സൗത്ത് ഇന്ത്യയിലെ തന്നെ ഏറ്റവും മൂല്യമുള്ള സംവിധായകരിൽ ഒരാളാണ് വെട്രിമാരൻ. സംവിധാനം ചെയ്ത ആടുകളം, വിസാരണൈ, വടചെന്നൈ, അസുരൻ തുടങ്ങിയ ചിത്രങ്ങൾ വലിയ വിജയമാവുകയും നിരവധി പുരസ്കാരങ്ങൾക്ക് അർഹമാവുകയും ചെയ്തു. ധനുഷിനെ നായകനാക്കി അസുരൻ എന്ന ചിത്രമാണ് വെട്രിമാരൻ അവസാനമായി സംവിധാനം ചെയ്തത്. അസുരനിലെ പ്രകടനത്തിന് ഈ വർഷത്തെ മികച്ച നടനുള്ള ദേശീയ പുരസ്കാരം ധനുഷ് നേടുകയും ചെയ്തു. തമിഴിലെ തന്നെ ഏറ്റവും മികച്ച സംവിധായകൻ വെട്രിമാരനൊപ്പം സൂപ്പർതാരം വിജയ് അഭിനയിക്കണമെന്നത് ആരാധകരുടെയും സിനിമാപ്രേമികളുടെയും വലിയ ഒരു സ്വപ്നമാണ്. ഇരുവരും ഒന്നിക്കുന്ന ചിത്രത്തെക്കുറിച്ച് മുൻപ് റിപ്പോർട്ടുകൾ പുറത്തു വന്നിരുന്നു. വിജയുടെ അറുപത്തിയഞ്ചാമത്തെ ചിത്രം വെട്രിമാരൻ സംവിധാനം ചെയ്യാനൊരുങ്ങിയതായിരുന്നു. എന്നാൽ സാങ്കേതികമായ കാരണങ്ങൾ കൊണ്ട് നെൽസൺ ദിലീപ്കുമാർ സംവിധാനം ചെയ്യുന്ന പുതിയ ചിത്രത്തിൽ അഭിനയിച്ചു. ഔദ്യോഗികമായ പ്രഖ്യാപനം പുറത്തുവന്നെങ്കിലും വിജയ് വെട്രിമാരൻ ചിത്രത്തിൽ നിന്നും പിന്മാറിയത് ആരാധകരിൽ വലിയ നിരാശ ഉളവാക്കിയിരുന്നു. ഇപ്പോഴിതാ ആരാധകർക്ക് ഒരു ആവേശം നൽകുന്ന റിപ്പോർട്ടുകളാണ് പുറത്തു വന്നിരിക്കുന്നത്.
വെട്രിമാരനും ദളപതി വിജയും ആദ്യമായി ഒന്നിക്കുന്ന പുതിയ ചിത്രം ഉടൻതന്നെ സംഭവിക്കുമെന്ന് ടൈംസ് ഓഫ് ഇന്ത്യ റിപ്പോർട്ട് ചെയ്യുന്നു. നിലവിൽ സൂരി കേന്ദ്രകഥാപാത്രമാകുന്ന ചിത്രമൊരുക്കുന്നതിന്റെ തിരക്കിലാണ് വെട്രിമാരൻ. ഈ ചിത്രത്തിനുശേഷം ഗൗരി താരം സൂര്യയുമായി ഒന്നിക്കുന്ന വാടി വാസൽ എന്ന ചിത്രം സംവിധാനം ചെയ്യും എന്ന് വെട്രിമാരൻ പ്രഖ്യാപിച്ചിട്ടുണ്ട്. നിലവിൽ ഈ രണ്ടു ചിത്രങ്ങൾ പൂർത്തിയായശേഷം ആയിരിക്കും വിജയ് നായകനാകുന്ന ചിത്രം വെട്രിമാരൻ സംവിധാനം ചെയ്യാനൊരുങ്ങുക. നിലവിലുള്ള ചിത്രങ്ങൾ പൂർത്തിയാക്കിയതിന് ശേഷം വിജയുടെ ഡേറ്റിനായി കാത്തിരിക്കാനാണ് വെട്രിമാരന്റെ തീരുമാനമെന്നും പുതിയ റിപ്പോർട്ടുകൾ സൂചിപ്പിക്കുന്നു. എന്നും സിനിമാലോകത്ത് വലിയ അത്ഭുതങ്ങൾ സൃഷ്ടിച്ചിട്ടുള്ള സംവിധായകനൊപ്പം വിജയ് ഒന്നിക്കുമ്പോൾ ആ ചിത്രത്തിൽ മേലുള്ള ആരാധകരുടെയും സിനിമ പ്രേമികളുടെയും പ്രതീക്ഷ വാനോളമാണ്. നായകന്റെ അഭിനയത്തിനും താരമൂല്യത്തിനും വളരെയേറെ പ്രാധാന്യം കൊടുത്തുകൊണ്ടുള്ള വെട്രിമാരന്റെ മേക്കിങ് രീതി എല്ലായിപ്പോഴും നിരൂപക പ്രശംസയും തീയേറ്റർ വിജയവും നേടാറുണ്ട്.
മമ്മൂട്ടിയും മോഹൻലാലും ഒന്നിക്കുന്ന മഹേഷ് നാരായണൻ ചിത്രത്തില് നയൻതാര ജോയിൻ ചെയ്തു. 9 വർഷങ്ങൾക്കുശേഷം മമ്മൂട്ടിയും നയൻതാരയും ഒന്നിച്ചഭിനയിക്കുന്ന സിനിമ…
കിഷ്കിന്ധാ കാണ്ഡം എന്ന ചിത്രത്തിന് ശേഷം ഗുഡ് വിൽ എന്റർടൈൻമെന്റിന്റെ ബാനറിൽ ജോബി ജോർജ് നിർമ്മിച്ച 'നാരായണീന്റെ മൂന്നാണ്മക്കൾ' ഗംഭീര…
മെഗാസ്റ്റാർ മമ്മൂട്ടിയെ നായകനാക്കി ഹരിഹരൻ ഒരുക്കിയ ക്ലാസിക് ചിത്രം ഒരു വടക്കൻ വീരഗാഥ ഫെബ്രുവരി ഏഴിന് ആണ് റീ റീലിസിനു…
മെഗാസ്റ്റാർ മമ്മൂട്ടിയെ നായകനാക്കി നവാഗതനായ ഡീനോ ഡെന്നിസ് തിരക്കഥ രചിച്ച് സംവിധാനം ചെയ്ത ബസൂക്കയുടെ പുതിയ റിലീസ് തീയതി പുറത്ത്.…
തമിഴകത്തിന്റെ സൂപ്പർതാരം അജിത് കുമാറിനെ നായകനാക്കി പ്രശസ്ത സംവിധായകൻ മഗിഴ് തിരുമേനി സംവിധാനം ചെയ്ത 'വിടാമുയർച്ചി' ഇന്ന് മുതൽ കേരളത്തിലെ…
മലയാളത്തിന്റെ മഹാനടൻ മമ്മൂട്ടിയെ നായകനാക്കി എംടി-ഹരിഹരന് കൂട്ടുകെട്ടിലൊരുങ്ങിയ ക്ലാസിക് ചിത്രമായ ഒരു വടക്കന് വീരഗാഥ വീണ്ടും തീയേറ്ററുകളിൽ പ്രേക്ഷകരുടെ മുന്നിലേക്ക്…
This website uses cookies.