[social] [social_icon link="http://facebook.com/themesphere" title="Facebook" type="facebook" /] [social_icon link="http://twitter.com/Theme_Sphere" title="Twitter" type="twitter" /] [social_icon link="#" title="Google+" type="google-plus" /] [social_icon link="#" title="LinkedIn" type="linkedin" /] [social_icon link="#" title="VK" type="vk" /] [/social]
Latest News

ബോളിവുഡ് ചിത്രം കമ്പനിക്ക് ശേഷം മോഹൻലാൽ- വിവേക് ഒബ്രോയ്‌ കൂട്ടുകെട്ട് വീണ്ടും ഒന്നിക്കുന്നു…

മോഹൻലാലിനെ നായകനാക്കി പൃഥ്വിരാജ് ആദ്യമായി സംവിധാനം ചെയ്യുന്ന ചിത്രമാണ് ‘ലൂസിഫർ’. സഹനടനായി, നടനായി, ഗായകനായി, നിർമ്മാതാവായി തിളങ്ങിയ പൃഥ്വിരാജിന്റെ ആദ്യ സംവിധാന സംരംഭം എന്ന നിലയിൽ സിനിമ പ്രേമികൾ ഏറെ പ്രതീക്ഷയോടെ കാത്തിരിക്കുന്ന ചിത്രം കൂടിയാണിത്. മുരളി ഗോപിയാണ് ചിത്രത്തിന് വേണ്ടി തിരക്കഥ ഒരുക്കിയിരിക്കുന്നത്. പ്രീ പ്രൊഡക്ഷൻ വർക്കുകൾ പുരോഗമിക്കുന്ന ചിത്രത്തിന്റെ ഷൂട്ടിംഗ് ജൂലൈ 16ന് ആരംഭിക്കും. ചിത്രത്തിന്റെ ടൈറ്റിൽ പോസ്റ്ററും ഫസ്റ്റ് ലുക്ക് പോസ്റ്ററും വൻ സ്വീകരണമാണ് സമൂഹ മാധ്യമങ്ങളിൽ ലഭിച്ചത്. ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂരാണ് ചിത്രം നിർമ്മിക്കുന്നത്.

ചിത്രത്തിന്റെ കാസ്റ്റിംഗിന്റെ തിരക്കിലാണ് സംവിധായകൻ പൃഥ്വിരാജ്. ലൂസിഫറിൽ പ്രധാന വേഷത്തിൽ സഹോദരൻ കൂടിയായ ഇന്ദ്രജിത്ത് ഉണ്ടാവുമെന്ന സ്ഥിതികരണം അടുത്തിടെ ഒരു ഇന്റർവ്യൂയിൽ പൃഥ്വിരാജ് പറയുകയുണ്ടായി. ലൂസിഫറിൽ വില്ലനായി വിവേക് ഒബ്രോയാണ് വേഷമിടുന്നതന്ന് സൂചനയുണ്ടായിരുന്നു, എന്നാൽ ഔദ്യോഗിക സ്ഥിതികരണമായി ലൂസിഫർ ടീം മുന്നോട്ട് വന്നിരിക്കുകയാണ്. ലൂസിഫർ സിനിമയുടെ ഒഫീഷ്യൽ പേജിൽ വിവേക് ഒബ്രോയ്‌ പ്രധാന വേഷത്തിലെത്തുന്നുണ്ട് എന്ന് അറിയിപ്പാണ് അണിയറ പ്രവർത്തകർ പുറത്തുവിട്ടിരിക്കുന്നത്. കേരളത്തിലെത്തിയ വിവേക് ഒബ്രോയുമായുള്ള നിർമ്മാതാവ് ആന്റണി പെരുമ്പാവൂറിന്റെ ചിത്രങ്ങൾ ഇതിനോടകം എല്ലായിടത്തും എത്തിക്കഴിഞ്ഞു. കമ്പനി എന്ന ബോളിവുഡ് ചിത്രത്തിന് ശേഷമാണ് വിവേക് ഒബ്രോയ്‌- മോഹൻലാൽ വീണ്ടും ഒന്നിക്കുന്നത്. വിവേക് ഒബ്രോയുടെ കരിയറിലെ ആദ്യ ചിത്രം കൂടിയായിരുന്നു ‘കമ്പനി’. ലൂസിഫറിൽ വീണ്ടും മോഹൻലാലിനൊപ്പം അഭിനയിക്കാൻ അവസരം ലഭിച്ച സന്തോഷത്തിലാണ് നടൻ വിവേക് ഒബ്രോയ്‌. ലൂസിഫറിലെ മറ്റ് കഥാപാത്രങ്ങളെ വരും ദിവസങ്ങളിൽ പ്രേക്ഷകർക്ക് അറിയാൻ സാധിക്കും എന്നാണ് അടുത്ത വൃത്തങ്ങൾ സൂചിപ്പിക്കുന്നത്. വില്ലന് ശേഷം മഞ്ജു വാര്യരാണ് മോഹൻലാലിന്റെ നായികയായിയെത്തുന്നത് എന്ന് സൂചനയുണ്ട്. മോഹൻലാലിന്റെ മകളായി സാനിയയും അനിയനായി ടോവിനോയും വേഷമിടുന്നുണ്ട് എന്നും വാർത്തകൾ പരക്കുന്നുണ്ട്. ദീപക് ദേവാണ് ചിത്രത്തിന് വേണ്ടി സംഗീതം ഒരുക്കുന്നത്. സുജിത് വാസുദേവാണ് ഛായാഗ്രഹണം നിർവഹിക്കുന്നത്.

webdesk

Recent Posts

വീക്കെൻഡിൽ തിയേറ്ററിൽ ചിരി പൂരം തീർത്ത് സുരാജ് ചിത്രം ; മികച്ച പ്രകടനം കാഴ്ചവെച്ച് ‘ഇഡി’

ക്രിസ്മസിന്‌ ആക്ഷൻ ചിത്രങ്ങൾക്കൊപ്പം തിയേറ്ററിലെത്തിയ സുരാജ്‌ വെഞ്ഞാറമൂട്‌ ചിത്രം മികച്ച പ്രേക്ഷക പ്രതികരണങ്ങളുമായ്‌ മുന്നേറുന്നു. നിരവധി പ്രേക്ഷകരാണ് ഈ കഴിഞ്ഞ…

3 hours ago

കിടിലൻ നൃത്തവുമായി സുരാജ് വെഞ്ഞാറമൂട്; സൂപ്പർ ഹിറ്റ് ഫാമിലി ചിത്രം ‘ഇഡി’യിലെ സൈക്കോ സോങ് കാണാം

സുരാജ് വെഞ്ഞാറമൂട് നായകനായ ഇഡി മികച്ച പ്രേക്ഷക പ്രതികരണങ്ങളുമായി മുന്നേറുകയാണ്‌. ക്രിസ്തുമസ് റിലീസായി ഡിസംബര്‍ 20ന് തിയേറ്ററിലെത്തിയ ഈ ചിത്രം…

4 hours ago

ബോക്സ് ഓഫീസിനെ തൂക്കി പൊളിച്ചു മാർക്കോ; രണ്ട് ദിനം കൊണ്ട് വാരിയത് 23 കോടിക്കും മുകളിൽ

ഉണ്ണി മുകുന്ദൻ നായകനായ മാർക്കോ ബോക്സ് ഓഫീസിൽ കൊടുങ്കാറ്റ്‌ സൃഷ്ടിക്കുന്ന കാഴ്ചയാണ് കാണാൻ സാധിക്കുന്നത്. ഹനീഫ് അദനി രചിച്ചു സംവിധാനം…

16 hours ago

ആട് 3 ഒരുങ്ങുന്നത് മെഗാ ബജറ്റ് ചിത്രമായി

പ്രശസ്ത സംവിധായകനും രചയിതാവുമായ മിഥുൻ മാനുവൽ തോമസ് ഒരുക്കാൻ പോകുന്ന ആട് 3 എന്ന ചിത്രത്തിൻ്റെ പുതിയ അപ്ഡേറ്റ് എത്തി.…

2 days ago

വേറിട്ട കോമഡി ട്രാക്കുമായി അമ്പരപ്പിക്കുന്ന സുരാജ് വെഞ്ഞാറമൂട്; എക്സ്ട്രാ ഡീസന്റ് സൂപ്പർ വിജയത്തിലേക്ക്

ഒരിക്കൽ കൂടി സുരാജ് വെഞ്ഞാറമൂട് എന്ന നടനെ ആഘോഷിക്കുന്ന ചിത്രം മലയാള സിനിമ പ്രേമികൾക്ക് മുന്നിൽ എത്തിയിരിക്കുകയാണ്. കഴിഞ്ഞ ദിവസം…

2 days ago

അമ്പരപ്പിക്കുന്ന ആക്ഷൻ ഇതിഹാസം; മാർക്കോ റിവ്യൂ വായിക്കാം

ഏറെ നാളത്തെ കാത്തിരിപ്പിനൊടുവിൽ മലയാള സിനിമ പ്രേക്ഷകർക്ക് മുന്നിലേക്കെത്തിയ ചിത്രമാണ് യുവ താരം ഉണ്ണി മുകുന്ദൻ നായകനായെത്തിയ ആക്ഷൻ ത്രില്ലർ…

3 days ago

This website uses cookies.