കോവിഡ് രണ്ടാം തരംഗത്തിന് ശേഷം വീണ്ടും കേരളത്തിലെ തീയേറ്ററുകൾ തുറന്നു പ്രവർത്തിക്കാൻ പോവുകയാണ്. രണ്ടാം തവണ തുറക്കുമ്പോൾ ആദ്യം എത്തുന്നത് കുറച്ചു ഹോളിവുഡ് ചിത്രങ്ങളും തമിഴ് ചിത്രങ്ങളും ആണ്. അതിൽ രജനികാന്ത് നായകനായ അണ്ണാത്തെ അടക്കം ഉണ്ട്. മലയാള ചിത്രമായ സ്റ്റാറും വൈകാതെ റിലീസ് ചെയ്യും. എന്നാൽ തീയേറ്റർ തുറന്നു കഴിഞ്ഞു ആദ്യം എത്തുന്ന വലിയ മലയാള ചിത്രം ദുല്ഖർ സൽമാൻ നായകനായ കുറുപ്പ് ആണ്. നവംബർ പന്ത്രണ്ടിന് ആണ് കുറുപ്പ് റിലീസ് ചെയ്യാൻ പോകുന്നത്. വമ്പൻ റിലീസ് ആയി ആണ് കുറുപ്പ് എത്തുക. അതോടെ തീയേറ്ററുകൾ പഴയ പോലെ ആഘോഷത്തിന്റെ അന്തരീക്ഷത്തിൽ എത്തുമെന്നാണ് തീയേറ്റർ ഉടമകൾ പ്രതീക്ഷിക്കുന്നത്. ശ്രീനാഥ് രാജേന്ദ്രൻ ഒരുക്കിയ ഈ ചിത്രം നിർമ്മിച്ചിരിക്കുന്നത് ദുല്ഖർ സൽമാൻ തന്നെയാണ്.
എന്നാൽ കുറുപ്പ് റിലീസ് ആവുമ്പോൾ വലിയൊരു യാദൃശ്ചികതയും അതിനൊപ്പം ഉണ്ട്. കോവിഡ് ആദ്യ തരംഗത്തിന് ശേഷം കേരളത്തിലെ തീയേറ്ററുകൾ തുറന്ന സമയത്തു, ആദ്യം റിലീസ് ആയ വലിയ മലയാള ചിത്രം മമ്മൂട്ടി നായകനായ പ്രീസ്റ്റ് ആയിരുന്നു. നവാഗതനായ ജോഫിൻ ടി ചാക്കോ സംവിധാനം ചെയ്ത ഈ ചിത്രം മികച്ച വിജയവും നേടിയിരുന്നു. താരതമ്യേന കുറഞ്ഞ ബഡ്ജറ്റിൽ ഒരുക്കിയ ഈ ചിത്രം ഒരുപാട് ദിവസങ്ങൾ എടുക്കാതെ തന്നെ നിർമ്മാതാവിന് നേട്ടം സമ്മാനിച്ച ചിത്രമാണ്. ഏതായാലും വീണ്ടും തീയേറ്റർ തുറക്കുമ്പോൾ മമ്മൂട്ടിയുടെ മകന്റെ ചിത്രം തന്നെ എത്തുന്നത് വലിയ രീതിയിലാണ് മമ്മൂട്ടി- ദുല്ഖർ സൽമാൻ ആരാധകർ ആഘോഷിക്കുന്നത്. ഈ യാദൃശ്ചികത തീയേറ്റർ സംഘടന നടത്തിയ പ്രസ് മീറ്റിൽ അവർ എടുത്തു പറയുന്ന വീഡിയോയും ഇപ്പോൾ വൈറലാണ്.
ഈ കഴിഞ്ഞ വെള്ളിയാഴ്ച മലയാളി സിനിമാ പ്രേമികൾക്ക് മുന്നിലെത്തിയ ചിത്രമാണ് "കേക്ക് സ്റ്റോറി". നിരവധി സൂപ്പർ ഹിറ്റുകൾ മലയാള സിനിമക്ക്…
എൻവിബി ഫിലിംസ് നിർമിക്കുന്ന സൈക്കോളജിക്കൽ ത്രില്ലർ ചിത്രം "നികിത റോയ്" 2025 മെയ് 30 ന് തിയേറ്ററുകളിൽ എത്തും. ചിത്രത്തിൻ്റെ…
ടൊവീനോ തോമസിനെ നായകനാക്കി അനുരാജ് മനോഹർ സംവിധാനം ചെയ്യുന്ന 'നരിവേട്ട' എന്ന ചിത്രത്തിലെ ആദ്യ വീഡിയോ ഗാനം 'മിന്നൽവള കൈയിലിട്ട…
ടൊവിനോ തോമസിനെ നായകനാക്കി അനുരാജ് മനോഹർ സംവിധാനം ചെയ്യുന്ന ‘നരിവേട്ട’യിലെ ആദ്യ ഗാനം പുറത്തിറങ്ങി. പൃഥ്വിരാജ് സുകുമാരന്റെ സോഷ്യൽ മീഡിയ…
ഖാലിദ് റഹ്മാൻ സംവിധാനം ചെയ്ത് നസ്ലെൻ ഉൾപ്പെടെ നിരവധി യുവ പ്രതിഭകൾ അഭിനയിച്ച ആലപ്പുഴ ജിംഖാനയിലൂടെ പ്രേക്ഷകരുടെ കയ്യടി നേടുകയാണ്…
ഈ വർഷത്തെ വിഷു റിലീസായി മലയാളി പ്രേക്ഷകരുടെ മുന്നിലെത്തിയ രണ്ട് ചിത്രങ്ങളാണ് ഖാലിദ് റഹ്മാൻ ഒരുക്കിയ'ആലപ്പുഴ ജിംഖാനയും, നവാഗതനായ ശിവപ്രസാദ്…
This website uses cookies.