീസുകളിൽ ഒന്നായി പ്രദര്ശനത്തിനെത്തിക്കാനാണ് അണിയറ പ്രവർത്തകർ തീരുമാനിച്ചിരിക്കുന്നത്.
വരത്തന്റെ തിരക്കഥ ഒരുക്കിയിരിക്കുന്നത് സുഹാസ് ഷർഫുവാണ്. ഷറഫുദീൻ, അർജുൻ അശോകൻ, വിജിലേഷ്, ദിലീഷ് പോത്തൻ, ചേതൻ ലാൽ തുടങ്ങിയവർ ചിത്രത്തിൽ പ്രധാന വേഷങ്ങൾ കൈകാര്യം ചെയ്യുന്നുണ്ട്. ചിത്രത്തിന് വേണ്ടി ഛായാഗ്രഹണം നിർവഹിച്ചിരിക്കുന്നത് പറവയിലൂടെ ശ്രദ്ധ നേടിയ ലിറ്റിൽ സ്വയംപാണ്. വിവേക് ഹർഷനാണ് എഡിറ്റിങ് വർക്കുകൾ കൈകാര്യം ചെയ്തിരിക്കുന്നത്. സുഷിൻ ശ്യാമിന്റെ സംഗീതം ഒരുക്കുന്നത്. നസ്രിയ ആദ്യമായി നിർമ്മിക്കുന്ന ചിത്രം കൂടിയാണ് ‘വരത്തൻ’. അമൽ നീരദ് പ്രൊഡക്ഷന്റെ ബാനറിൽ പുറത്തിറങ്ങുന്ന ഈ ചിത്രം മലയാളികൾക്ക് ഓണത്തിന് ഒരു ദൃശ്യ വിരുന്ന് തന്നെയായിരിക്കും.
ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…
പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
വിജയ് ദേവരകൊണ്ട നായകനായ "കിങ്ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…
മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…
This website uses cookies.