നവാഗതനായ വിഷ്ണു ജി രാഘവ് രചിച്ചു സംവിധാനം ചെയ്ത വാശി എന്ന ചിത്രം ഇപ്പോൾ മികച്ച പ്രതികരണം നേടി തീയേറ്ററുകളിൽ മുന്നേറുകയാണ്. ടോവിനോ തോമസ്, കീർത്തി സുരേഷ് എന്നിവർ പ്രധാന വേഷങ്ങളിൽ എത്തിയ ഈ ചിത്രം രണ്ടു വക്കീൽ കഥാപാത്രങ്ങളുടെ ജീവിതത്തിലൂടെ കഥ പറയുന്ന ഒരു കോർട്ട് റൂം ഡ്രാമയായാണ് ഒരുക്കിയിരിക്കുന്നത്. ഇപ്പോഴിതാ ഈ ചിത്രത്തിന് അഭിന്ദനവുമായി മുന്നോട്ടു വന്നിരിക്കുകയാണ് പ്രശസ്ത അഭിഭാഷകനായ ഹരീഷ് വാസുദേവൻ. ചിത്രം കണ്ടതിന് ശേഷം ഹൈക്കോടതി അഭിഭാഷകൻ ഹരീഷ് വാസുദേവൻ സോഷ്യൽ മീഡിയയിൽ കുറിച്ച വാക്കുകളാണ് ഏറെ ശ്രദ്ധ നേടുന്നത്. അഭിഭാഷകരുടെ ജീവിതത്തോട് നല്ലപോലെ നീതി പുലർത്തിയ ചിത്രമാണ് വാശി എന്ന് പറഞ്ഞ അദ്ദേഹം കോടതിയിൽ നടക്കുന്ന വിചാരണയെപ്പറ്റി ഇത്ര റിയലിസ്റ്റിക്കായി എടുത്തിട്ടുള്ള മലയാളസിനിമ അടുത്തിടെ വേറെ കണ്ടിട്ടില്ലെന്നും പറയുന്നുണ്ട്.
ഹരീഷ് വാസുദേവൻ കുറിച്ച വാക്കുകൾ ഇപ്രകാരം, “CBI 5 കണ്ടതിന്റെ പിറ്റേന്നാണ് വാശി കാണാൻ പോയത്. വില്ലനാരെന്നു അറിയാത്ത CBI 5 ൽ ഒട്ടും സസ്പെൻസ് തോന്നാതെയാണ്, ബോറായിട്ടാണ് കണ്ടെങ്കിൽ വില്ലനാരെന്നു അറിയാവുന്ന ‘വാശി’യിൽ അവസാനം വരെ സസ്പെൻസ് ഉണ്ടായിരുന്നു. ഉദ്വേഗജനകമായ എന്നാൽ ലളിതമായ, ചെറിയ കഥ. കോടതിയിൽ നടക്കുന്ന വിചാരണയെപ്പറ്റി ഇത്ര റിയലിസ്റ്റിക്കായി എടുത്തിട്ടുള്ള മലയാളസിനിമ അടുത്തയിടെ വേറേ കണ്ടിട്ടില്ല. അഭിഭാഷകരുടെ ജീവിതത്തോട് നല്ലപോലെ നീതി പുലർത്തിയ കഥയും സംഭാഷണവും സംവിധാനവും. നല്ല അഭിനയവും. ജൂനിയർ വക്കീലന്മാർ എന്തായാലും മിസ്സാക്കാൻ പാടില്ലാത്ത ഒരു സിനിമ”. രേവതി കലാമന്ദിറിന്റെ ബാനറിൽ ജി സുരേഷ് കുമാർ, മേനക സുരേഷ് കുമാർ എന്നിവർ ചേർന്ന് നിർമ്മിച്ച ഈ ചിത്രത്തിന്റെ കഥ ജാനിസ് ചാക്കോ സൈമൺ ആണ് രചിച്ചത്.
പ്രശസ്ത രചയിതാവ് രഘുനാഥ് പലേരിയുടെ തിരക്കഥയിൽ ഷാനവാസ് കെ ബാവക്കുട്ടി സംവിധാനം ചെയ്ത ' ഒരു കട്ടിൽ ഒരു മുറി'…
100 കോടി പിന്നിട്ടിട്ടും A.R.M ൻ്റെ ബോക്സ് ഓഫീസ് കുതിപ്പ് തുടർന്നുകൊണ്ടിരിക്കുകയാണ്. കഴിഞ്ഞ ആഴ്ചകളിലായി കേരളത്തിലെ തിയറ്ററുകളിൽ നിന്ന് എല്ലാ…
കൺവിൻസിങ് സ്റ്റാർ എന്ന പേരിൽ സമൂഹ മാധ്യമങ്ങളിൽ ഇപ്പോൾ നിറഞ്ഞു നിൽക്കുകയാണ് പ്രശസ്ത മലയാള താരം സുരേഷ് കൃഷ്ണ. അതീവ…
'തല്ലുമാല'ക്ക് ശേഷം ഖാലിദ് റഹ്മാൻ സംവിധാനം ചെയ്യുന്ന പുതിയ ചിത്രത്തിന്റെ ടൈറ്റിൽ പുറത്ത്. സ്പോർട്സ് കോമഡി വിഭാഗത്തിൽ ഒരുങ്ങുന്ന ചിത്രത്തിൽ…
നസ്ലൻ, കല്യാണി പ്രിയദർശൻ എന്നിവരെ പ്രധാന കഥാപാത്രങ്ങളാക്കി അരുൺ ഡൊമിനിക് രചിച്ചു സംവിധാനം ചെയ്യുന്ന ചിത്രത്തിന്റെ ഷൂട്ടിംഗ് ഇപ്പോൾ പുരോഗമിക്കുകയാണ്.…
മലയാള സിനിമയിലെ മികച്ച എഴുത്തുകാരുടെ നിരയിൽ മുൻപന്തിയിൽ സ്ഥാനം പിടിച്ചയാളാണ് രഘുനാഥ് പലേരി. മലയാള സിനിമയിലെ ക്ലാസ്സിക്കുകൾ പലതും പിറന്ന…
This website uses cookies.