ഗ്ലാമറസ് ലുക്കിൽ നടി ശ്രിന്ദ; സാരിയിൽ തിളങ്ങിയ നടിയുടെ ചിത്രങ്ങൾ കാണാം..!

മലയാള സിനിമയിലെ പ്രശസ്ത നടിമാരിലൊരാളാണ് ഇന്ന് ശ്രിന്ദ. 1983 എന്ന നിവിൻ പോളി- എബ്രിഡ് ഷൈൻ ചിത്രത്തിലെ സച്ചിനെ അറിയാത്ത ആ പെൺകുട്ടിയെ മലയാള സിനിമാ പ്രേമികൾ ഇരു കയ്യും നീട്ടിയാണ് സ്വീകരിച്ചത്. പിന്നീട് ഒട്ടേറെ വ്യത്യസ്ത കഥാപാത്രങ്ങളിലൂടെ ശ്രിന്ദ നമ്മുടെ മുന്നിലെത്തി. നായികയായും സഹനടിയായും ഹാസ്യ നടിയായും നെഗറ്റീവ് വേഷത്തിലുമെല്ലാം ഒരുപോലെ തിളങ്ങുന്ന ഒരു നടിയായി ശ്രിന്ദ മലയാള സിനിമയിൽ നിറഞ്ഞു നിൽക്കുകയാണ് ഇപ്പോൾ. സോഷ്യൽ മീഡിയയിലും ഏറെ സജീവമാണ് ഈ നടി. ഏതായാലും ഇപ്പോൾ സോഷ്യൽ മീഡിയയുടെ ശ്രദ്ധ നേടിയെടുക്കുന്നത് ശ്രിന്ദയുടെ പുതിയ ഫോട്ടോഷൂട്ട് ചിത്രങ്ങൾ ആണ്. ഗ്ലാമറസ് ആയി ആണ് ശ്രിന്ദ ഈ ഫോട്ടോഷൂട്ടിൽ പ്രത്യക്ഷപ്പെട്ടിരിക്കുന്നത്. സാരി ഉടുത്തു പ്രത്യക്ഷപ്പെട്ടിരിക്കുന്ന ശ്രിന്ദയുടെ ഈ പുതിയ ചിത്രങ്ങൾ സമൂഹ മാധ്യമങ്ങളിൽ വൈറലായി കഴിഞ്ഞു.

https://www.instagram.com/p/CPBER90D-gj/

2010 ൽ ഫോർ ഫ്രെണ്ട്സ് എന്ന സിനിമയിലൂടെ മലയാള സിനിമയിൽ അരങ്ങേറ്റം കുറിച്ച ശ്രിന്ദ, 22 ഫീമയിൽ കോട്ടയം എന്ന സിനിമയിലെ ജിൻസി എന്ന കഥാപാത്രം ചെയ്തതോടെയാണ് കൂടുതൽ ശ്രദ്ധിക്കപ്പെടുന്നത്. ഇപ്പോൾ അഭിനയ ജീവിതത്തിലെ പതിനൊന്നാം വർഷത്തിലേക്കു കടക്കുന്ന ശ്രിന്ദ ഇതിനോടകം അൻപതിലധികം ചിത്രങ്ങളാണ് ചെയ്തത്. നാടൻ വേഷങ്ങളും മോഡേൺ വേഷങ്ങളും ഒരുപോലെ ഇണങ്ങുന്ന ഒരു നടിയെന്നതും ശ്രിന്ദക്ക് ഒട്ടേറെ വ്യത്യസ്ത കഥാപാത്രങ്ങളെ നേടിക്കൊടുക്കുന്നതിൽ നിർണ്ണായകമായി വന്ന ഘടകമാണ്. ഏതായാലും ഇപ്പോൾ പ്രചരിക്കുന്ന ശ്രിന്ദയുടെ പുതിയ ചിത്രങ്ങളിൽ, സാരിയിൽ അതീവ മനോഹരിയായാണ് ഈ നടി കാണപ്പെടുന്നത്. ആൽവിൻ വർഗീസും നസ്‌നിൻ അബ്‍ദുള്ളയും ചേർന്നാണ് ശ്രിന്ദയുടെ ഈ പുതിയ ചിത്രങ്ങൾ പകർത്തിയിരിക്കുന്നത്.

https://www.instagram.com/p/CPBER90D-gj/