നിവിൻ പോളി നായകനായ വിനീത് ശ്രീനിവാസൻ ചിത്രം ജേക്കബിന്റെ സ്വർഗ്ഗരാജ്യത്തിലൂടെ മലയാളത്തിൽ അരങ്ങേറ്റം കുറിച്ച നടിയാണ് റീബ മോണിക്ക ജോൺ. അതിനു ശേഷം പൈപ്പിൻ ചുവട്ടിലെ പ്രണയം, മിഖായേൽ, ഫോറൻസിക് എന്നീ മലയാള ചിത്രങ്ങളിലും അഭിനയിച്ചു ശ്രദ്ധ നേടിയ ഈ നടി തെന്നിന്ത്യ മുഴുവൻ പോപ്പുലർ ആയതു, ദളപതി വിജയ് നായകനായി എത്തിയ ബിഗിൽ എന്ന ആറ്റ്ലി ചിത്രത്തിലെ വനിതാ ഫുട്ബോൾ താരമായുള്ള മികച്ച പ്രകടനത്തോടെയാണ്. ബിഗിൽ കൂടാതെ രണ്ടു തമിഴ് ചിത്രങ്ങളിലും കൂടി അഭിനയിച്ച ഈ നടി, അതിനു പുറമെ കന്നഡ, തെലുങ്കു ഭാഷകളിലും അഭിനയിച്ചു. ഇപ്പോഴിതാ ഈ നടി വിവാഹിതയായി എന്ന വാർത്തയാണ് പുറത്തു വരുന്നത്. ദുബായ് സ്വദേശിയായ ജോയ്മോൻ ജോസഫ് ആണ് റീബയുടെ വരൻ. കഴിഞ്ഞ വർഷം ഫെബ്രുവരിയിൽ ആണ് ജോയ്മോൻ റീബയെ പ്രൊപ്പോസ് ചെയ്തത്. അതിനു റീബ സമ്മതം മൂളിയെന്ന വിവരവും ജോയ്മോൻ തന്നെയാണ് സോഷ്യൽ മീഡിയയിലൂടെ എല്ലാവരേയും അറിയിച്ചത്.
റീബയുടെ ജന്മദിനാഘോഷങ്ങളുടെ ഇടയിലായിരുന്നു ഇരുവരും വിവാഹക്കാര്യം പങ്കുവച്ചത് എന്ന് പറഞ്ഞ അവർ, അതിന്റെ ചിത്രങ്ങളും പങ്കു വെച്ചിരുന്നു. വിഷ്ണു വിശാൽ നായകനായി എത്തുന്ന എഫ് ഐ ആർ ആണ് റീബയുടെ പുതിയ ചിത്രം. തമിഴിൽ ആണ് ഈ ചിത്രം ഒരുങ്ങുന്നത്. ഇത് കൂടാതെ സകലകലാ വല്ലഭ എന്ന കന്നഡ ചിത്രം, ഒക്ടോബർ 31 ലേഡീസ് നൈറ്റ് എന്ന തമിഴ്/ തെലുങ്കു ചിത്രം, രജനി എന്ന മലയാള ചിത്രം, പേരിടാത്ത ജിസ് ജോയ്- ആസിഫ് അലി- ആന്റണി വർഗീസ് ചിത്രം എന്നിവയാണ് റീബ അഭിനയിച്ചു പുറത്തു വരാൻ ഉള്ളത്.
ബ്ലോക്ബസ്റ്റർ ഹിറ്റായ കല്യാണി പ്രിയദർശൻ - ഡൊമിനിക് അരുൺ ചിത്രം "ലോക" യുടെ രണ്ടാം ഭാഗത്തിൽ ടോവിനോ തോമസ് നായകനായി…
ഷറഫുദീൻ പ്രൊഡക്ഷൻസിന്റെ ബാനറിൽ ഷറഫുദീൻ നിർമ്മിക്കുന്ന ചിത്രം "പെറ്റ് ഡിറ്റക്ടീവ്" റിലീസിന് ഒരുങ്ങുകയാണ്. ഇപ്പോഴിതാ ചിത്രത്തിൻ്റെ തീം സോങ് പുറത്ത്…
ദേശീയ, സംസ്ഥാന പുരസ്കാരജേതാവായ സെന്ന ഹെഗ്ഡെയുടെ ഏറ്റവും പുതിയ ചിത്രത്തിന്റെ ട്രെയിലർ പുറത്തിറങ്ങി. ‘അവിഹിതം’ എന്ന പേരിൽ പുറത്തിറങ്ങുന്ന ചിത്രത്തിന്റെ…
ദേശീയ പുരസ്കാര ജേതാവായ സംവിധായകൻ സജിൻ ബാബുവിന്റെ പുതിയ ചിത്രം, 'തീയേറ്റർ: ദ മിത്ത് ഓഫ് റിയാലിറ്റി' റഷ്യയിലെ കാസാനിൽ…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ടീസർ പുറത്ത്.…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ടീസർ നാളെ…
This website uses cookies.